ꦌꦏꦺꦴꦤꦺꦴꦩꦶ
꧋ꦥꦔꦶꦤ꧀ꦠꦸꦤ꧀ꦤꦤ꧀ꦥꦶꦱꦁꦱꦏꦶꦁꦧꦚꦸꦮꦔꦶꦝꦠꦼꦁꦎꦱ꧀ꦠꦿꦭꦶ꧉
꧋ꦕꦤ꧀ꦝꦏ꧀ꦏꦶꦥꦸꦤ꧀ꦏꦗꦮꦺꦤ꧀ꦎꦁꦏ 1꧉
꧋ꦩꦤꦮꦶꦤꦶꦠꦶꦏ꧀ꦥꦔꦤ꧀ꦢꦶꦏꦤꦶꦥꦸꦤ꧀ꦠꦸꦮꦤ꧀ Leefmans ꦏꦱ꧀ꦧꦸꦠ꧀ꦲꦶꦁꦏꦗꦮꦺꦤ꧀꧈ꦎꦁꦏ 1 ꦧꦧ꧀ꦥꦩꦼꦫꦁꦔꦶꦥꦸꦤ꧀ꦲꦩꦥꦶꦱꦁ꧈ꦥꦸꦤꦶꦏꦱꦗꦏ꧀ꦏꦶꦥꦸꦤ꧀ꦏꦢꦺꦴꦱ꧀ꦤꦩꦸꦁꦥꦿꦱꦗꦏꦺꦩꦮꦺꦴꦤ꧀꧉ꦠꦸꦂꦮꦿꦒꦢ꧀ꦢꦶꦥꦸꦤ꧀ꦲꦶꦁꦒꦶꦃꦧꦺꦴꦠꦼꦤ꧀ꦥꦠꦺꦴꦱ꧀ꦲꦮꦶꦱ꧀꧉ꦥꦶꦫꦤ꧀ꦠꦺꦴꦱ꧀ꦱꦶꦁꦚꦼꦩ꧀ꦥꦿꦺꦴꦠ꧀ꦥꦸꦤꦶꦏꦉꦒꦶꦤꦶꦥꦸꦤ꧀ꦤꦩꦸꦁ f 0.50 ꦲꦸꦠꦮꦶ f 0.60꧈ꦩꦶꦠꦸꦫꦸꦠ꧀ꦥꦺꦠꦁꦔꦶꦥꦸꦤ꧀ꦠꦸꦮꦤ꧀ Leefmans ꦮꦿꦒꦢ꧀ꦢꦶꦁꦧꦸꦧꦸꦏ꧀ꦏꦤ꧀ꦱꦼꦏꦂꦲꦶꦁꦏꦁꦏꦼꦢꦃꦏꦱꦼꦩ꧀ꦥꦿꦺꦴꦠ꧀ꦠꦏꦼꦤ꧀ꦲꦶꦁꦥꦶꦱꦁꦥꦸꦤꦶꦏꦲꦶꦁꦢꦊꦩ꧀ꦱꦠꦸꦤ꧀ꦝꦸꦤ꧀ꦤꦶꦥꦸꦤ꧀ꦤꦩꦸꦁ 6 ꦱꦺꦤ꧀꧈ꦢꦢꦺꦴꦱ꧀ꦲꦶꦁꦢꦊꦩ꧀ꦱꦭꦶꦫꦁꦔꦶꦥꦸꦤ꧀ꦏꦶꦤ꧀ꦠꦼꦤ꧀ꦏꦶꦤ꧀ꦠꦼꦤ꧀ꦤꦩꦸꦁ 1 ꦱꦺꦤ꧀꧉ꦱꦫꦺꦃꦤꦶꦁꦱꦩꦁꦏꦺꦠꦼꦠꦺꦭꦧꦶꦭꦶꦃꦮꦿꦒꦢ꧀ꦢꦶꦁꦲꦩꦼꦫꦁꦔꦶꦲꦩꦥꦶꦱꦁꦮꦲꦸꦏꦊꦧꦼꦠ꧀ꦩꦶꦫꦃ꧈ꦏꦢꦺꦴꦱ꧀ꦥꦽꦭꦸꦱꦔꦼꦠ꧀꧈ꦧꦶꦭꦶꦃꦥꦠꦿꦥ꧀ꦥꦶꦥꦸꦤ꧀ꦲꦩꦼꦫꦁꦔꦶꦲꦶꦁꦏꦁꦩꦏꦠꦼꦤ꧀ꦮꦲꦸꦧꦺꦴꦠꦼꦤ꧀ꦔꦼꦩꦸꦁꦔꦏꦼꦤ꧀ꦢꦶꦥꦸꦤ꧀ꦲꦼꦕꦏ꧀ꦲꦏꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦥꦏꦼꦧꦺꦴꦤ꧀ꦤꦤ꧀ꦥꦶꦱꦁꦲꦶꦁꦧꦚꦸꦮꦔꦶꦏꦺꦩꦮꦺꦴꦤ꧀꧈ꦲꦤꦔꦶꦁꦲꦸꦒꦶꦲꦶꦁꦥꦥꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀ꦲꦶꦁꦱꦲꦶꦤ꧀ꦢꦼꦁꦔꦶꦁꦥꦸꦭꦺꦴꦗꦮꦶꦥꦸꦤꦶꦏ꧉ꦥꦸꦤꦥꦩꦭꦶꦃꦲꦶꦁꦱꦩꦁꦏꦺꦏꦛꦃꦱꦔꦼꦠ꧀ꦥꦶꦱꦁꦱꦏꦶꦁꦄꦥ꧀ꦝꦺꦭꦶꦁꦧꦚꦸꦮꦔꦶ꧈ꦏꦼꦝꦶꦫꦶꦭꦤ꧀ꦩꦢꦸꦫꦱꦩꦶꦏꦏꦶꦤ꧀ꦠꦸꦤ꧀ꦤꦏꦼꦤ꧀ꦝꦠꦼꦁꦱꦸꦫꦧꦪ꧈ꦥꦸꦤꦶꦏꦩꦤꦮꦶꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦥꦶꦱꦁꦠꦸꦤ꧀ꦝꦸꦤ꧀ꦤꦤ꧀ꦲꦶꦁꦏꦁꦏꦏꦶꦤ꧀ꦠꦸꦤ꧀ꦤꦏꦼꦤ꧀ꦮꦲꦸꦏꦠꦶꦔꦭ꧀ꦱꦲꦺꦱꦲꦺ꧈ꦱꦩ꧀ꦥꦸꦤ꧀ꦠꦼꦩ꧀ꦠꦸꦉꦒꦶꦤꦶꦁꦥꦶꦱꦁꦱꦪꦩꦶꦤ꧀ꦝꦏ꧀ꦩꦶꦤ꧀ꦝꦏ꧀꧉ꦠꦸꦩꦿꦥ꧀ꦠꦶꦠꦶꦪꦁꦠꦤꦶꦲꦭꦶꦠ꧀ꦲꦭꦶꦠ꧀꧈ꦲꦶꦁꦏꦁꦲꦸꦒꦶꦲꦩꦽꦭꦺꦴꦏ꧀ꦲꦏꦼꦤ꧀ꦱꦩꦶꦲꦤꦤꦼꦩ꧀ꦥꦶꦱꦁꦲꦶꦁꦥꦏꦼꦧꦺꦴꦤ꧀ꦤꦤ꧀ꦤꦶꦥꦸꦤ꧀꧈ꦏꦢꦺꦴꦱ꧀ꦲꦶꦁꦒꦶꦃꦥꦽꦭꦸꦢꦶꦥꦸꦤ꧀ꦱꦼꦉꦥ꧀ꦱꦼꦉꦥ꧀ꦥꦏꦼꦤ꧀ꦕꦫꦤꦶꦥꦸꦤ꧀ꦲꦤꦁꦒꦸꦭꦁꦔꦶꦉꦔꦼꦠ꧀ꦥꦶꦱꦁꦏꦢꦺꦴꦱ꧀ꦲꦶꦁꦏꦁꦱꦩ꧀ꦥꦸꦤ꧀ꦏꦲꦤ꧀ꦝꦂꦫꦏꦼꦤ꧀ꦲꦶꦁꦔꦶꦁꦒꦶꦭ꧀꧉ꦩꦼꦁꦒꦃꦲꦶꦁꦏꦁꦥꦽꦭꦸꦥꦶꦪꦩ꧀ꦧꦏ꧀ꦏꦠꦶꦤ꧀ꦢꦏ꧀ꦲꦏꦼꦤ꧀ꦠꦸꦩꦿꦥ꧀ꦲꦶꦁꦱꦩꦁꦏꦺ꧈ꦲꦶꦁꦒꦶꦃꦥꦸꦤꦶꦏꦲꦶꦁꦥꦝꦸꦱꦸꦤ꧀ꦤꦤ꧀ꦥꦝꦸꦱꦸꦤ꧀ꦤꦤ꧀ꦧꦮꦃꦄꦥ꧀ꦝꦺꦭꦶꦁꦧꦚꦸꦮꦔꦶ꧈ꦲꦮꦶꦠ꧀ꦗꦭꦂꦫꦤ꧀ꦱꦏꦶꦁꦏꦛꦃꦲꦶꦁꦠꦶꦠꦶꦪꦁꦲꦶꦁꦏꦁꦱꦩꦶꦤꦤꦼꦩ꧀ꦥꦶꦱꦁ꧈ꦲꦶꦁꦏꦁꦮꦺꦴꦃꦲꦶꦥꦸꦤ꧀ꦱꦩꦶꦏꦏꦶꦤ꧀ꦠꦸꦤ꧀ꦤꦏꦼꦤ꧀ꦝꦠꦼꦁꦠꦤꦃꦎꦱ꧀ꦠꦿꦭꦶ꧉ꦲꦶꦁꦱꦫꦺꦃꦤꦶꦁꦠꦸꦩꦿꦥ꧀ꦲꦶꦁꦔꦿꦶꦏꦸꦠꦤꦼꦩ꧀ꦩꦤ꧀ꦥꦶꦱꦁꦮꦲꦸꦏꦊꦧꦼꦠ꧀ꦱꦠꦸꦁꦒꦶꦭ꧀ꦭꦶꦁꦥꦔꦸꦥꦗꦶꦮꦲꦶꦁꦏꦁꦲꦒꦼꦁꦱꦔꦼꦠ꧀꧈ꦢꦢꦺꦴꦱ꧀ꦲꦶꦁꦒꦶꦃꦱꦩ꧀ꦥꦸꦤ꧀ꦩꦼꦱ꧀ꦛꦶꦤꦶꦥꦸꦤ꧀꧈ꦩꦤꦮꦶꦲꦩꦤꦶꦁꦥꦶꦱꦁꦏꦼꦢꦃꦢꦶꦥꦸꦤ꧀ꦥꦼꦫꦁꦔꦶꦏꦤ꧀ꦛꦶꦱꦪꦼꦏ꧀ꦠꦺꦴꦱ꧀꧉
꧋ꦚꦺꦕꦺꦏ꧀ꦏꦶꦥꦶꦱꦁꦠꦸꦤ꧀ꦝꦸꦤ꧀ꦤꦤ꧀(gambar)
꧋ꦩꦤꦮꦶꦥꦶꦤꦸꦗꦸꦮꦺꦴꦤ꧀ꦠꦼꦤ꧀ꦧꦲꦶꦠꦏꦥꦭ꧀ꦧꦝꦺꦥꦁꦏꦠ꧀꧈ꦩꦶꦭꦲꦶꦁꦒꦶꦃꦫꦩꦺꦱꦔꦼꦠ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦲꦶꦁꦥꦭꦧꦸꦃꦲꦤ꧀ꦧꦚꦸꦮꦔꦶ꧉ꦥꦔꦶꦤ꧀ꦠꦸꦤ꧀ꦤꦶꦥꦸꦤ꧀ꦥꦶꦱꦁꦱꦏꦶꦁꦥꦝꦸꦱꦸꦤ꧀ꦤꦤ꧀ꦲꦶꦁ
