ꦠꦸꦮꦤ꧀ꦏꦥꦶꦠꦤ꧀ꦮꦶꦕꦤ꧀ꦠꦼꦤ꧀ꦩꦭꦶꦃ꧇ꦲꦶꦪꦧꦼꦕꦶꦏ꧀ꦱꦼꦂꦱꦤ꧀꧈ꦲꦤꦔꦶꦁꦲꦗꦭꦭꦶ Pharaoh ꦏꦸꦢꦸꦢꦶꦕꦚ꧀ꦕꦁ꧈ꦲꦩꦂꦒꦩꦼꦁꦏꦺꦴꦧꦚ꧀ꦗꦸꦂꦩꦶꦭꦸꦲꦏꦸ꧉ꦭꦺꦴꦲꦤꦲꦥ꧈ꦏꦺꦴꦮꦼꦲꦉꦥ꧀ꦏꦺꦴꦤ꧀ꦝꦲꦥꦩꦤꦺꦃ꧉
꧋ꦱꦼꦂꦱꦤ꧀ꦲꦩꦁꦱꦸꦭ꧀ꦭꦶ꧇ꦏꦸꦭꦤꦩꦸꦁꦧꦝꦼꦩꦠꦸꦂꦩꦏꦠꦼꦤ꧀꧈ꦧꦤ꧀ꦢꦫꦏꦥꦶꦠꦤ꧀꧇ꦱꦤꦢꦾꦤ꧀ꦏꦸꦭꦥꦸꦤꦶꦏꦱꦩ꧀ꦥꦸꦤ꧀ꦤꦠꦼꦥꦼꦫꦁꦏꦥꦶꦁꦠꦶꦒꦠꦸꦩꦸꦠ꧀ꦠꦶꦪꦁꦄꦫꦧ꧀(ꦱꦼꦂꦱꦤ꧀ Quick ꦲꦩꦱ꧀ꦠꦤ꧀ꦤꦶꦠꦶꦠꦶꦪꦁꦲꦶꦁꦏꦁꦩꦁꦒꦺꦤ꧀ꦲꦶꦁꦦꦿꦶꦏꦃꦱꦶꦱꦶꦃꦭꦺꦂꦥꦸꦤꦶꦏꦧꦺꦴꦁꦱꦄꦫꦧ꧀꧈ꦢꦺꦤꦺꦲꦶꦁꦏꦁꦱꦶꦱꦶꦃꦏꦶꦢꦸꦭ꧀ꦧꦺꦴꦁꦱꦤꦺꦒꦼꦂ)꧈ꦲꦺꦮꦢꦼꦤꦼꦏꦸꦭꦢꦺꦫꦺꦁꦱꦒꦼꦢ꧀ꦮꦶꦕꦤ꧀ꦠꦼꦤ꧀ꦤꦤ꧀ꦕꦫꦄꦫꦧ꧀ꦲꦶꦁꦏꦁꦊꦉꦱ꧀꧉ꦱꦤꦢꦾꦤ꧀ꦩꦏꦠꦼꦤ꧀ꦤ꧈ꦏꦸꦭꦱꦸꦩꦼꦉꦥ꧀ꦧꦶꦭꦶꦃꦠꦶꦪꦁꦲꦶꦁꦏꦁꦢꦶꦥꦸꦤ꧀ꦥꦫꦧ꧀ꦧꦶꦏꦸꦕꦶꦁꦥꦸꦤꦶꦏ꧈ꦧꦺꦴꦠꦼꦤ꧀ꦚꦺꦴꦤ꧀ꦝꦺꦴꦁꦔꦶꦧꦧꦂꦥꦶꦱꦤ꧀꧈ꦝꦠꦼꦁꦧꦝꦼꦠꦶꦤ꧀ꦢꦏ꧀ꦥꦚ꧀ꦗꦼꦤꦼꦁꦔꦤ꧀ꦱꦢꦪ꧉ꦏꦸꦭꦚꦸꦮꦸꦤ꧀ꦥꦔꦥꦸꦤ꧀ꦠꦼꦤ꧀ꦧꦤ꧀ꦢꦫꦏꦥꦶꦠꦤ꧀꧈ꦱꦤꦢꦾꦤ꧀ꦲꦶꦁꦏꦁꦢꦶꦥꦸꦤ꧀ꦥꦫꦧ꧀ꦧꦶꦏꦸꦕꦶꦁꦥꦸꦤꦶꦏꦏꦢꦺꦴꦱ꧀ꦥꦸꦤꦥꦏꦼꦩꦮꦺꦴꦤ꧀꧈ꦤꦔꦶꦁꦥꦶꦪꦩ꧀ꦧꦏ꧀ꦏꦶꦥꦸꦤ꧀ꦱꦤꦺꦱ꧀ꦠꦶꦪꦁꦒꦼꦤ꧀ꦝꦼꦁ꧉
꧋ꦏꦥꦶꦠꦤ꧀ Orme ꦩꦁꦱꦸꦭ꧀ꦭꦶ꧇ꦲꦏꦸꦲꦺꦴꦫꦧꦶꦱꦧꦫꦁꦧꦫꦁ꧇ꦱꦼꦂꦱꦤ꧀꧈ꦲꦏꦸꦧꦺꦃꦲꦺꦴꦫꦧꦶꦱꦠꦤ꧀ꦱꦃꦤꦸꦫꦸꦠ꧀ꦠꦶꦝꦺꦮꦺꦏ꧀ꦏꦼꦧꦲꦼ꧉
꧋ꦱꦼꦂꦱꦤ꧀ Quick ꦩꦠꦸꦂꦩꦭꦶꦃ꧇ꦲꦶꦁꦒꦶꦃꦏꦱꦶꦁꦒꦶꦃꦲꦤ꧀ꦥꦔꦤ꧀ꦢꦶꦏꦥꦚ꧀ꦗꦼꦤꦼꦁꦔꦤ꧀ꦥꦸꦤꦶꦏ꧈ꦧꦤ꧀ꦢꦫꦏꦥꦶꦠꦤ꧀꧈ꦩꦤꦮꦶꦱꦩ꧀ꦥꦸꦤ꧀ꦔꦤ꧀ꦢꦶꦏꦱꦥꦶꦱꦤ꧀꧇ꦲ꧈ꦲꦶꦁꦒꦶꦃꦏꦼꦢꦃꦔꦤ꧀ꦢꦶꦏ꧇ꦤ꧈ꦭꦤ꧀ꦩꦤꦮꦶꦱꦩ꧀ꦥꦸꦤ꧀ꦩꦏꦠꦼꦤ꧀ꦥꦼꦱ꧀ꦛꦶꦤꦶꦥꦸꦤ꧀꧈ꦥꦚ꧀ꦗꦼꦤꦼꦁꦔꦤ꧀ꦠꦩ꧀ꦠꦸꦲꦶꦁꦒꦶꦃꦱꦒꦼꦢ꧀ꦏꦺꦴꦤ꧀ꦢꦸꦂꦏꦤ꧀ꦛꦶꦮꦶꦭꦸꦗꦼꦁ꧉
꧋ꦱꦭꦗꦼꦁꦔꦶꦥꦸꦤ꧀ꦱꦼꦂꦱꦤ꧀ Quick ꦭꦗꦼꦁꦤꦶꦠꦶꦥꦿꦶꦏ꧀ꦱꦝꦠꦼꦁꦢꦢꦩꦼꦭ꧀ꦏꦸꦭꦱꦢꦪ꧈ꦲꦚꦺꦴꦧꦶꦥꦸꦤꦥꦱꦚ꧀ꦗꦠꦤꦶꦥꦸꦤ꧀ꦠꦏ꧀ꦱꦶꦃꦱꦲꦼ꧉ꦱꦉꦁꦱꦢꦪꦮꦲꦸꦱꦩ꧀ꦥꦸꦤ꧀ꦥꦶꦤꦁꦒꦶꦃꦥꦿꦪꦺꦴꦒꦶ꧈ꦱꦼꦂꦱꦤ꧀ Quick ꦭꦗꦼꦁꦮꦁꦱꦸꦭ꧀ꦝꦠꦼꦁꦥꦢꦩꦼꦭ꧀ꦭꦤ꧀ꦲꦱꦃꦲꦱꦃꦮꦲꦸ꧉ꦭꦥꦸꦤꦶꦏꦏꦸꦭꦱꦢꦪꦧꦺꦴꦠꦼꦤ꧀ꦱꦒꦼꦢ꧀ꦔꦶꦤ꧀ꦠꦼꦤ꧀ꦲꦶꦤ꧀ꦠꦼꦤ꧀꧈ꦏꦢꦺꦴꦱ꧀ꦥꦸꦤ꧀ꦢꦶꦲꦁꦒꦺꦤ꧀ꦏꦸꦭꦱꦒꦼꦢ꧀ꦥꦥꦁꦒꦶꦃꦲꦤ꧀ꦏꦭꦶꦪꦤ꧀ꦱꦼꦂꦱꦤ꧀ Quick ꦩꦭꦶꦃ꧉
꧋ꦭꦩ꧀ꦥꦃꦏꦸꦭꦱꦢꦪꦏꦶꦤ꧀ꦠꦼꦤ꧀ꦏꦶꦤ꧀ꦠꦼꦤ꧀ꦱꦲꦼꦥꦭ꧀ꦠꦸꦫꦸꦠ꧀ꦥꦏꦩ꧀ꦥꦸꦁꦔꦤ꧀ꦮꦲꦸ꧈ꦏꦤ꧀ꦛꦶꦢꦶꦥꦸꦤ꧀ꦲꦶꦫꦶꦁꦠꦶꦠꦶꦪꦁꦧꦺꦴꦁꦱ Zeu ꦏꦛꦃ꧉ꦲꦶꦁꦏꦁꦱꦩꦶꦲꦩ꧀ꦧꦼꦏ꧀ꦠꦒꦒꦩꦤ꧀ꦗꦼꦩ꧀ꦥꦫꦶꦁ꧈ꦱꦲꦢꦶꦥꦸꦤ꧀ꦏꦥꦭꦤꦶꦢꦼꦤꦶꦁꦏꦥꦭꦤꦶꦥꦸꦤ꧀ꦏꦩ꧀ꦥꦸꦁꦲꦶꦁꦔꦿꦶꦏꦸ꧈ꦲꦔꦸꦥꦢꦺꦴꦱ꧀ꦱꦶꦠꦥꦏ꧀ꦏꦶꦁꦱꦶꦔꦧꦫꦺꦴꦁ꧉ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦱꦒꦤ꧀ꦠꦼꦤ꧀ꦮꦼꦝꦶꦲꦶꦁꦔꦿꦶꦏꦸꦥꦸꦤꦶꦏꦧꦼꦢꦏꦭꦶꦪꦤ꧀ꦱꦒꦤ꧀ꦠꦼꦤ꧀ꦮꦼꦝꦶꦲꦶꦁꦏꦁꦱꦩ꧀ꦥꦸꦤ꧀ꦱꦩꦶꦏꦸꦭꦲꦩ꧀ꦧꦃꦱꦢꦪ꧈ꦱꦧꦧ꧀ꦱꦒꦤ꧀ꦠꦼꦤ꧀ꦮꦼꦝꦶꦲꦶꦁꦔꦿꦶꦏꦸꦏꦛꦃꦒꦸꦩꦸꦏ꧀ꦒꦸꦩꦸꦏ꧀ꦥꦱꦶꦂ꧈ꦲꦶꦁꦏꦁꦲꦶꦁꦒꦶꦭ꧀ꦭꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦏꦁꦔꦤ꧀ꦠꦺꦴꦱ꧀ꦠꦶꦒꦁꦲꦠꦸꦱ꧀ꦏꦏꦶ꧈ꦱꦭꦩꦶꦤꦶꦥꦸꦤ꧀ꦒꦸꦩꦸꦏ꧀ꦒꦸꦩꦸꦏ꧀ꦥꦱꦶꦂꦮꦲꦸꦠꦏ꧀ꦱꦶꦃꦏꦢꦪꦤ꧀ꦲꦶꦁꦲꦱꦽꦥ꧀ꦥꦶꦁꦥꦝꦸꦱꦸꦤ꧀ꦤꦤ꧀ꦔꦿꦶꦏꦸ꧈ꦲꦶꦁꦒꦶꦃꦠꦏ꧀ꦱꦶꦃꦮꦺꦴꦤ꧀ꦠꦼꦤ꧀ꦛꦼꦛꦸꦏꦸꦭ꧀ꦭꦤ꧀ꦤꦶꦥꦸꦤ꧀꧈ꦤꦔꦶꦁꦱꦪꦠꦼꦧꦶꦃꦥꦸꦤꦶꦏꦱꦢꦪꦤꦩꦸꦁꦥꦱꦶꦂꦛꦺꦴꦏ꧀ꦏꦼꦩꦮꦺꦴꦤ꧀꧉ꦏꦸꦭꦱꦢꦪꦭꦗꦼꦁꦩꦶꦁꦒꦃꦱꦮꦠꦮꦶꦱ꧀ꦮꦺꦴꦤ꧀ꦠꦼꦤ꧀ꦲꦶꦁꦱꦭꦃꦱꦠꦸꦁꦒꦶꦭ꧀ꦭꦶꦁꦒꦸꦩꦸꦏ꧀ꦒꦸꦩꦸꦏ꧀ꦮꦲꦸ꧈ꦢꦺꦤꦺꦏꦥꦭꦝꦸꦱꦸꦤ꧀ꦱꦉꦁꦢꦸꦩꦸꦒꦶꦱꦥꦸꦕꦏ꧀ꦏꦶꦁꦒꦸꦩꦸꦏ꧀ꦭꦗꦼꦁꦏꦺꦤ꧀ꦢꦼꦭ꧀ꦔꦢꦼꦒ꧀꧈ꦱꦂꦮꦶꦲꦔꦕꦸꦁꦔꦶꦱꦠꦸꦁꦒꦶꦭ꧀ꦭꦶꦁꦥꦒꦿꦸꦩ꧀ꦧꦸꦭ꧀ꦭꦤ꧀ꦲꦭꦁꦲꦭꦁ꧈ꦥꦶꦪꦩ꧀ꦧꦏ꧀ꦏꦶꦥꦸꦤ꧀ꦲꦤꦼꦫꦁꦔꦏꦼꦤ꧀꧈ꦧꦶꦭꦶꦃꦲꦶꦁꦔꦿꦶꦏꦸꦥꦸꦤꦶꦏꦥꦔꦸꦩ꧀ꦥꦼꦠ꧀ꦠꦤ꧀ꦤꦶꦁꦱꦶꦔꦧꦫꦺꦴꦁ꧉ꦏꦸꦭꦱꦢꦪꦭꦗꦼꦁꦩꦸꦝꦸꦤ꧀ꦱꦏꦶꦁꦲꦺꦫꦺꦁꦲꦺꦫꦺꦁꦲꦶꦁꦏꦁꦲꦤ꧀ꦢꦼꦢꦼꦂꦱꦲꦭꦗꦼꦁꦱꦩꦶꦱꦸꦩꦝꦶꦪ꧉ꦏꦸꦭꦔꦢꦼꦒ꧀ꦮꦺꦴꦤ꧀ꦠꦼꦤ꧀ꦲꦶꦁꦔꦶꦁꦒꦶꦭ꧀ꦥꦶꦪꦩ꧀ꦧꦏ꧀꧈ꦥꦿꦺꦴꦥꦼꦱꦺꦴꦂ Higgs ꦏꦭꦶꦪꦤ꧀ꦏꦥꦶꦠꦤ꧀ Orme ꦮꦺꦴꦤ꧀ꦠꦼꦤ꧀ꦱꦏꦶꦮꦭꦤ꧀ꦱꦠꦼꦔꦼꦤ꧀ꦤꦶꦥꦸꦤ꧀ꦥꦒꦿꦸꦩ꧀ꦧꦸꦭ꧀ꦤ꧀꧈ꦱꦭꦗꦼꦁꦔꦶꦥꦸꦤ꧀ꦠꦶꦠꦶꦪꦁ ꦭꦗꦼꦁꦏꦸꦭꦥꦸꦫꦶꦃꦔꦺꦴꦥꦾꦏ꧀ꦏꦶꦱꦶꦔꦤꦶꦥꦸꦤ꧀ꦧꦫꦺꦴꦁ꧉ꦩꦼꦤ꧀ꦠꦱ꧀ꦏꦼꦩꦮꦺꦴꦤ꧀ꦠꦶꦠꦶꦪꦁꦮꦲꦸꦢꦸꦩꦸꦒꦶꦲꦭꦁꦲꦭꦁꦲꦶꦁꦏꦁꦲꦶꦁꦒꦶꦭ꧀ꦮꦲꦸ꧈ꦭꦗꦼꦁꦏꦩꦶꦉꦁꦔꦤ꧀ꦱ꧀ꦮꦫꦤꦶꦥꦸꦤ꧀ꦠꦶꦪꦁꦲꦚ꧀ꦗꦼꦭꦶꦃ꧉ꦊꦠ꧀ꦱꦩꦼꦤꦶꦠ꧀꧈ꦏꦸꦭꦱꦢꦪꦱꦸꦩꦼꦉꦥ꧀ꦠꦶꦠꦶꦪꦁꦮꦲꦸꦱꦩꦶꦮꦁꦱꦸꦭ꧀꧈ꦲꦩ꧀ꦧꦼꦏ꧀ꦠꦧꦫꦁ꧈ꦲꦶꦁꦏꦁꦱꦉꦁꦏꦠꦶꦠꦶꦏ꧀ꦠꦼꦠꦼꦭꦥꦸꦤꦶꦏꦠꦶꦫꦃꦲꦤ꧀ꦤꦶꦁꦧꦢꦤ꧀ꦤꦼꦲꦤꦏ꧀ꦏꦶꦥꦸꦤ꧀ꦏꦥꦭꦤꦶꦁꦥꦏꦩ꧀ꦥꦸꦁꦔꦤ꧀ꦮꦲꦸ꧉
꧋ꦱꦱꦉꦁꦔꦤ꧀ꦮꦼꦏ꧀ꦢꦭ꧀ꦥꦸꦤꦶꦏ꧈ꦏꦸꦭꦱꦢꦪꦱꦸꦩꦼꦉꦥ꧀ꦱꦶꦔꦧꦫꦺꦴꦁꦩꦼꦢꦭ꧀ꦱꦏꦶꦁꦲꦭꦁꦲꦭꦁ꧈ꦭꦩ꧀ꦥꦃꦲꦶꦥꦸꦤ꧀ꦔꦼꦤꦼꦂꦝꦠꦼꦁꦥꦒꦸꦩꦸꦏ꧀ꦏꦤ꧀ꦥꦱꦶꦂ꧉ꦏꦶꦤ꧀ꦠꦼꦤ꧀ꦏꦶꦤ꧀ꦠꦼꦤ꧀ꦱꦶꦔꦧꦫꦺꦴꦁꦮꦲꦸꦠꦼꦧꦶꦃꦲꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦏꦭꦶꦃꦲꦠꦸꦱ꧀ꦩꦺꦠꦼꦂꦱꦏꦶꦁꦥꦥꦤ꧀ꦤꦶꦥꦸꦤ꧀ꦥꦿꦺꦴꦥꦼꦱꦺꦴꦂ Higgs ꧈ꦢꦢꦺꦴꦱ꧀ꦥꦸꦤꦶꦏꦠꦸꦩꦿꦥ꧀ꦒꦼꦂꦩꦲꦶꦁꦏꦁꦲꦩ꧀ꦧꦼꦧꦼꦝꦒ꧀ꦏꦼꦮꦤ꧀ꦒꦭꦏ꧀ꦠꦏ꧀ꦱꦶꦃꦏꦼꦠꦼꦧꦶꦃꦲꦤ꧀ꦱꦔꦼꦠ꧀ꦏꦁꦒꦼꦲꦔꦺꦁꦔꦶꦔꦶꦥꦚꦚ꧀ꦗꦠꦤ꧀ꦤꦶꦥꦸꦤ꧀꧉ꦲꦤꦔꦶꦁꦥꦿꦺꦴꦥꦼꦱꦺꦴꦂꦲꦶꦁꦏꦁꦧꦺꦴꦠꦼꦤ꧀ꦱꦸꦩꦼꦉꦧ꧀ꦧꦧ꧀ꦥꦸꦤꦶꦏꦧꦧꦂꦥꦶꦱꦤ꧀ꦭꦤ꧀ꦱꦩ꧀ꦥꦸꦤ꧀ꦢꦢꦺꦴꦱ꧀ꦗꦩꦏ꧀ꦭꦶꦩꦿꦃꦲꦶꦁꦠꦶꦪꦁꦲꦶꦁꦏꦁꦩꦶꦮꦶꦠ꧀ꦠꦶꦲꦩ꧀ꦧꦼꦧꦼꦝꦒ꧀꧈ꦱꦺꦴꦏ꧀ꦢꦪꦢꦪꦲꦺꦁꦒꦭ꧀ꦭꦲꦁꦱꦭ꧀ꦢꦩꦼꦭ꧀꧈ꦱꦤꦭꦶꦏꦥꦸꦤꦶꦏꦲꦶꦁꦒꦶꦃꦭꦗꦼꦁꦔꦁꦏꦠ꧀ꦱꦚ꧀ꦗꦠꦤꦶꦥꦸꦤ꧀꧈ꦱꦲꦭꦗꦼꦁꦲꦚꦚ꧀ꦗꦠ꧈ꦏꦢꦺꦴꦱ꧀ꦢꦼꦤꦼꦠꦶꦪꦁꦲꦶꦁꦏꦁꦔꦼꦭꦺꦱ꧀ꦲꦶꦁꦠꦿꦸꦮꦺꦭꦸ꧉ꦲꦶꦁꦒꦶꦃꦢꦸꦩꦢꦏ꧀ꦏꦤ꧀ꦱꦔꦼꦠ꧀ꦢꦺꦤꦺꦥꦚꦚ꧀ꦗꦠꦤꦶꦥꦸꦤ꧀ꦮꦲꦸꦏꦼꦔꦶꦁ꧉ꦩꦶꦩꦶꦱ꧀ꦱꦶꦥꦸꦤ꧀ꦤꦿꦠꦱ꧀ꦲꦔꦺꦁꦔꦶꦔꦶꦗꦤ꧀ꦠꦸꦁꦔꦶꦁꦱꦶꦔꦧꦫꦺꦴꦁꦲꦶꦁꦏꦁꦭꦗꦼꦁꦝꦮꦃꦥꦼꦗꦃ꧉ꦥꦿꦺꦴꦥꦼꦱꦺꦴꦂ Higgs ꦲꦚ꧀ꦗꦼꦔꦺꦏ꧀ꦱꦗꦏ꧀ꦧꦶꦔꦃꦱꦔꦼꦠ꧀꧇ꦲꦫꦠ꧈ꦢꦼꦊꦁꦔꦼꦤ꧀ꦏꦲꦼ꧉
꧋ꦠꦤ꧀ꦥꦩꦮꦶꦔꦶꦱꦺꦤꦶꦩꦭꦶꦃꦱꦚ꧀ꦗꦠꦤꦶꦥꦸꦤ꧀ꦲꦶꦁꦏꦁꦏꦺꦴꦛꦺꦴꦁꦮꦲꦸ꧈ꦥꦶꦪꦩ꧀ꦧꦏ꧀ꦏꦶꦥꦸꦤ꧀ꦭꦸꦩꦗꦼꦁꦭꦺꦴꦚ꧀ꦗꦺꦴꦁꦩꦶꦩꦶꦱ꧀ꦱꦏꦶꦪꦠ꧀ꦏꦶꦪꦠ꧀ꦠꦶꦥꦸꦤ꧀꧈ꦩꦸꦫꦸꦒꦶꦏꦼꦮꦤ꧀ꦲꦶꦁꦏꦁꦥꦶꦤꦼꦗꦃꦲꦤ꧀ꦮꦲꦸ꧉ꦏꦥꦶꦠꦤ꧀ Orme ꦏꦭꦶꦪꦤ꧀ꦏꦸꦭꦲꦺꦁꦒꦭ꧀ꦲꦤꦸꦠꦸꦠ꧀ꦠꦶ꧉ꦭꦩ꧀ꦥꦃꦲꦶꦥꦸꦤ꧀ꦥꦿꦺꦴꦥꦼꦱꦺꦴꦂ Higgs ꦏꦶꦤ꧀ꦠꦼꦤ꧀ꦏꦶꦤ꧀ꦠꦼꦤ꧀ꦮꦺꦴꦤ꧀ꦠꦼꦤ꧀ꦱꦠꦸꦱ꧀ꦩꦺꦠꦼꦂꦲꦸꦫꦸꦠ꧀ꦱꦥꦶꦁꦒꦶꦂꦫꦶꦁꦫꦮ꧉ꦏꦭꦥꦸꦤꦶꦏꦧꦺꦴꦗꦺꦴꦤꦶꦁꦱꦶꦔꦧꦫꦺꦴꦁꦲꦸꦗꦸꦒ꧀ꦲꦸꦗꦸꦒ꧀ꦩꦼꦢꦭ꧀ꦱꦏꦶꦁꦲꦭꦁꦲꦭꦁ꧉Higgs ꦲꦩ꧀ꦧꦭꦶꦏ꧀ꦱꦲꦲꦚꦚ꧀ꦗꦠꦲꦮꦸꦂꦲꦮꦸꦂꦫꦤ꧀ꦏꦤ꧀ꦛꦶꦭꦸꦥꦶꦱꦚ꧀ꦗꦠꦤꦶꦥꦸꦤ꧀ꦲꦶꦁꦏꦁꦏꦶꦮ꧈ꦲꦶꦁꦏꦁꦧꦺꦴꦠꦼꦤ꧀ꦲꦔꦺꦁꦔꦶꦔꦶꦏꦼꦮꦤ꧀ꦲꦶꦁꦏꦁꦏꦿꦺꦴꦝꦮꦲꦸ꧉ꦏꦤ꧀ꦛꦶꦏꦒꦺꦠ꧀ꦱꦔꦼꦠ꧀ꦏꦸꦭꦏꦏꦭꦶꦃ꧈ꦱꦸꦩꦼꦉꦥ꧀ꦥꦿꦺꦴꦥꦼꦱꦺꦴꦂ Higgs ꦝꦮꦃꦏꦼꦭꦸꦩꦃ꧈ꦱꦶꦔꦤꦶꦥꦸꦤ꧀ꦭꦗꦼꦁꦲꦔꦏꦃꦲꦶꦝꦠꦼꦁꦥꦿꦺꦴꦥꦼꦱꦺꦴꦂ Higgs꧈ꦲꦔꦺꦴꦥꦠ꧀ꦲꦥꦶꦠ꧀ꦠꦏꦼꦤ꧀ꦧꦸꦤ꧀ꦠꦸꦠ꧀ꦠꦶꦥꦸꦤ꧀ꦏꦭꦶꦪꦤ꧀ꦲꦁꦒꦼꦉꦁ꧉ꦱꦢꦔꦸꦤꦶꦥꦸꦤ꧀ꦭꦸꦩꦩ꧀ꦥꦃ꧈ꦏꦸꦭꦱꦢꦪꦱꦩꦶꦲꦧꦼꦔꦺꦴꦏ꧀ꦧꦼꦔꦺꦴꦏ꧀ꦱꦏꦶꦪꦠ꧀ꦠꦶꦥꦸꦤ꧀꧈ꦩꦏꦠꦼꦤ꧀ꦲꦸꦒꦶꦠꦶꦠꦶꦪꦁ Zeu꧈ꦲꦤꦔꦶꦁꦧꦺꦴꦠꦼꦤ꧀ꦤꦶꦪꦠ꧀ꦧꦝꦼꦩꦶꦠꦸꦭꦸꦁꦔꦶ꧉ꦱꦏꦶꦁꦱꦺꦴꦫꦤꦶꦁꦥꦩ꧀ꦧꦼꦔꦺꦴꦏ꧀ꦮꦲꦸ꧈ꦲꦚ꧀ꦗꦭꦂꦫꦶꦱꦶꦔꦤꦶꦥꦸꦤ꧀ꦧꦫꦺꦴꦁꦮꦲꦸꦧꦺꦴꦠꦼꦤ꧀ꦭꦗꦼꦁꦚꦸꦮꦺꦏ꧀ꦤꦮꦺꦏ꧀ꦝꦠꦼꦁꦥꦿꦺꦴꦥꦼꦱꦺꦴꦂ Higgs꧈ꦲꦤꦔꦶꦁꦱꦗꦏ꧀ꦩꦭꦃꦒꦸꦩꦸꦤ꧀꧈ꦱꦶꦫꦃꦲꦶꦥꦸꦤ꧀ꦲꦤꦺꦴꦭꦺꦃꦔꦶꦮꦤꦼꦔꦼꦤ꧀꧉ꦭꦩ꧀ꦥꦃꦏꦸꦭꦔ꧀ꦭꦚ꧀ꦕꦁꦔꦶꦏꦥꦶꦠꦤ꧀ Orme ꦠꦼꦧꦶꦃ꧈ꦭꦤ꧀ꦭꦗꦼꦁꦚꦼꦭꦏ꧀ꦏꦶꦏꦶꦤ꧀ꦠꦼꦤ꧀ꦏꦶꦤ꧀ꦠꦼꦤ꧀ꦠꦶꦒꦁꦢꦱꦩꦺꦠꦼꦂ꧈ꦲꦤꦔꦶꦁꦏꦸꦭꦧꦺꦴꦠꦼꦤ꧀ꦮꦤꦶꦚꦚ꧀ꦗꦠ꧈ꦲꦮꦶꦠ꧀ꦏꦸꦮꦠꦺꦴꦱ꧀ꦩꦤꦮꦶꦔꦺꦁꦔꦶꦁꦔꦶꦥꦿꦺꦴꦥꦼꦱꦺꦴꦂ Higgs꧉ꦏꦭꦥꦸꦤꦶꦏꦥꦸꦤ꧀ꦱꦶꦔꦱꦗꦏ꧀ꦏꦶꦥꦸꦤ꧀ꦩꦤ꧀ꦠꦸꦤ꧀ꦲꦁꦒꦺꦤ꧀ꦤꦶꦥꦸꦤ꧀ꦒꦸꦩꦸꦤ꧀꧈ꦱꦲꦭꦗꦼꦁꦲꦤ꧀ꦝꦮꦃꦔꦼꦧꦿꦸꦏ꧀ꦏꦶꦧꦢꦤ꧀ꦤꦶꦥꦸꦤ꧀ꦥꦿꦺꦴꦥꦼꦱꦺꦴꦂ Higgs꧉ꦯꦤꦢꦾꦤ꧀ꦥꦿꦺꦴꦥꦼꦱꦺꦴꦂ Higgs ꦲꦤꦁꦏꦶꦱ꧀ꦱꦫꦤꦏꦼꦥꦼꦭ꧀ꦱꦏꦶꦪꦠ꧀ꦠꦶꦥꦸꦤ꧀꧈ꦲꦤꦔꦶꦁꦱꦶꦔꦧꦫꦺꦴꦁꦭꦗꦼꦁꦥ꧀ꦲꦼꦤ꧀ꦝꦱ꧀ꦱꦶꦥꦸꦤ꧀ꦝꦠꦼꦁꦥꦿꦺꦴꦥꦼꦱꦺꦴꦂ Higgs ꦱꦸꦩꦼꦢꦾꦚꦺꦴꦏꦺꦴꦠ꧀ꦒꦺꦴꦫꦺꦴꦏꦤ꧀ꦤꦶꦥꦸꦤ꧀꧉
꧋ꦱꦩꦁꦏꦼꦏꦸꦭꦔꦿꦸꦩꦲꦺꦴꦱ꧀ꦱꦶꦧꦶꦭꦶꦃꦧꦺꦴꦠꦼꦤ꧀ꦏꦼꦔꦶꦁꦱꦼꦩꦁꦱꦼꦩꦁꦢꦔꦸ꧉ꦱꦶꦔꦮꦲꦸꦭꦁꦏꦸꦁꦥꦚ꧀ꦗꦁꦠꦶꦤꦶꦩ꧀ꦧꦁꦥꦿꦺꦴꦥꦼꦱꦺꦴꦂ Higgs꧈ꦒꦼꦒꦼꦂꦫꦶꦁꦱꦶꦔꦏꦶꦤ꧀ꦠꦼꦤ꧀ꦏꦶꦤ꧀ꦠꦼꦤ꧀ꦝꦮꦃꦮꦺꦴꦤ꧀ꦠꦼꦤ꧀ꦲꦶꦁꦊꦉꦱ꧀ꦱꦶꦁꦱꦸꦏꦸꦤꦶꦥꦸꦤ꧀ꦥꦿꦺꦴꦥꦼꦱꦺꦴꦂ Higgs꧉
(ꦧꦝꦼꦏꦱꦩ꧀ꦧꦼꦠ꧀ꦠꦤ꧀)
