Page:Kajawen 43 1927-10-27.pdf/10

ꦝꦺꦫꦺꦏ꧀ꦱꦶꦤꦫꦮꦺꦢꦶ​ꦮꦲꦸ​ꦠꦩ꧀ꦠꦸ​ꦭꦗꦼꦁ​ꦲꦔꦼꦠꦺꦴꦒ꧀ꦧꦸꦢꦶ​ꦱꦫꦺꦴꦱ​ꦲꦩꦶꦠꦸꦭꦸꦁ​ꦔꦶ꧈​ꦩꦸꦫꦶꦃ​ꦱꦒꦼꦢ꧀ꦢ​ꦲꦔꦼꦤ꧀ꦠꦱ꧀ꦏꦱꦁ​ꦱꦫꦤ꧀ꦠꦸꦮꦶꦤ꧀ꦲꦚꦶꦂꦤꦏ꧀ꦲꦏꦼꦤ꧀ꦲꦺꦮꦼꦢ꧀ꦥꦏꦺꦮꦼꦢ꧀ꦮꦲꦸ꧉​ꦲꦤꦔꦶꦁ​ꦩꦼꦁ​ꦒꦃ​ꦥꦶꦠꦸꦭꦸꦁ​ꦔꦤ꧀ꦤꦶꦥꦸꦤ꧀ꦱꦝꦺꦫꦺꦏ꧀ꦱꦶꦤꦫꦮꦺꦢꦶ​ꦱꦠꦸꦁ​ꦒꦭ꧀ꦭꦶꦥꦸꦤ꧀꧈​ꦥꦸꦤꦶꦏ​ꦩꦮꦶ​ꦩꦶꦭꦶꦃ꧈​ꦲꦶꦁ​ꦒꦶꦃ​ꦥꦸꦤꦶꦏ​ꦩꦤꦮꦶ​ꦩꦤꦸꦱ​ꦥꦶꦤꦸꦗꦸ​ꦱꦼꦤꦼꦁ​ꦩꦤꦃꦲꦶꦥꦸꦤ꧀꧈​ꦥꦶꦤꦸꦗꦸ​ꦒꦼꦒꦝꦃꦲꦤ꧀꧈​ꦧꦺꦴꦠꦼꦤ꧀ꦩꦁ​ꦒꦶꦃ​ꦲꦺꦮꦼꦢ꧀ꦥꦏꦺꦮꦼꦢ꧀꧈​ꦲꦶꦁ​ꦔꦿꦶꦏꦸ​ꦭꦗꦼꦁ​ꦗꦸꦩꦼꦝꦸꦭ꧀ꦠꦤ꧀ꦥ​ꦱꦁ​ꦏꦤ꧀꧈​ꦩꦶꦤ꧀ꦝꦏ꧀ꦩꦶꦤ꧀ꦝꦏ꧀ꦲꦤꦤ꧀ꦢꦸꦏ꧀ꦏꦏꦼꦤ꧀ꦲꦸꦭꦠ꧀ꦩꦤꦶꦱ꧀ꦲꦶꦁ​ꦏꦁ​ꦲꦔꦽꦱꦼꦥ꧀ꦥꦏꦼꦤ꧀꧈​ꦩꦤꦮꦶ​ꦢꦶꦥꦸꦤ꧀ꦭꦁ​ꦒꦠ꧀ꦠꦶ​ꦭꦗꦼꦁ​ꦠꦤ꧀ꦱꦃ​ꦲꦁ​ꦒꦼꦒꦱꦃ​ꦭꦤ꧀ꦲꦩꦼꦠꦶꦏ꧀ꦏꦶ​ꦏꦂꦤ​ꦏꦺꦩꦮꦺꦴꦤ꧀꧇​ꦲꦪꦺꦴ꧈​ꦱꦺꦃ꧈​ꦒꦺꦴꦧꦺ꧈​ꦲꦗ​ꦮꦼꦢꦶ꧈​ꦩꦸꦩ꧀ꦥꦸꦁ​ꦲꦶꦱꦶꦃ​ꦲꦸꦫꦶꦥ꧀꧈​ꦥꦕꦶꦤꦤ꧀ꦲꦶꦱꦶꦃ​ꦧꦸꦏꦏ꧀꧉​ꦩꦏꦠꦼꦤ꧀ꦢꦶꦥꦸꦤ꧀ꦠꦭꦠꦺꦴꦱ꧀ꦱꦶ​ꦥꦔꦶꦕꦸꦏ꧀ꦲꦶꦕꦸꦏ꧀ꦏꦶꦁ​ꦱꦢꦸꦭꦸꦂ​ꦱꦶꦤꦫꦮꦺꦢꦶ​ꦮꦲꦸ꧈​ꦔꦤ꧀ꦠꦺꦴꦱ꧀ꦱꦒꦼꦢ꧀ꦏꦱꦼꦩ꧀ꦧꦢꦤ꧀ꦱꦼꦢꦾꦤꦶꦥꦸꦤ꧀ꦲꦁ​ꦒꦸꦊꦠ꧀ꦩꦤꦸꦱ​ꦲꦔꦸꦁ​ꦏꦸꦭ꧀ꦭꦶ​ꦲꦤ꧀ꦠꦸ​ꦢꦸꦮꦭ꧀ꦥꦪꦭ꧀ꦏꦼꦏꦼꦠ꧀ꦫꦸꦩꦏꦼꦠ꧀ꦠꦶꦁ​ꦥꦩꦸꦊꦠ꧀ꦠꦶꦥꦸꦤ꧀꧉​ꦱꦠꦼꦩꦃ​ꦲꦶꦁ​ꦏꦁ​ꦱꦩꦶ​ꦏꦺꦔꦶꦁ​ꦏꦭ​ꦭꦸꦮꦁ​ꦱꦩꦶ​ꦕꦶꦭꦏ​ꦒꦼꦱꦁ​ꦔꦶꦥꦸꦤ꧀꧈​ꦠꦤ꧀ꦱꦃ​ꦏꦲꦺꦱꦶ​ꦲꦺꦱꦶ​ꦲꦶꦁ​ꦲꦏꦛꦃ꧉​

꧋ꦲꦝꦸꦃ꧈​ꦚꦸꦮꦸꦤ꧀ꦥꦔꦥꦸꦤ꧀ꦠꦼꦤ꧀꧉​ꦏꦭꦸꦲꦸꦂꦫꦤ꧀ꦱꦔꦼꦠ꧀ꦝꦮꦸꦃ​ꦥꦔꦤ꧀ꦢꦶꦏꦤꦶꦥꦸꦤ꧀ꦥꦫ​ꦱꦼꦥꦸꦃ​ꦠꦸꦮꦶꦤ꧀ꦕꦺꦴꦕꦺꦴꦒ꧀ꦏꦭꦶꦪꦤ꧀ꦮꦮꦫꦃ​ꦮꦮꦊꦂꦫꦶꦁ​ꦱꦫꦏ꧀ꦥꦸꦤꦥꦢꦺꦤꦺ​ꦥꦶꦮꦸꦭꦁ​ꦔꦶꦥꦸꦤ꧀ꦥꦫ​ꦄꦃꦭꦶ꧇​

꧋ꦱꦤꦢꦾꦤ꧀ꦩꦸꦁ​ꦱꦠꦺꦠꦺꦱ꧀꧈​ꦲꦗ​ꦏꦺꦴꦁ​ꦱꦶ​ꦭꦩ꧀ꦧꦺꦩꦸ​ꦏꦊꦧꦺꦴꦤ꧀ꦲꦭ꧀ꦏꦺꦴꦲꦺꦴꦭ꧀(ꦲꦶꦤꦸꦩ꧀ꦩꦤ꧀ꦏꦼꦫꦱ꧀)꧉​

꧋ꦏꦮꦼꦒꦶꦒ꧀ꦒꦤ꧀ꦤꦶꦥꦸꦤ꧀ꦱꦢꦸꦭꦸꦂ​ꦱꦶꦤꦫꦮꦺꦢꦶ​ꦲꦔꦿꦩ꧀ꦥꦺꦏ꧀ꦩꦤꦸꦱ꧇​

꧋ꦲꦤꦸꦗꦸ​ꦱꦠꦸꦁ​ꦒꦶꦭ꧀ꦭꦶꦁ​ꦢꦶꦤ꧀ꦠꦼꦤ꧀꧈​ꦥꦸꦤ꧀꧈​ꦄꦧꦢꦤ꧀ꦤꦶꦥꦸꦤ꧀ꦏꦫꦲꦺꦴꦱ꧀ꦲꦱꦽꦥ꧀꧈​ꦥꦸꦤꦶꦏ​ꦗꦭꦂꦫꦤ꧀ꦱꦏꦶꦁ​ꦲꦠꦸꦂ​ꦥꦤꦸꦮꦸꦤ꧀ꦤꦶꦁ​ꦩꦶꦠꦿꦤꦶꦥꦸꦤ꧀ꦮꦲꦸ꧈​ꦭꦗꦼꦁ​ꦧꦺꦴꦠꦼꦤ꧀ꦱꦫꦺꦴꦤ꧀ꦠ꧈​ꦕꦼꦒ꧀꧈​ꦚꦼꦥꦼꦁ​ꦏꦼꦤ꧀ꦛꦶ​ꦭꦤ꧀ꦒꦼꦭꦱ꧀ꦲꦭꦶꦠ꧀꧈​ꦢꦶꦥꦸꦤ꧀ꦲꦶꦭꦶꦁ​ꦔꦶ​ꦲꦶꦱꦶꦤꦶꦁ​ꦏꦼꦤ꧀ꦛꦶ​ꦮꦲꦸ​ꦱꦏꦼꦧꦼꦏ꧀ꦏꦶꦥꦸꦤ꧀ꦱꦲ​ꦠꦼꦫꦸꦱ꧀ꦏꦲꦺꦴꦩ꧀ꦧꦺ꧇​ꦒ꧀ꦭꦼꦁ​ꦒꦼꦁ​꧉​ꦧꦾꦂ​ꦒꦸꦮꦪ​ꦱꦸꦩꦿꦶꦔꦃ꧈​ꦧꦢꦤ꧀ꦏꦫꦲꦺꦴꦱ꧀ꦲꦔꦼꦠ꧀꧉​ꦱꦸꦩ꧀ꦧꦂꦫꦶꦥꦸꦤ꧀꧇​ꦠ꧈​ꦲꦔꦼꦠ꧀ꦲꦺꦴꦫ​ꦱꦲꦶꦏꦶ꧉​ꦲꦪꦺꦴ​ꦱꦒꦼꦭꦱ꧀ꦲꦼꦁ​ꦏꦱ꧀꧇​ꦒ꧀ꦭꦼꦁ​ꦒꦼꦁ​꧉​ꦔꦤ꧀ꦠꦺꦴꦱ꧀ꦫꦩ꧀ꦧꦃ​ꦏꦥꦶꦁ​ꦠꦶꦒ​ꦱꦏꦮꦤ꧀ꦒꦼꦭꦱ꧀ꦲꦸꦠꦮꦶ​ꦭꦁ​ꦏꦸꦁ​ꦥꦔꦺꦴꦩ꧀ꦧꦺꦤ꧀ꦤꦶꦥꦸꦤ꧀꧈​ꦧꦢꦤ꧀ꦤꦶꦥꦸꦤ꧀ꦭꦗꦼꦁ​ꦏꦫꦲꦺꦴꦱ꧀ꦧꦼꦤ꧀ꦠꦺꦂ꧈​ꦱꦶꦫꦃ​ꦥꦺꦴꦱꦶꦁ​ꦥ꧀ꦭꦼꦁ​ꦥ꧀ꦭꦼꦁ​ꦔꦤ꧀꧈​ꦥꦤ꧀ꦢꦼꦊꦁ​ꦧ꧀ꦭꦶꦪꦂ​ꦧ꧀ꦭꦶꦪꦂ꧈​ꦲꦸꦔꦼꦭ꧀ꦭꦶꦥꦸꦤ꧀ꦏꦸꦩꦿꦸꦮꦸꦏ꧀꧈​ꦱꦭꦗꦼꦁ​ꦔꦶꦥꦸꦤ꧀ꦏꦢꦺꦴꦱ꧀ꦲꦶꦁ​ꦏꦁ​ꦏꦸꦭ​ꦲꦠꦸꦂꦫꦏꦼꦤ꧀ꦲꦶꦁ​ꦔꦗꦼꦁ​ꦥꦺꦴꦭꦃꦲꦶꦥꦸꦤ꧀ꦠꦶꦪꦁ​ꦩꦼꦤ꧀ꦢꦼꦩ꧀꧉​

꧋ꦩꦶꦠꦸꦫꦸꦠ꧀ꦝꦮꦸꦃꦲꦶꦥꦸꦤ꧀ꦥꦫ​ꦱꦼꦥꦸꦃ​ꦲꦶꦁ​ꦏꦁ​ꦥꦤ꧀ꦠꦼꦱ꧀ꦢꦶꦥꦸꦤ꧀ꦲꦺꦱ꧀ꦠꦺꦴꦏ꧀ꦲꦏꦼꦤ꧀꧇​

꧋ꦩꦤꦮ​ꦱꦶꦫ​ꦔꦼꦭꦏ꧀꧈​ꦔꦺꦴꦩ꧀ꦧꦺꦪ​ꦧꦚꦸ​ꦏꦁ​ꦉꦱꦶꦏ꧀꧈​ꦲꦮꦶꦠ꧀ꦲꦶꦏꦸ​ꦩꦸꦤ꧀ꦥꦔꦠ꧀ꦠꦺ​ꦩꦫꦁ​ꦲꦮꦏ꧀ꦏꦶꦫ​ꦔꦸꦁ​ꦏꦸꦭ꧀ꦭꦶ​ꦲꦺꦴꦩ꧀ꦧꦺꦤ꧀ꦲꦺꦴꦩ꧀ꦧꦺꦤ꧀ꦱꦶꦁ​ꦲꦢꦶ​ꦄꦲꦺꦁ​ꦭꦤ꧀ꦏꦁ​ꦭꦫꦁ​ꦭꦫꦁ​ꦉꦒꦤꦺ꧉​

꧋ꦝꦮꦸꦃ​ꦩꦏꦠꦼꦤ꧀ꦥꦸꦤꦶꦏ​ꦱꦪ​ꦲꦒꦼꦁ​ꦱꦔꦼꦠ꧀ꦧꦂꦏꦃꦲꦶꦥꦸꦤ꧀ꦠꦸꦩꦿꦥ꧀ꦲꦶꦁ​ꦗꦩꦤ꧀ꦲꦶꦮꦶꦛꦶꦮꦶꦠꦤ꧀ꦱꦩꦁ​ꦏꦺ​ꦥꦸꦤꦶꦏ꧈​ꦩꦭꦃ​ꦧꦺꦴꦠꦼꦤ꧀ꦤꦩꦸꦁ​ꦲꦩ꧀ꦧꦂꦏꦃꦲꦶ​ꦝꦠꦼꦁ​ꦒꦼꦱꦁ​ꦔꦶꦥꦸꦤ꧀ꦥꦿꦶꦧꦢꦶ꧈​ꦲꦶꦁ​ꦒꦶꦃ​ꦠꦩ꧀ꦠꦸ​ꦭꦸꦧꦺꦂ​ꦝꦠꦼꦁ​ꦱꦏꦸꦏꦸꦧ꧀ꦧꦤ꧀ꦤꦶꦥꦸꦤ꧀꧉​

꧋ꦒꦺꦴꦒꦺꦴꦭꦺꦴꦁ​ꦔꦤ꧀ꦤꦶꦥꦸꦤ꧀ꦥꦫ​ꦩꦸꦝ​ꦮꦺꦴꦤ꧀ꦠꦼꦤ꧀ꦲꦶꦁ​ꦏꦁ​ꦱꦺꦴꦏ꧀ꦚꦺꦴꦧ​ꦲꦮꦏ꧀꧈​ꦧꦶꦭꦶꦃ​ꦥꦶꦤꦸꦗꦸ​ꦏꦼꦩ꧀ꦥꦭ꧀ꦭꦗꦼꦁ​ꦱꦩꦶ​ꦲꦗꦂ​ꦲꦸꦚ꧀ꦗꦸꦑꦸꦚ꧀ꦗꦸꦏ꧀ꦏꦤ꧀ꦲꦶꦤꦸꦩ꧀ꦩꦤ꧀ꦏꦼꦫꦱ꧀꧈​ꦩꦸꦫꦶꦃ​ꦏꦠꦶꦔꦭ꧀ꦧꦉꦒꦱ꧀꧈​ꦱꦪ​ꦲꦁ​ꦒꦿꦼꦁ​ꦱꦼꦁ​ꦔꦏꦼꦤ꧀ꦲꦸꦠꦮꦶ​ꦩꦼꦮꦃꦲꦶ​ꦒꦶꦪꦏ꧀ꦏꦶꦁ​ꦥꦏꦼꦩ꧀ꦥꦭ꧀ꦭꦤ꧀ꦔꦿꦶꦏꦸ​(ꦕꦫꦶꦪꦺꦴꦱ꧀ꦱꦶꦥꦸꦤ꧀)ꦥꦸꦤꦶꦏ​ꦩꦤꦮꦶ​ꦏꦊꦒꦸꦠꦏ꧀ꦲꦏꦼꦤ꧀꧈​ꦥꦿꦱꦱꦠ꧀ꦥꦫ​ꦩꦸꦝ​ꦮꦲꦸ꧇​ꦲꦔꦼꦩꦺꦴꦃꦲꦶ​ꦝꦠꦼꦁ​ꦲꦸꦫꦶꦥ꧀ꦥꦶꦥꦸꦤ꧀꧈​ꦲꦶꦁ​ꦏꦁ​ꦠꦤ꧀ꦱꦃ​ꦢꦶꦥꦸꦤ꧀ꦲꦺꦩꦤꦺꦩꦤ꧀꧈​ꦱꦲ​ꦲꦶꦁ​ꦏꦁ​ꦱꦗꦠꦺꦴꦱ꧀ꦱꦶꦥꦸꦤ꧀꧈​ꦱꦲꦸꦥꦩꦶ​ꦢꦶꦥꦸꦤ꧀ꦠꦫꦶ​ꦠꦩ꧀ꦠꦸ​ꦲꦼꦩꦺꦴꦃ​ꦭꦫ꧈​ꦲꦼꦩꦺꦴꦃ​ꦮꦶꦫꦁ​꧈​ꦲꦼꦩꦺꦴꦃ​ꦩ꧀ꦭꦫꦠ꧀꧈​ꦲꦼꦩꦺꦴꦃ​ꦲꦱꦺꦴꦂ꧈​ꦱꦥꦶꦠꦸꦫꦸꦠ꧀ꦠꦶꦥꦸꦤ꧀꧉​ꦢꦢꦺꦴꦱ꧀ꦤꦩꦸꦁ​ꦤꦼꦝ​ꦱꦂꦮ​ꦱꦂꦮꦶ​ꦏꦱꦼꦩ꧀ꦧꦢꦤ꧀꧈​ꦥꦸꦤꦥ​ꦩꦭꦶꦃ​ꦏꦮꦱ꧀ꦠꦤ꧀ꦤꦤ​ꦠꦶꦪꦁ​ꦲꦸꦠꦩꦶ꧉​ꦠꦏ꧀ꦱꦶꦃ​ꦮꦺꦴꦤ꧀ꦠꦼꦤ꧀ꦕꦤ꧀ꦝꦏ꧀ꦏꦶꦥꦸꦤ꧀꧉​

꧋ꦥꦸꦤ꧀ꦮ꧉​