ꦥꦸꦤ꧀ꦏꦼꦩꦮꦺꦴꦤ꧀꧈ꦤꦩꦸꦁꦲꦸꦒꦶꦱꦼꦠꦠ꧀ꦱꦶꦪꦸꦤꦶꦥꦸꦤ꧀ꦧꦧ꧀ꦥꦿꦏꦮꦶꦱ꧀ꦫꦶꦩꦠꦤ꧀ꦫꦸꦥꦶꦤꦶꦥꦸꦤ꧀ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦧꦼꦒꦿꦸꦠꦼꦔꦶꦥꦸꦤ꧀꧉ꦈꦒꦶꦥꦔꦸꦫꦸꦱꦶꦥꦸꦤ꧀ꦲꦢ꧀ꦩꦶꦤꦶꦱꦼꦠꦿꦱꦶꦫꦸꦥꦶꦤꦶꦥꦸꦤ꧀ꦏꦶꦫꦁꦱꦔꦼꦠ꧀꧈ꦠꦤ꧀ꦝꦤꦶꦥꦸꦤ꧀ꦢꦶꦤ꧀ꦠꦼꦤ꧀ꦥꦸꦤꦶꦏꦬꦼꦧꦺꦴꦠꦁꦒꦭ꧀ꦤꦸ 28 ꦞꦼꦱꦺꦩ꧀ꦧꦼꦂꦏꦸꦭꦮꦁꦱꦸꦭ꧀ꦱꦏꦶꦁꦟꦠꦂꦩ꧀ꦥꦏ꧀ꦱꦼꦏꦶꦤ꧀ꦠꦼꦤ꧀ꦩ꧀ꦪ 1 ꦲꦶꦁꦏ꧀ꦭꦱ꧀ꦢꦼ 2 ꦱꦲꦉꦚ꧀ꦕꦁ 1 ꦧꦪꦫꦶꦁꦏꦽꦠꦠꦿꦱꦫꦸꦥꦶꦪꦃꦏꦠꦩ꧀ꦥꦶꦤꦶꦁꦏꦺꦴꦤ꧀ꦝꦺꦏ꧀ꦠꦸꦂ꧈ꦲꦤꦩꦸꦁꦠꦼꦫꦸꦱ꧀ꦢꦸꦩꦸꦒꦶꦤꦶꦥꦸꦤ꧀ꦲꦶꦁꦡꦚ꧀ꦗꦸꦁꦏꦫꦁꦧꦺꦴꦠꦼꦤ꧀ꦢꦶꦥꦸꦤ꧀ꦱꦸꦏꦤꦶꦏꦂꦕꦶꦱ꧀ꦲꦸꦠꦮꦶꦧꦶꦭꦾꦺꦠ꧀ꦲꦸꦠꦮꦶꦉꦱꦶ꧉ ꧋ꦲꦤꦔꦶꦁꦲꦶꦁꦏꦁꦩꦏꦠꦼꦤ꧀ꦥꦸꦤꦶꦏꦢꦶꦭꦭꦃꦲꦶꦁꦒꦶꦃꦏꦩ꧀ꦥ꧀ꦭꦶꦠ꧀ꦏꦭꦶꦲꦤ꧀ꦥꦚ꧀ꦗꦒꦺꦤꦶꦥꦸꦤ꧀ꦲꦶꦁꦱꦼꦠꦠ꧀ꦱꦶꦪꦸꦤ꧀ꦡꦚ꧀ꦗꦸꦁꦏꦫꦁ꧈ꦤꦭꦶꦏꦏꦸꦭꦥꦁꦏꦠ꧀ꦗꦩ꧀ 11 ꦢꦶꦤ꧀ꦠꦼꦤ꧀ꦏꦱꦼꦧꦸꦠ꧀ꦔꦶꦁꦒꦶꦭ꧀꧈ꦱꦸꦩꦼꦉꦥ꧀ꦲꦒꦺꦤ꧀ꦥꦸꦭꦶꦱꦶꦤꦺꦴꦩꦼꦂ 41 ꦭꦶꦁꦒꦶꦃꦔꦤ꧀ꦠꦸꦏ꧀ꦮꦺꦴꦤ꧀ꦠꦼꦤ꧀ꦲꦶꦁꦱꦼꦠꦠ꧀ꦱꦶꦪꦸꦤ꧀꧉ ꧋ꦲꦶꦁꦏꦁꦱꦩꦤ꧀ꦠꦼꦤ꧀ꦏꦸꦭꦏꦶꦤ꧀ꦠꦼꦤ꧀ꦕꦼꦏꦥ꧀ꦢꦺꦴꦔꦺꦁꦏꦭꦏꦁꦒꦼꦚꦼꦏꦥꦶꦥꦩꦸꦤ꧀ꦝꦸꦠꦶꦥꦸꦤ꧀ꦥꦩꦤ꧀ꦲꦶꦁꦧꦧ꧀ꦏꦠꦿꦔꦤ꧀ꦏꦮꦺꦴꦤ꧀ꦠꦼꦤꦤ꧀ꦲꦶꦁꦭꦩ꧀ꦥꦸꦁ꧉ ꧋ꦒꦩ꧀ꦥꦶꦭ꧀ꦏꦸꦭꦩꦠꦸꦂꦩꦭꦶꦃꦏꦛꦃꦏꦛꦃꦱꦩꦁꦱꦩꦁꦱꦏꦸꦭꦲꦸꦠꦮꦶꦲꦶꦁꦔꦿꦶꦏꦶꦲꦸꦠꦮꦶꦥꦩꦤ꧀ꦲꦺꦱ꧀ꦠꦸꦠꦶꦤ꧀ꦢꦏ꧀ꦝꦠꦼꦁꦭꦩ꧀ꦥꦸꦁ꧈ꦏꦼꦂꦱꦫꦮꦸꦃꦲꦶꦁꦫꦺꦴꦩ꧀ꦥꦺꦴꦏ꧀ꦏꦸꦭꦲꦶꦁꦮꦺꦭ꧀ꦠꦼꦦꦿꦺꦝꦼꦤ꧀꧈ꦏꦩ꧀ꦥꦸꦁꦭꦶꦩ꧉
꧋ꦱꦗꦮꦶꦤꦶꦁꦥꦼꦏꦼꦤ꧀ꦮꦤꦏꦂꦠ꧉ (foto)
꧋ꦱꦥꦼꦁꦏꦼꦫꦶꦥꦸꦤ꧀ꦱꦼꦫꦠ꧀ꦥꦸꦤꦶꦏꦏꦸꦭꦱꦧꦿꦪꦠ꧀ꦒꦶꦤꦚ꧀ꦗꦂꦮꦶꦭꦸꦗꦼꦁꦲꦶꦁꦔꦿꦶꦏꦩꦏꦠꦼꦤ꧉
ꦥꦸꦠꦿꦑꦂꦪꦲꦂꦗ꧉
꧋ꦑꦩ꧀ꦥꦸꦁꦭꦶꦩ꧈ꦮꦺꦭ꧀ꦠꦼꦦꦿꦺꦝꦼꦤ꧀꧈ 30 ꦝꦼꦱꦺꦩ꧀ꦧꦼꦂ 1927꧉
ꦥꦮꦂꦠꦺꦴꦱ꧀ꦱꦏꦶꦁꦄꦢ꧀ꦩꦶꦤꦶꦱ꧀ꦠꦿꦱꦶ
꧋ꦭꦁꦒꦤꦤ꧀ꦤꦺꦴꦩꦼꦂ 1935 ꦲꦶꦁꦩꦏꦱꦂ꧉ꦫꦒꦶꦲꦁꦒꦸꦩꦸꦤꦏꦼꦤ꧀ꦩꦤꦮꦶꦏꦗꦮꦺꦤ꧀ꦲꦱꦿꦶꦁꦧꦺꦴꦠꦼꦤ꧀ꦏꦠꦩ꧀ꦥꦶ꧉ꦩꦺꦴꦁꦏꦥꦔꦶꦤ꧀ꦠꦸꦤꦶꦥꦸꦤ꧀ꦲꦗꦼꦒ꧀꧈ꦠꦸꦂꦲꦶꦁꦒꦶꦃꦧꦺꦴꦠꦼꦤ꧀ꦤꦠꦼꦮꦁꦱꦸꦭ꧀꧉ꦲꦺꦮꦢꦼꦤꦼꦲꦶꦁꦒꦶꦃꦏꦏꦶꦤ꧀ꦠꦸꦤꦤ꧀ꦩꦭꦶꦃ꧉ꦧꦧ꧀ꦧꦪꦫꦤ꧀ꦲꦶꦁꦏꦁꦱꦩ꧀ꦥꦸꦤ꧀ꦏꦠꦩ꧀ꦥꦺꦤ꧀꧈ꦢꦸꦩꦸꦒꦶꦮꦸꦭꦤ꧀ꦩꦉꦠ꧀ꦔꦗꦼꦁꦥꦸꦤꦶꦏ꧉ꦭꦁꦒꦤꦤ꧀ꦤꦺꦴꦩꦼꦂ 419 ꦲꦶꦁꦯꦼꦩꦫꦁ꧉ꦬꦺꦃꦤꦶꦁꦥꦚ꧀ꦗꦼꦤꦼꦔꦤ꧀ꦱꦩ꧀ꦥꦸꦤ꧀ꦔ꧀ꦭꦼꦧꦼꦠꦏꦼꦤ꧀ꦭꦁꦒꦤꦤ꧀ꦲꦺꦁꦒꦭ꧀ꦢ 4 ꦲꦶꦗꦶ꧈ꦢꦺꦴꦱ꧀ꦩꦼꦱ꧀ꦛꦶꦤꦶꦥꦸꦤ꧀ꦥꦶꦏꦤ꧀ꦠꦸꦏ꧀ꦑꦗꦮꦺꦤ꧀ꦊꦭꦲꦤꦤ꧀꧉ꦄꦤꦔꦶꦁꦫꦺꦃꦤꦶꦁꦱꦼꦩꦸꦤꦶꦥꦸꦤ꧀ꦧꦺꦴꦠꦼꦤ꧀ꦏꦼꦂꦱꦤꦩ꧀ꦥꦶꦥꦽꦱꦺꦤ꧀꧈ꦩꦶꦭꦥꦫꦶꦁꦥꦚ꧀ꦗꦼꦤꦼꦔꦤ꧀ꦲꦂꦠꦭꦁꦒꦤꦤ꧀ꦲꦶꦁꦒꦶꦃꦏꦠꦩ꧀ꦥꦶ꧉ꦩꦠꦸꦂꦤꦸꦮꦸꦤ꧀꧉ ꧋ꦥꦫꦭꦁꦒꦤꦤ꧀ꦭꦩꦶꦲꦶꦁꦏꦁꦱꦩ꧀ꦥꦸꦤ꧀ꦱꦩꦶꦏꦼꦥꦉꦁꦲꦩꦪꦤ꧀ꦠꦸꦔꦧꦼꦠꦏꦼꦤ꧀ꦭꦁꦒꦤꦤ꧀ꦲꦺꦁꦒꦭ꧀ꦥꦶ 4 ꦲꦶꦗꦶꦢꦭꦃꦲꦂꦠꦭꦁꦒꦤꦤꦶꦥꦸꦤ꧀꧈ꦭꦗꦼꦁꦏꦤ꧀ꦠꦸꦏ꧀ꦑꦗꦮꦺꦤ꧀ꦊꦭꦲꦤꦤ꧀꧉ ꧋ꦑꦗꦮꦺꦤ꧀ꦤꦺꦴꦩꦼꦂ 51 ꦱꦲ 52 ꦠꦲꦸꦤ꧀ꦏꦥꦼꦁꦏꦼꦂ꧈ꦱꦩ꧀ꦥꦸꦤ꧀ꦠꦼꦭꦱ꧀ꦧꦧꦂꦥꦶꦱꦤ꧀꧈ꦢꦢꦺꦴꦱ꧀ꦧꦺꦴꦠꦼꦤ꧀ꦱꦒꦼꦢ꧀ꦔꦶꦤ꧀ꦠꦸꦤꦶꦝꦠꦼꦁꦥꦫꦭꦁꦒꦤꦤ꧀ꦲꦺꦁꦒꦭ꧀꧈ꦩꦸꦒꦶꦱꦩ꧀ꦥꦸꦤ꧀ꦲꦤ꧀ꦢꦢꦺꦴꦱꦏꦼꦤ꧀ꦕꦸꦮꦤꦶꦁꦥꦁꦒꦭꦶꦃ꧉
ꦨꦊ ꦥꦸꦱ꧀ꦠꦏ꧉
