ꦕꦫꦶꦪꦺꦴꦱ꧀ꦱꦗꦮꦶꦤꦶꦁꦠꦤꦃꦗꦮꦶ
꧋ꦧꦝꦸꦢ꧀ꦒꦩ꧀ꦧꦂꦲꦶꦝꦸꦥ꧀ꦲꦶꦁꦏꦁꦏꦱꦸꦮꦸꦂ꧉
꧋ꦱꦗꦠꦶꦤꦶꦁꦮꦂꦤꦶꦤꦶꦥꦸꦤ꧀ Charlie Chaplin꧉ (foto)
꧋ꦩꦤꦮꦶꦲꦔꦺꦔꦼꦠꦶꦏꦮꦺꦴꦤ꧀ꦠꦼꦤꦤꦶꦥꦸꦤ꧀ꦲꦶꦁꦠꦤꦃꦌꦫꦺꦴꦥꦃ꧈ꦲꦸꦠꦮꦶꦩꦭꦶꦃꦲꦶꦁꦠꦤꦃꦄꦩꦼꦫꦶꦏꦃ꧈ꦥꦸꦤꦶꦏꦲꦶꦁꦒꦶꦃꦫꦒꦶꦲꦁꦒꦸꦩꦸꦤꦏꦼꦤ꧀꧉ꦩꦺꦴꦁꦒꦥꦫꦩꦲꦺꦴꦱ꧀ꦏꦸꦭꦲꦠꦸꦫꦶꦲꦩꦁꦒꦭꦶꦃꦲꦶꦁꦠꦤꦃꦏꦼꦏꦭꦶꦃꦮꦲꦸꦩꦤꦮꦶꦮꦺꦴꦤ꧀ꦠꦼꦤ꧀ꦠꦶꦪꦁꦏꦱꦒꦼꦢꦤꦶꦥꦸꦤ꧀ꦥꦸꦚ꧀ꦗꦸꦭ꧀꧈ꦲꦶꦁꦒꦶꦃꦏꦱꦒꦼꦢꦤ꧀ꦥꦸꦤꦥꦏꦼꦩꦮꦺꦴꦤ꧀꧈ꦱꦏꦼꦝꦥ꧀ꦤꦩꦤꦶꦥꦸꦤ꧀ꦭꦗꦼꦁꦏꦱꦸꦮꦸꦂꦲꦶꦁꦥꦸꦤ꧀ꦢꦶꦥꦸꦤ꧀ꦢꦶ꧈ꦏꦢꦺꦴꦱ꧀ꦠ꧇ꦠꦶꦪꦁꦲꦶꦁꦏꦁꦥꦸꦚ꧀ꦗꦸꦭ꧀ꦏꦱꦒꦼꦢꦤꦶꦥꦸꦤ꧀ꦧꦧ꧀ꦲꦔ꧀ꦭꦔꦶ꧈ꦤꦸꦩ꧀ꦥꦏ꧀ꦏꦥꦭ꧀꧈ꦧꦤ꧀ꦠꦶꦔꦤ꧀꧈ꦗꦺꦴꦠꦺꦴꦱꦤ꧀ꦭꦤ꧀ꦱꦱꦩꦶꦤꦶꦥꦸꦤ꧀꧈ꦥꦸꦤꦶꦏꦤꦩꦤꦶꦥꦸꦤ꧀ꦲꦶꦁꦒꦶꦃꦭꦗꦼꦁꦏꦼꦮꦼꦤ꧀ꦠꦂꦲꦶꦁꦥꦸꦤ꧀ꦢꦶꦥꦸꦤ꧀ꦢꦶꦏꦼꦩꦮꦺꦴꦤ꧀꧉ꦩꦺꦴꦁꦒꦱꦶꦤ꧀ꦠꦼꦤ꧀ꦲꦶꦁꦏꦁꦧꦺꦴꦠꦼꦤ꧀ꦔꦸꦤꦶꦔꦤꦶꦝꦠꦼꦁꦤꦩꦤꦶꦥꦸꦤ꧀ꦠꦸꦮꦤ꧀ Dempsey ꦗꦒꦺꦴꦗꦺꦴꦠꦺꦴꦱꦤ꧀ꦲꦶꦁꦠꦤꦃꦄꦩꦼꦫꦶꦏꦃ꧉ꦲꦶꦁꦏꦁꦭꦁꦏꦸꦁꦲꦤꦺꦃ꧈ꦢꦭꦱꦤ꧀ꦧꦝꦸꦢ꧀ꦏꦼꦩꦮꦺꦴꦤ꧀꧈ꦤꦩꦤꦶꦥꦸꦤ꧀ꦠꦼꦏꦱꦒꦼꦢ꧀ꦏꦱꦸꦮꦸꦂꦲꦶꦁꦗꦒꦢ꧀꧉ꦱꦶꦤ꧀ꦠꦼꦤ꧀ꦏꦼꦩꦮꦺꦴꦤ꧀ꦥꦫꦩꦲꦺꦴꦱ꧀ꦲꦶꦁꦏꦁꦱꦺꦴꦏ꧀ꦩꦶꦂꦱꦤꦶꦒꦩ꧀ꦧꦂꦲꦶꦝꦸꦥ꧀꧈ꦢꦺꦫꦺꦁꦤꦠꦼꦥꦶꦂꦱꦝꦠꦼꦁꦧꦝꦸꦢ꧀ꦒꦩ꧀ꦧꦂꦲꦶꦝꦸꦥ꧀ꦲꦶꦁꦏꦁꦲꦮꦱ꧀ꦠ꧇ Charlie Chaplin꧉ꦲꦶꦁꦒꦶꦃꦥꦸꦤꦶꦏꦱꦠꦸꦁꦒꦶꦭꦶꦁꦠꦶꦪꦁꦧꦢꦤꦶꦥꦸꦤ꧀ꦲꦭꦶꦠ꧀꧈ꦧꦽꦔꦺꦴꦱꦶꦥꦸꦤ꧀ꦱꦗꦏ꧀ꦏꦢꦺꦴꦱ꧀ꦏꦱꦸꦩ꧀ꦥꦼꦭꦏꦼꦤ꧀ꦏꦼꦩꦮꦺꦴꦤ꧀꧉ꦲꦺꦮꦢꦼꦤꦼꦥꦔꦁꦒꦼꦤꦶꦁꦧꦽꦔꦺꦴꦱ꧀ꦲꦶꦁꦏꦁꦩꦏꦠꦼꦤ꧀ꦥꦸꦤꦶꦏꦱꦩꦁꦏꦼꦏꦛꦃꦠꦶꦪꦁꦲꦶꦁꦏꦁꦱꦩꦶꦲꦤꦶꦫꦸ꧈ꦧꦺꦴꦏ꧀ꦩꦤꦮꦶꦩꦺꦴꦝꦺꦭ꧀ꦔꦁꦒꦼꦧꦽꦔꦺꦴꦱ꧀ꦲꦶꦁꦏꦁꦩꦏꦠꦼꦤ꧀ꦥꦸꦤꦶꦏꦲꦶꦁꦏꦁꦭꦗꦼꦁꦢꦶꦥꦸꦤ꧀ꦥꦫꦧꦶ꧇ꦧꦽꦔꦺꦴꦱ꧀ꦭꦊꦂꦩꦼꦚ꧀ꦕꦺꦴꦏ꧀꧉ꦢꦼꦤꦼꦥꦔꦁꦒꦼꦤꦶꦥꦸꦤ꧀ Charlie Chaplin ꦥꦸꦤꦶꦏꦧꦺꦴꦠꦼꦤ꧀ꦔꦼꦩꦸꦔꦏꦼꦤ꧀ꦔꦤꦲꦤꦺꦲꦶꦏꦼꦩꦮꦺꦴꦤ꧀꧈ꦲꦤꦔꦶꦁꦲꦶꦁꦒꦶꦃꦲꦁꦒꦸꦩꦸꦗꦼꦔꦏꦼꦤ꧀꧉ꦩꦶꦭꦲꦶꦁꦒꦶꦃꦏꦼꦢꦃꦩꦏꦠꦼꦤ꧀ꦥꦠꦿꦥꦶꦁꦱꦠꦸꦁꦒꦶꦭꦶꦥꦸꦤ꧀ꦧꦝꦸꦢ꧀꧈ꦱꦭꦩꦶꦤꦶꦥꦸꦤ꧀ꦠꦤ꧀ꦱꦃꦲꦔꦸꦢꦶꦱꦸꦥꦢꦺꦴꦱ꧀ꦱꦒꦼꦢ꧀ꦢꦶꦥꦸꦤ꧀ꦒꦸꦗꦼꦁꦲꦶꦁꦠꦶꦪꦁ꧈ꦲꦶꦁꦒꦶꦃꦗꦭꦫꦤ꧀ꦱꦏꦶꦁꦥꦔꦁꦒꦼꦲꦸꦠꦮꦶꦱꦏꦶꦁꦱꦺꦴꦭꦃꦠꦶꦁꦏꦲꦶꦥꦸꦤ꧀꧉ꦩꦺꦴꦁꦒ꧈ꦲꦤ꧀ꦢꦏ꧀ꦲꦶꦁꦒꦶꦃꦧꦺꦴꦠꦼꦤ꧀ꦲꦁꦒꦸꦩꦸꦗꦼꦔꦏꦼꦤ꧀ꦥꦔꦁꦒꦼꦤꦶꦥꦸꦤ꧀ Charlie Chaplin ꦥꦸꦤꦶꦏ꧈ꦕ꧀ꦭꦤꦤꦶꦥꦸꦤ꧀ꦏꦒꦼꦔꦼꦤ꧀ꦱꦔꦼꦠ꧀꧈ꦢꦢꦺꦴꦱ꧀ꦩꦤꦮꦶꦏꦊꦉꦱ꧀ꦢꦶꦥꦸꦤ꧀ꦲꦁꦒꦼꦲꦶꦁꦒꦶꦃꦠꦤ꧀ꦱꦃꦥ꧀ꦭꦺꦴꦠꦿꦏ꧀ꦥ꧀ꦭꦺꦴꦠꦿꦺꦴꦏ꧀ꦏꦼꦩꦮꦺꦴꦤ꧀꧉ꦱꦼꦥꦠꦸꦤꦶꦥꦸꦤ꧀ꦧꦺꦴꦠꦼꦤ꧀ꦤꦩꦸꦁꦏꦒꦼꦔꦼꦤ꧀ꦏꦼꦩꦮꦺꦴꦤ꧀꧈ꦩꦭꦃꦲꦼꦩ꧀ꦧꦲꦶꦥꦸꦤ꧀ꦏꦒꦼꦔꦼꦤ꧀꧉ꦲꦸꦥꦩꦶꦤꦶꦥꦸꦤ꧀ꦒꦿꦶꦪ꧈ꦏꦒꦼꦔꦼꦤ꧀ꦥꦸꦤꦶꦏꦱꦏꦼꦕ꧈ꦲꦮꦶꦠ꧀ꦲꦺꦴꦩ꧀ꦧꦺꦂ꧈ꦱꦉꦁꦱꦸꦏꦸꦮꦺꦴꦤ꧀ꦠꦼꦤ꧀ꦲꦶꦁꦱꦊꦧꦼꦠꦶꦁꦱꦼꦥꦠꦸꦒꦝꦃꦏꦲꦺꦴꦩ꧀ꦧꦼꦫꦤ꧀ꦏꦛꦃ꧈ꦥꦸꦤꦶꦏꦠꦼꦩ꧀ꦠꦸꦤꦶꦥꦸꦤ꧀ꦫꦏ꧀ꦲꦶꦁꦒꦶꦃꦒꦼꦢꦺꦴ
