꧋ꦱꦼꦂꦱꦤ꧀ꦗꦸꦫꦸꦱꦼꦫꦠ꧀ꦥꦿꦶꦧꦸꦩꦶꦤꦩ Johannes ꦲꦶꦁꦏꦁꦱꦩ꧀ꦥꦸꦤ꧀ꦏꦥꦽꦤꦲꦏꦼꦤ꧀ꦲꦶꦁꦩꦫꦏꦩ꧀ꦧꦔꦤ꧀꧈ꦲꦁꦱꦭ꧀ꦝꦶꦥ꧀ꦭꦺꦴꦩꦃꦥꦁꦒꦼꦒꦤꦝꦫꦠꦤ꧀꧈ꦭꦗꦼꦁꦧꦝꦼꦱꦶꦤꦻꦴꦩꦭꦶꦃꦩꦸꦫꦶꦃꦱꦒꦼꦢ꧀ꦲꦁꦱꦭ꧀ꦝꦶꦥ꧀ꦭꦺꦴꦩꦃꦩꦭꦶꦃꦲꦶꦁꦥꦁꦒꦼꦒꦤꦭꦻꦴꦠꦤ꧀꧉ ꧋ꦏꦮꦂꦠꦺꦴꦱꦏꦼꦤ꧀꧈ꦧꦶꦭꦶꦃꦑꦁꦗꦼꦁꦨꦸꦥꦠꦶꦨꦤ꧀ꦝꦸꦁ꧈ꦫꦢꦺꦤ꧀ꦲꦢꦶꦥꦠꦶꦲꦂꦪꦮꦶꦫꦤꦠꦑꦸꦱꦸꦩꦱꦏꦭꦶꦪꦤ꧀꧈ꦠꦸꦮꦶꦤ꧀ꦫꦢꦺꦤ꧀ꦩꦱ꧀ꦥꦚ꧀ꦗꦶꦒꦺꦴꦤ꧀ꦢꦱꦸꦩꦂꦪ꧈ꦲꦸꦥ꧀ꦗꦏ꧀ꦱꦥꦺꦤ꧀ꦱꦶꦪꦸꦤ꧀ꦲꦶꦁꦯꦸꦫꦏꦂꦠꦲꦸꦒꦶꦱꦏꦭꦶꦪꦤ꧀꧈ꦱꦩ꧀ꦥꦸꦤ꧀ꦏꦥꦉꦔꦏꦼꦤ꧀ꦱꦺꦴꦮꦤ꧀ꦱꦿꦶꦧꦒꦼꦤ꧀ꦝꦏꦁꦗꦼꦁꦫꦗꦥꦸꦠꦿꦶ꧈ꦤꦸꦗꦸꦲꦶꦁꦮꦚ꧀ꦕꦶꦱꦺꦴꦤ꧀ꦠꦼꦤ꧀꧉ ꧋ꦏꦮꦂꦠꦺꦴꦱꦏꦼꦤ꧀꧈ꦄꦱꦶꦱ꧀ꦠꦺꦤ꧀ꦮꦢꦤꦲꦶꦁꦞꦼꦥꦺꦴꦏ꧀꧈ꦔꦪꦺꦴꦓꦾ꧈ꦩꦼꦤ꧀ꦠꦱ꧀ꦚꦼꦥꦼꦁꦝꦸꦏꦸꦤ꧀ꦤꦩꦯꦪꦶꦢ꧀ꦆꦢꦿꦶꦱ꧀꧈ꦢꦢꦺꦴꦱ꧀ꦝꦸꦏꦸꦤ꧀ꦲꦶꦁꦏꦁꦢꦶꦥꦸꦤ꧀ꦱꦸꦪꦸꦢꦶꦲꦶꦁꦠꦶꦪꦁꦏꦛꦃ꧈ꦝꦸꦏꦸꦤ꧀ꦮꦻꦴꦔꦏꦼꦤ꧀ꦠꦸꦫꦸꦤꦶꦥꦸꦤ꧀ꦏꦁꦗꦼꦁꦤꦧꦶꦩꦸꦃꦑꦩꦢ꧀꧈ꦏꦕꦼꦥꦼꦔꦶꦥꦸꦤ꧀ꦠꦶꦪꦁꦮꦻꦴꦮꦺꦴꦤ꧀ꦠꦼꦤ꧀ꦲꦶꦁꦮꦶꦤꦔ꧈ꦩꦁꦒꦺꦤ꧀ꦲꦶꦁꦒꦿꦶꦪꦒꦼꦝꦺꦴꦁꦲꦒꦼꦁ꧉ ꧋ꦥꦚꦸꦮꦸꦤꦶꦥꦸꦤ꧀ꦓꦼꦩꦺꦤ꧀ꦠꦼꦲꦶꦁꦨꦠꦮꦶꦧꦝꦼꦢꦩꦼꦭ꧀ꦱꦩ꧀ꦠꦤ꧀ꦛꦲꦶꦥꦸꦤ꧀ꦏꦭꦶꦃꦪꦸꦠꦫꦸꦥꦶꦪꦃꦱꦩ꧀ꦥꦸꦤ꧀ꦢꦶꦥꦸꦤ꧀ꦥꦉꦔꦏꦼꦤ꧀ꦲꦶꦁꦥꦩꦉꦤ꧀ꦠꦃ꧉ꦥꦉꦥꦠꦤꦶꦁ gedeputeerden ꦤ꧀ꦲꦶꦁꦒꦶꦃꦱꦩ꧀ꦥꦸꦤ꧀ꦤꦪꦺꦴꦒꦾꦤꦶ꧉ ꧋ꦠꦶꦪꦁꦤꦩꦨꦺꦴꦏ꧀ꦦꦮꦶꦫꦲꦶꦁꦝꦸꦱꦸꦤ꧀ꦦꦸꦤ꧀ꦝꦺꦴꦁ꧈ꦔꦪꦺꦴꦓꦾ꧈ꦩꦺꦃꦠꦶꦮꦱ꧀ꦗꦭꦫꦤ꧀ꦩꦤꦏ꧀ꦢꦶꦥꦸꦤ꧀ꦥꦶꦠꦸꦭꦸꦔꦶꦲꦶꦁꦝꦸꦏꦸꦤ꧀ꦏꦩ꧀ꦥꦸꦁ꧈ꦠꦸꦗꦸꦤꦶꦥꦸꦤ꧀ꦭꦗꦼꦁꦏꦼꦠꦸꦭꦸꦔꦤ꧀ꦲꦶꦁꦝꦸꦏꦸꦤ꧀ꦧꦪꦶ(vroedvrouw)ꦱꦏꦶꦁꦒꦿꦶꦪꦱꦏꦶꦠ꧀ꦦꦼꦠꦿꦺꦴꦤꦼꦭꦃ꧉ꦥꦸꦤꦶꦏꦤꦺꦴꦕꦺꦴꦒꦶꦏꦢꦺꦴꦱ꧀ꦱꦸꦫꦲꦺꦴꦱꦶꦁꦏꦫꦔꦤ꧀ꦲꦶꦁꦏꦗꦮꦺꦤ꧀ꦤꦺꦴꦩꦼꦂ 2 ꦲꦶꦁꦧꦧ꧀ꦝꦸꦏꦸꦤ꧀ꦏꦩ꧀ꦥꦸꦁ꧉ ꧋ꦱꦼꦢꦾꦤꦶꦁ B.O. ꦚꦠꦸꦁꦒꦭ꧀ꦝꦠꦼꦁ P.P.K.I. ꦏꦢꦺꦴꦱ꧀ꦲꦶꦁꦏꦁꦢꦶꦥꦸꦤ꧀ꦉꦩ꧀ꦧꦒ꧀ꦲꦶꦁꦏꦺꦴꦁꦒꦿꦺꦱ꧀꧈ꦢꦶꦥꦸꦤ꧀ꦱꦪꦺꦴꦒꦾꦤꦶꦲꦶꦁꦔꦏꦛꦃ꧉ ꧋ꦮꦺꦴꦤ꧀ꦠꦼꦤ꧀ꦥꦮꦂꦠꦺꦴꦱ꧀꧈ꦧꦶꦭꦶꦃꦲꦶꦁꦭꦭꦢꦤ꧀ꦠꦤꦃꦨꦠꦏ꧀ꦠꦸꦮꦸꦃꦱꦱꦏꦶꦠ꧀ꦥꦺꦱ꧀ꦩꦲꦼꦱꦲꦶꦁꦏꦁꦩꦸꦠꦮꦠꦺꦴꦱꦶ꧉ꦓꦸꦥꦼꦂꦤꦸꦂꦯꦸꦩꦠꦿꦱꦶꦱꦶꦃꦏꦶꦭꦺꦤ꧀ꦔꦮꦺꦴꦤ꧀ꦠꦼꦤꦏꦼꦤ꧀ꦲꦸꦤ꧀ꦝꦁꦲꦸꦤ꧀ꦝꦁꦔꦮꦶꦱꦶꦠꦶꦠꦶꦪꦁꦧꦺꦴꦠꦼꦤ꧀ꦏꦼꦔꦶꦁꦲꦩ꧀ꦧꦼꦏ꧀ꦠꦏꦼꦮꦤ꧀ꦲꦁꦒꦪꦼꦩꦶꦝꦠꦼꦁꦭꦭꦢꦤ꧀ꦔꦿꦶꦏꦸ꧉ ꧋ꦲꦺꦮꦃꦲꦺꦮꦲꦤ꧀ꦲꦶꦁꦥꦸꦭꦺꦴꦗꦮꦶꦠꦸꦮꦶꦤ꧀ꦩꦢꦸꦫ꧉ꦮꦶꦮꦶꦠ꧀ꦧꦼꦚ꧀ꦗꦶꦁꦗꦸꦭꦶꦧꦝꦼꦢꦶꦥꦸꦤ꧀ꦮꦺꦴꦤ꧀ꦠꦼꦤꦏꦼꦤ꧀ꦒꦼꦮꦺꦱ꧀ꦄꦢ꧀ꦩꦶꦤꦶꦱ꧀ꦠꦿꦱꦶ꧇ꦗꦮꦶꦠꦼꦔꦃꦠꦸꦮꦶꦤ꧀ꦗꦮꦶꦮꦼꦠꦤ꧀꧈ꦥꦸꦤꦥꦩꦭꦶꦃꦯꦸꦫꦏꦂꦠꦭꦤ꧀ꦔꦪꦺꦴꦓꦾ꧉ꦧꦼꦚ꧀ꦗꦶꦁꦗꦤꦸꦮꦫꦶ 1929 ꦧꦝꦼꦢꦶꦥꦸꦤ꧀ꦮꦺꦴꦤ꧀ꦠꦼꦤꦏꦼꦤ꧀ꦥꦿꦺꦴꦥꦺꦤ꧀ꦱꦶꦲꦶꦁꦗꦮꦶꦮꦠꦤ꧀꧈ꦱꦱꦩ꧀ꦥꦸꦤꦶꦥꦸꦤ꧀ꦏꦭꦩ꧀ꦥꦲꦤ꧀ꦱꦠꦻꦴꦤ꧀꧈ꦱꦮꦼꦒ꧀ꦗꦮꦶꦠꦼꦔꦃ꧉ꦯꦸꦫꦏꦂꦠꦠꦸꦮꦶꦤ꧀ꦔꦪꦺꦴꦓꦾꦏꦂꦠꦢꦺꦫꦺꦁꦏꦢꦢꦺꦴꦱꦏꦼꦤ꧀ꦥꦿꦺꦴꦥꦺꦤ꧀ꦱꦶꦫꦸꦩꦶꦪꦶꦤ꧀꧈ꦲꦸꦒꦶꦢꦺꦫꦺꦁꦢꦶꦥꦸꦤ꧀ꦠꦼꦠꦼꦥꦏꦼꦤ꧀꧈ꦥꦸꦤꦥꦲꦶꦁꦔꦿꦶꦏꦸꦢꦶꦥꦸꦤ꧀ꦮꦺꦴꦤ꧀ꦠꦼꦤꦏꦼꦤ꧀ꦫꦢ꧀ꦥꦤ꧀ꦲꦢ꧀ꦥꦶꦱ꧀ꦠꦸꦩꦿꦥ꧀ꦤꦉꦤ꧀ꦢꦿꦗꦮꦶ꧉ꦥꦔꦒꦼꦔꦶꦥꦸꦤ꧀ꦲꦶꦁꦔꦿꦶꦏꦸꦧꦝꦼꦢꦶꦥꦸꦤ꧀ꦥꦁꦏꦠ꧀ꦓꦸꦥꦼꦂꦤꦸꦂ꧉ꦲꦶꦁꦏꦁꦢꦢꦺꦴꦱ꧀ꦓꦸꦥꦼꦂꦤꦸꦂꦗꦮꦶꦠꦼꦔꦃ꧈ꦥꦚ꧀ꦗꦼꦤꦼꦔꦤꦶꦥꦸꦤ꧀ꦠꦸꦮꦤ꧀ P.J. van Gulik ꦉꦱꦶꦝꦺꦤ꧀ꦲꦶꦁꦯꦼꦩꦫꦁ꧈ꦢꦼꦤꦼꦲꦶꦁꦏꦁꦢꦢꦺꦴꦱ꧀ꦓꦸꦥꦼꦂꦤꦸꦂꦗꦮꦶꦮꦼꦠꦤ꧀ꦠꦸꦮꦤ꧀ W.Ch.Haderman ꦉꦱꦶꦝꦺꦤ꧀ꦲꦶꦁꦯꦸꦫꦧꦪ꧉ꦬꦼꦱꦶꦝꦺꦤ꧀ꦯꦸꦫꦏꦂꦠꦠꦸꦮꦶꦤ꧀ꦲꦶꦁꦔꦪꦺꦴꦓꦾꦏꦂꦠꦱꦥꦸꦤꦶꦏ꧈ꦠꦼꦠꦼꦥ꧀꧈ꦲꦸꦒꦶꦧꦝꦼꦥꦶꦤꦁꦏꦠ꧀ꦒꦸꦥꦼꦂꦤꦸꦂ꧉ ꧋ꦉꦒꦶꦤꦶꦁꦭꦶꦱꦃꦥꦺꦠ꧀ꦲꦶꦁꦮꦼꦏ꧀ꦢꦭ꧀ꦥꦸꦤꦶꦏꦱꦸꦢꦏꦛꦃꦱꦔꦼꦠ꧀꧈ꦲꦶꦁꦏꦁꦉꦒꦶ f 3.85 ꦭꦗꦼꦁꦗ꧀ꦭꦼꦒ꧀ꦤꦩꦸꦁꦉꦒꦶ f 1.75꧈ꦱꦸꦢꦤꦶꦁꦉꦉꦒꦺꦤ꧀ꦮꦻꦴꦗꦭꦫꦤ꧀ꦱꦏꦶꦁꦗꦺꦴꦂꦗꦺꦴꦫꦤꦶꦁꦱꦸꦢꦒꦂꦭꦶꦱꦃ꧉ ꧋ꦥꦔꦒꦼꦔꦶꦁꦏꦸꦩꦶꦱꦶꦥꦱꦂꦩꦊꦩ꧀ꦲꦶꦁꦑ꧀ꦭꦛꦺꦤ꧀ꦱꦩ꧀ꦥꦸꦤꦩꦼꦭ꧀ꦮꦫꦮꦫ꧈ꦝꦮꦲꦶꦁꦏꦫꦩꦼꦪꦤ꧀ꦮꦶꦮꦶꦠ꧀ꦠꦁꦒꦭ꧀ꦲꦶꦁ 11 ꦢꦸꦩꦸꦒꦶ 23 ꦩꦉꦠ꧀ꦔꦗꦼꦁꦥꦸꦤꦶꦏ꧈ꦤꦔꦶꦁꦱꦥꦸꦤꦶꦏꦩꦊꦧꦼꦠꦶꦥꦸꦤ꧀ꦠꦶꦪꦁꦤꦶꦔꦭꦶꦱꦫꦤꦢꦶꦥꦸꦤ꧀ꦥꦸꦥꦸꦲꦶꦁꦧꦼꦪ꧉ ꧋ꦩꦶꦠꦸꦫꦸꦠ꧀ꦧꦼꦱ꧀ꦭꦶꦠ꧀ꦓꦸꦥꦼꦂꦩꦺꦤ꧀ꦲꦶꦁꦯꦸꦫꦏꦂꦠꦧꦝꦼꦢꦶꦥꦸꦤ꧀ꦲꦼꦢꦼꦒꦶꦥꦩꦸꦭꦔꦤ꧀ꦠꦸꦏꦁꦧꦼꦱꦶ꧉ ꧋ꦲꦶꦁꦔꦶꦁꦒꦶꦭ꧀ꦥꦸꦤꦶꦏꦒꦩ꧀ꦧꦫꦶꦥꦸꦤ꧀ꦥꦫꦥꦸꦁꦒꦮꦲꦨꦊꦥꦸꦱ꧀ꦠꦏꦤꦭꦶꦏꦏꦊꦩ꧀ꦥꦏꦤ꧀ꦲꦔꦸꦂꦩꦠꦶꦥꦚ꧀ꦗꦼꦤꦼꦔꦤꦶꦥꦸꦤ꧀ꦠꦸꦮꦤ꧀ G.J.P. Vernet ꦄꦩ꧀ꦠꦼꦤꦂꦨꦊꦥꦸꦱ꧀ꦠꦏꦲꦶꦁꦏꦁꦥꦺꦤ꧀ꦱꦶꦪꦸꦤ꧀꧉ꦒꦩ꧀ꦧꦫꦶꦥꦸꦤ꧀ꦠꦸꦮꦤ꧀ Vernet ꦲꦶꦁꦏꦁꦊꦁꦒꦃꦲꦶꦁꦠꦼꦔꦃꦱꦼꦥꦸꦃꦥꦶꦪꦩ꧀ꦧꦏ꧀꧉
