ꦤꦩꦲꦶꦁꦏꦁꦱꦼꦥꦸꦃꦥꦶꦪꦩ꧀ꦧꦏ꧀꧈ꦲꦶꦁꦒꦶꦃꦥꦸꦤꦶꦏ Moeang Sajam ꦭꦗꦼꦁꦒꦼꦱꦁꦩꦭꦶꦃ꧉ꦏꦩꦗꦼꦁꦔꦤ꧀ꦤꦶꦥꦸꦤ꧀ꦧꦺꦴꦁꦱꦯꦶꦪꦼꦩ꧀ꦲꦶꦁꦏꦁꦲꦸꦫꦸꦠ꧀ꦲꦸꦫꦸꦠ꧀ꦠꦤ꧀꧈ꦥꦸꦤꦶꦏꦗꦭꦂꦫꦤ꧀ꦱꦏꦶꦁꦏꦕꦩ꧀ꦥꦸꦂꦫꦤ꧀ꦤꦶꦁꦧꦺꦴꦁꦱ Lao Tai ꦭꦤ꧀ꦧꦺꦴꦁꦱꦠꦸꦫꦸꦤ꧀ꦤꦤ꧀ꦤꦶꦁ Khmer꧉ꦧꦱꦤꦶꦥꦸꦤ꧀ꦲꦶꦁꦏꦁꦏꦛꦃꦱꦏꦶꦁ Lao Tai ꦮꦲꦸ꧈ꦲꦤꦔꦶꦁꦱꦩꦁꦏꦼꦧꦱꦤꦶꦥꦸꦤ꧀ꦮꦲꦸꦏꦕꦩ꧀ꦥꦸꦂꦫꦤ꧀ꦏꦭꦶꦪꦤ꧀ꦧꦱꦧꦱꦱꦏꦶꦁꦧꦺꦴꦁꦱꦱꦤꦺꦱ꧀ꦲꦶꦁꦏꦁꦝꦠꦼꦁꦔꦶꦥꦸꦤ꧀ꦏꦤ꧀ꦠꦸꦤ꧀꧉ꦢꦺꦤꦺꦠꦤ꧀ꦢꦁ꧈ꦥꦏꦸꦭꦶꦤꦤ꧀꧈ꦱꦼꦱꦼꦫꦠ꧀ꦠꦤ꧀ꦱꦲꦲꦒꦩꦶꦤꦶꦥꦸꦤ꧀꧈ꦥꦸꦤꦶꦏꦱꦗꦏ꧀ꦒꦒꦤ꧀ꦝꦼꦁꦔꦤ꧀ꦏꦭꦶꦪꦤ꧀ꦠꦸꦫꦸꦤ꧀ꦤꦤ꧀ꦤꦶꦁ Khmer ꦏꦱ꧀ꦧꦸꦠ꧀ꦔꦶꦁꦒꦶꦭ꧀꧉
꧋ꦗꦺꦴꦒꦺꦢ꧀ꦕꦫꦯꦶꦪꦼꦩ꧀ꦥꦸꦤꦶꦏꦲꦶꦁꦒꦶꦃꦩꦶꦫꦶꦧ꧀ꦗꦺꦴꦒꦺꦢ꧀ꦗꦮꦶ꧉ (foto)
꧋ꦧꦺꦴꦁꦱꦱꦠꦸꦫꦸꦤ꧀ꦤꦶꦁ Lao Tai꧈ꦲꦶꦁꦏꦁꦲꦱ꧀ꦭꦶꦤꦶꦥꦸꦤ꧀ꦱꦏꦶꦁꦏꦶꦢꦸꦭ꧀ꦏꦶꦭꦺꦤ꧀ꦤꦒꦫꦶꦕꦶꦟ꧈ꦥꦸꦤꦶꦏꦱꦩꦶꦥꦶꦤ꧀ꦝꦃꦲꦶꦥꦸꦤ꧀ꦩꦔꦶꦢꦸꦭ꧀꧈ꦥꦸꦤꦶꦏꦱꦩ꧀ꦥꦸꦤ꧀ꦏꦶꦤꦱꦔꦼꦠ꧀꧈ꦲꦤꦔꦶꦁꦥꦤꦼꦩ꧀ꦥꦸꦃꦲꦶꦥꦸꦤ꧀ꦝꦠꦼꦁꦧꦺꦴꦁꦱꦯꦶꦪꦼꦩ꧀ꦲꦶꦁꦏꦁꦱꦶꦱꦶꦃꦭꦺꦂ꧈ꦱꦗꦏ꧀ꦏꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦠꦼꦩ꧀ꦧꦼꦤꦶꦥꦸꦤ꧀ꦩꦭꦶꦃ꧈ꦠꦤ꧀ꦝꦤꦶꦥꦸꦤ꧀ꦏꦶꦛ Lampoen ꦲꦶꦁꦒꦶꦃꦥꦸꦤꦶꦏꦏꦶꦛꦲꦶꦁꦯꦶꦪꦼꦩ꧀ꦲꦶꦁꦏꦁꦢꦶꦥꦸꦤ꧀ꦲꦼꦢꦼꦒ꧀ꦏꦼꦤ꧀ꦢꦼꦤꦶꦁꦧꦺꦴꦁꦱ*ꦭꦲꦺꦴ꧈ꦥꦸꦤꦶꦏꦩꦢꦼꦒ꧀ꦒꦶꦥꦸꦤ꧀ꦢꦺꦫꦺꦁꦥꦠꦺꦴꦱ꧀ꦭꦩꦶꦱꦔꦼꦠ꧀꧈ꦲꦶꦁꦒꦶꦃꦥꦸꦤꦶꦏꦏꦶꦤ꧀ꦠꦼꦤ꧀ꦏꦶꦤ꧀ꦠꦼꦤ꧀ꦲꦶꦁꦠꦲꦸꦤ꧀ 575꧉ꦏꦶꦤ꧀ꦠꦼꦤ꧀ꦏꦶꦤ꧀ꦠꦼꦤ꧀ꦲꦶꦁꦒꦶꦃꦲꦶꦁꦮꦼꦏ꧀ꦢꦭ꧀ꦥꦸꦤꦶꦏ꧈ꦕꦩ꧀ꦥꦸꦂꦫꦶꦥꦸꦤ꧀ꦧꦺꦴꦁꦱꦧꦺꦴꦁꦱꦠꦸꦫꦸꦤ꧀ꦤꦤ꧀ꦏꦱ꧀ꦧꦸꦠ꧀ꦔꦶꦁꦒꦶꦭ꧀ꦮꦲꦸ꧈ꦗꦭꦂꦫꦤ꧀ꦲꦶꦁꦲꦧꦢ꧀ꦥꦸꦤꦶꦏꦥꦫꦤꦠꦱꦩꦶꦤꦸꦭꦢ꧀ꦮꦮꦠꦼꦏ꧀ꦏꦤ꧀ꦤꦶꦥꦸꦤ꧀ꦧꦺꦴꦁꦱ Lao꧈ꦱꦲꦩꦭꦶꦃꦧꦱꦯꦶꦪꦼꦩ꧀꧈ꦱꦼꦱꦼꦫꦠ꧀ꦠꦤ꧀ꦭꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀ꦠꦸꦩꦤ꧀ꦢꦸꦏ꧀ꦏꦶꦥꦸꦤ꧀ꦲꦶꦁꦒꦶꦃꦮꦶꦮꦶꦠ꧀ꦥꦸꦤꦶꦏ꧈ꦲꦤꦔꦶꦁꦏꦫꦩ꧀ꦥꦸꦁꦔꦤ꧀ꦤꦶꦥꦸꦤ꧀ꦕꦕꦩ꧀ꦥꦸꦂꦫꦤ꧀ꦏꦭꦶꦪꦤ꧀ꦧꦺꦴꦁꦱꦲꦺꦁꦒꦭ꧀꧈ꦱꦉꦁꦧꦺꦴꦁꦱ Lao Tai ꦏꦲꦸꦱꦶꦂꦢꦼꦤꦶꦁ Koe Blai Khan ꦱꦏꦶꦁꦤꦒꦫꦶꦕꦶꦟꦱꦶꦱꦶꦃꦏꦶꦢꦸꦭ꧀ꦏꦶꦭꦺꦤ꧀꧉ꦲꦶꦁꦏꦁꦩꦏꦠꦼꦤ꧀ꦮꦲꦸꦲꦩꦿꦤꦤ꧀ꦤꦶꦝꦠꦼꦁꦱꦲꦶꦤ꧀ꦢꦼꦁꦔꦶꦁꦠꦤꦃꦲꦶꦤ꧀ꦝꦸꦔꦗꦼꦁ꧉ꦱꦭꦗꦼꦁꦔꦶꦥꦸꦤ꧀ꦠꦤꦃꦯꦶꦪꦼꦩ꧀ꦱꦶꦱꦶꦃꦭꦺꦂ꧈ꦱꦶꦱꦶꦃꦏꦶꦭꦺꦤ꧀ꦭꦤ꧀ꦏꦶꦢꦸꦭ꧀ꦏꦶꦭꦺꦤ꧀꧈ꦤꦸꦤ꧀ꦠꦼꦤ꧀ꦢꦢꦺꦴꦱ꧀ꦏꦫꦗꦤ꧀ꦱꦠꦸꦁꦒꦭ꧀꧈ꦧꦺꦴꦠꦼꦤ꧀ꦮꦠꦮꦶꦱ꧀ꦢꦔꦸꦭꦗꦼꦁꦏꦛꦃꦩꦭꦶꦃꦤꦒꦫꦶꦤꦒꦫꦶꦲꦶꦁꦏꦁꦱꦩꦶꦏꦠꦼꦭꦸꦏ꧀ꦲꦏꦼꦤ꧀ꦢꦼꦤꦶꦁꦏꦫꦗꦤ꧀ꦔꦶꦁꦒꦶꦭ꧀ꦮꦲꦸ꧈ꦢꦺꦤꦺꦏꦶꦛꦤꦶꦁꦏꦫꦗꦤ꧀ꦠꦤ꧀ꦱꦃꦥꦶꦤ꧀ꦝꦃꦥꦶꦤ꧀ꦝꦃꦏꦼꦩꦮꦺꦴꦤ꧀꧉ꦏꦭꦥꦸꦤꦶꦏ꧈ꦲꦶꦁꦒꦶꦃꦥꦸꦤꦶꦏꦲꦶꦁꦠꦲꦸꦤ꧀ 1284 ꦮꦺꦴꦤ꧀ꦠꦼꦤ꧀ꦱꦼꦱꦼꦫꦠ꧀ꦠꦤ꧀ꦲꦶꦁꦏꦁꦧꦸꦠ꧀ꦠꦏꦼꦤ꧀꧈ꦧꦶꦭꦶꦃꦧꦮꦃꦲꦶꦥꦸꦤ꧀ꦏꦫꦗꦤ꧀ꦯꦶꦪꦼꦩ꧀꧈ꦏꦭꦲꦶꦁꦏꦁ
