Page:Kajawen 52 1927-12-29.pdf/16

꧋ꦱꦧꦶꦱ​ꦧꦶꦱ​ꦏꦸꦢꦸ​ꦱꦶꦁ​ꦔꦽꦠꦶ​ꦲꦁ​ꦒꦺꦴꦤ꧀ꦤꦺ​ꦔꦼꦠꦿꦥ꧀ꦥꦏꦺ​ꦲꦮꦏ꧀ꦏꦺ꧈​ꦲꦗ​ꦔꦤ꧀ꦠꦶ​ꦢꦶꦪꦸꦤꦺꦏ꧀ꦲꦏꦺ​ꦮꦺꦴꦁ​ꦏꦁ​ꦏꦸꦫꦁ​ꦠꦠ꧉​ꦢꦢꦶ​ꦲꦸꦥꦩꦤꦺ​ꦏꦺꦴꦮꦺ​ꦱꦺꦴꦮꦤ꧀ꦚꦁ​ꦥꦫ​ꦭꦸꦲꦸꦂ​ꦗꦮ꧈​ꦱꦶꦁ​ꦮꦗꦶꦧ꧀ꦏꦺꦴꦲꦸꦂꦩꦠ꧀ꦠꦶ꧈​ꦏꦺꦴꦮꦺ​ꦲꦶꦪ​ꦏꦸꦢꦸ​ꦔꦁ​ꦒꦺꦴ​ꦠꦠ​ꦗꦮ꧈​ꦪꦺꦤ꧀ꦥꦽꦭꦸ​ꦲꦶꦪ​ꦲꦗ​ꦭꦭꦶ​ꦱꦼꦩ꧀ꦧꦃ​ꦝꦺꦴꦝꦺꦴꦏ꧀ꦏꦺ꧈​ꦲꦁ​ꦒꦺꦴꦤ꧀ꦩꦸ​ꦲꦤꦶꦤ꧀ꦢꦏ꧀ꦏꦏꦺ​ꦠꦶꦁ​ꦏꦃꦩꦸ​ꦲꦶꦪ​ꦏꦸꦢꦸ​ꦱꦶꦁ​ꦲꦭꦸꦱ꧀꧈​ꦒꦩ꧀ꦧꦂꦫꦺ​ꦲꦭꦸꦱ꧀ꦩꦲꦸ꧇​ꦠꦿꦺꦛꦺꦏ꧀꧈​ꦠꦿꦺꦛꦺꦏ꧀꧉​ꦢꦺꦤꦺ​ꦪꦺꦤ꧀ꦏꦺꦴꦮꦺ​ꦲꦤꦼꦩꦺꦴꦤ꧀ꦤꦶ​ꦥꦫ​ꦭꦸꦲꦸꦂ​ꦮꦭꦺꦴꦤ꧀ꦢ꧈​ꦲꦶꦁ​ꦱꦫꦺꦃꦤꦶꦁ​ꦧꦺꦴꦁ​ꦱ​ꦮꦭꦺꦴꦤ꧀ꦢ​ꦏꦸꦮꦶ​ꦫꦕꦏ꧀ꦏꦺ꧇​ꦕꦶꦏꦠ꧀꧈​ꦠꦤ꧀ꦢꦁ​꧈​ꦭꦤ꧀ꦱꦥꦝꦤ꧀ꦤꦺ꧈​ꦏꦺꦴꦮꦺ​ꦲꦶꦪ​ꦲꦺꦴꦫ​ꦏꦼꦤ​ꦭꦭꦶ​ꦲꦤ꧀ꦝꦥ꧀ꦲꦱꦺꦴꦂꦩꦸ꧈​ꦲꦤꦔꦶꦁ​ꦱꦧꦶꦱ​ꦧꦶꦱ​ꦏꦸꦢꦸ​ꦲꦤꦸꦭꦢ꧀ꦕꦶꦏꦠ꧀ꦠꦤ꧀ꦝꦁ​ꦔꦺ꧈​ꦢꦢꦶ​ꦲꦗ​ꦧꦚ꧀ꦗꦸꦂ​ꦏ꧀ꦭꦺꦭꦠ꧀ꦏ꧀ꦭꦺꦭꦺꦠ꧀ꦏꦪ​ꦮꦺꦴꦁ​ꦱꦶꦁ​ꦏꦠꦒꦶꦃꦲꦤ꧀ꦏꦕꦸꦧꦸꦁ​꧈​ꦲꦤꦔꦶꦁ​ꦏꦸꦢꦸ​ꦔꦠꦺꦴꦤ꧀ꦤꦏꦺ꧇​ꦕꦶꦏꦠ꧀꧈​ꦠꦤ꧀ꦢꦁ​ꦭꦤ꧀ꦠꦽꦁ​ꦒꦶꦤꦱ꧀ꦩꦸ꧈​ꦒꦩ꧀ꦧꦂꦫꦺ꧇​ꦛꦺꦴꦏ꧀꧈​ꦛꦺꦴꦏ꧀꧈​ꦛꦺꦴꦏ꧀꧉​ꦭ​ꦤꦺꦏ꧀ꦏꦠꦼꦩꦸ​ꦏꦫꦺꦴ​ꦮꦺꦴꦁ​ꦮꦺꦴꦁ​ꦱꦗꦗꦂꦩꦸ꧈​ꦭ​ꦏꦸꦮꦶ​ꦲꦏꦺꦃ​ꦥꦿꦺꦲꦶꦤꦺ꧈​ꦢꦢꦶ​ꦲꦁ​ꦒꦺꦴꦤ꧀ꦩꦸ​ꦤꦼꦩꦺꦴꦤ꧀ꦤꦶ꧈​ꦲꦶꦪ​ꦧꦶꦱ​ꦱꦏꦼꦥꦺꦤꦏ꧀ꦏꦺ꧉​

꧋ꦓꦫꦺꦁ​꧇​ꦲꦝꦸꦃ꧈​ꦲꦁ​ꦒꦺꦴꦤ꧀ꦤꦺ​ꦲꦮꦺꦃ​ꦏꦠꦿꦁ​ꦔꦤ꧀ꦱꦗꦏ꧀ꦏꦺ​ꦏꦺꦴꦏ꧀ꦏꦪ​ꦥꦿꦺꦴꦥ꧀ꦱꦺꦴꦂ꧉​

꧋ꦦꦺꦠꦿꦸꦏ꧀꧇​ꦮꦶꦪꦃ꧈​ꦏꦛꦶꦏ꧀ꦏꦪ​ꦮꦺꦴꦁ​ꦔꦺꦴꦩ꧀ꦧꦺ​ꦧꦶꦂ꧈​ꦢꦶꦕꦺꦴꦥꦺꦴꦠ꧀ꦥꦿꦺꦴꦥ꧀ꦥꦺ꧈​ꦧꦚ꧀ꦗꦸꦂ​ꦢꦶꦲꦼꦱꦺꦴꦂꦫꦏꦺ꧈​ꦱꦲꦸꦮꦶꦱꦺ​ꦫꦩ꧀ꦥꦸꦁ​ꦏꦥꦽꦭꦸꦮꦤ꧀ꦤꦏꦸ​ꦲꦤ​ꦲꦶꦁ​ꦩꦓꦼꦭꦁ​꧈​ꦲꦏꦸ​ꦧꦚ꧀ꦗꦸꦂ​ꦲꦤꦼꦫꦸꦱ꧀ꦱꦏꦺ​ꦭꦏꦸꦏꦸ꧈​ꦪꦏꦸꦮꦶ​ꦚꦁ​ꦯꦼꦩꦫꦁ​꧈​ꦓꦸꦧꦸꦒ꧀꧈​ꦯꦸꦫꦏꦂꦠ​ꦭꦤ꧀ꦔꦪꦺꦴꦓꦾꦏꦂꦠ꧈​ꦱꦲꦸꦮꦶꦱ꧀ꦱꦺ​ꦫꦩ꧀ꦥꦸꦁ​ꦧꦚ꧀ꦗꦸꦂ​ꦧꦧ꧀ꦭꦱ꧀ꦔꦼꦤ꧀ꦛꦶꦂ​ꦚꦁ​ꦨꦼꦠꦮꦶ​ꦩꦤꦺꦃ꧈​ꦔꦁ​ꦒꦺꦴ​ꦩꦩ꧀ꦥꦶꦂ​ꦱꦮꦼꦁ​ꦔꦶ​ꦲꦤ​ꦲꦶꦁ​ꦦꦸꦂꦮꦏꦼꦂꦠ꧉​ꦱꦏ​ꦥꦤ꧀ꦢꦺꦴꦔꦩꦸ​ꦭꦸꦔꦏꦸ​ꦩꦲꦸ​ꦲꦶꦪ​ꦲꦺꦴꦭꦺꦃ​ꦒꦮꦺ꧉​ꦮꦸꦮꦸꦃꦲꦶꦁ​ꦊꦁ​ꦒꦤ꧀ꦤꦤ꧀ꦏꦗꦮꦺꦤ꧀ꦫꦢ​ꦭꦸꦩꦪꦤ꧀꧉​

꧋ꦓꦫꦺꦁ​꧇​ꦭ​ꦮꦺꦴꦁ​ꦒꦮꦺ​ꦥꦼꦂꦱ꧀ꦭꦃ​ꦏꦛꦶꦏ꧀ꦢꦶꦕꦼꦏꦏ꧀ꦏꦶ​ꦱꦏꦂꦱꦤꦺꦏꦶ​ꦔꦺꦴꦤꦺꦴ꧈​ꦤꦺꦏ꧀ꦢꦼꦊꦁ​ꦢꦼꦢꦼꦒ꧀ꦒꦺ​ꦏꦪ​ꦥꦫꦺ​ꦥꦼꦭꦸꦱ꧀ꦔꦺꦴꦤꦺꦴ꧈​ꦥꦚ꧀ꦕꦺꦤ꧀ꦤꦺ​ꦪꦺꦤ꧀ꦲꦤ꧀ꦢꦺꦴꦔꦺꦁ​ꦲꦶꦪ​ꦢꦮ​ꦔꦭꦸꦂ​ꦲꦭꦸꦂ꧈​ꦗꦼꦧꦸꦭ꧀ꦗꦼꦧꦸꦭ꧀ꦕꦼꦏꦏ꧀ꦲꦔꦥꦽꦠ꧀ꦏꦪ​ꦧꦸꦤ꧀ꦠꦸꦠ꧀ꦮꦼꦝꦸꦱ꧀꧉​ꦪ​ꦲꦸꦮꦶꦱ꧀꧈​ꦕꦿꦶꦠꦏ꧀ꦤ​ꦧꦲꦺ​ꦱꦲꦶꦏꦶ​ꦥꦤꦼꦩꦸꦩꦸ​ꦱꦶꦁ​ꦏ꧀ꦭꦼꦧꦸ​ꦲꦤꦺꦃ꧉​

꧋ꦦꦺꦠꦿꦸꦏ꧀꧇​ꦱꦶꦁ​ꦢꦏ꧀ꦢꦼꦊꦁ​ꦧꦚ꧀ꦗꦸꦂ​ꦲꦒꦮꦺ​ꦒꦸꦩꦸꦤ꧀ꦤꦶꦁ​ꦲꦠꦶꦏꦸ​ꦏꦸꦮꦶ꧈​ꦢꦺꦤꦺ​ꦱꦮꦶꦗꦶ​ꦮꦶꦗꦶꦤꦶꦁ​ꦏꦸꦛ​ꦮꦺꦴꦁ​ꦮꦺꦴꦁ​ꦔꦺ​ꦠꦼꦏ​ꦧꦺꦢ​ꦧꦺꦢ​ꦱꦺꦴꦭꦃ​ꦠꦤ꧀ꦢꦁ​ꦔꦺ꧈​ꦲꦼꦩ꧀ꦧꦸꦃ​ꦮꦮꦠꦼꦏ꧀ꦏꦤ꧀ꦤꦺ​ꦲꦏꦸ​ꦲꦺꦴꦫ​ꦲꦼꦫꦸꦃ꧈​ꦱꦺꦴꦭꦃ​ꦠꦤ꧀ꦢꦁ​ꦔꦺ​ꦩꦲꦸ​ꦱꦗꦏ꧀ꦏꦒꦮ​ꦱꦏ​ꦥꦥꦤ꧀ꦥꦢꦸꦤꦸꦁ​ꦔꦤ꧀ꦤꦺ꧉​ꦏꦪ​ꦠ꧇​ꦮꦺꦴꦁ​ꦮꦺꦴꦁ​ꦲꦶꦁ​ꦯꦼꦩꦫꦁ​꧈​ꦏꦸꦮꦶ​ꦱꦺꦴꦭꦃ​ꦠꦤ꧀ꦢꦁ​ꦔꦺ​ꦱꦗꦏ꧀ꦏꦺ꧇​ꦕꦶꦏꦠ꧀꧈​ꦠꦤ꧀ꦢꦁ​꧈​ꦠꦽꦁ​ꦒꦶꦤꦱ꧀꧈​ꦲꦺꦴꦫ​ꦢꦸꦮꦺ​ꦏꦼꦱꦼꦭ꧀ꦭꦤ꧀ꦱꦥꦤꦸꦁ​ꦒꦭ꧀ꦭꦤꦺ꧈​ꦏꦁ​ꦩꦁ​ꦏꦺꦴꦤꦺꦴ​ꦏꦸꦮꦶ​ꦲꦥ​ꦱꦧꦧ꧀ꦏꦒꦮ​ꦱꦏ​ꦏꦸꦛꦤꦺ꧈​ꦲꦩꦂꦒ​ꦏꦸꦛ​ꦯꦼꦩꦫꦁ​ꦏꦸꦮꦶ​ꦏꦸꦛ​ꦢꦒꦁ​꧈​ꦢꦢꦶ​ꦮꦺꦴꦁ​ꦮꦺꦴꦁ​ꦔꦺ​ꦲꦶꦪ​ꦥꦝ​ꦔꦸꦢꦶ​ꦧꦔꦼꦠ꧀ꦚꦁ​ꦥꦢꦒꦁ​ꦔꦤ꧀꧈​ꦮꦺꦴꦁ​ꦮꦺꦴꦁ​ꦔꦺ​ꦲꦶꦁ​ꦏꦺꦴꦤꦺꦴ​ꦱꦗꦏ꧀ꦏꦺ​ꦔꦽꦠꦶ꧈​ꦪꦺꦤ꧀ꦲꦩ꧀ꦧꦸꦮꦁ​ꦮꦪꦃ​ꦲꦶꦪ​ꦲꦩ꧀ꦧꦸꦮꦁ​ꦧꦺꦴꦤ꧀ꦝ꧉​ꦏꦺꦴꦱꦺꦴꦏ꧀ꦧꦭꦶꦤꦺ​ꦮꦺꦴꦁ​ꦮꦺꦴꦁ​ꦲꦶꦁ​ꦯꦸꦫꦏꦂꦠ꧈​ꦏꦸꦮꦶ​ꦱꦗꦏ꧀ꦏꦺ​ꦥꦝ​ꦲꦭꦸꦱ꧀ꦲꦭꦸꦱ꧀꧈​ꦥꦝ​ꦲꦤ꧀ꦝꦥ꧀ꦲꦱꦺꦴꦂ꧈​ꦥꦝ​ꦲꦚꦠꦿꦶꦪꦤ꧀ꦤꦶ꧈​ꦏꦁ​ꦩꦁ​ꦏꦺꦴꦤꦺꦴ​ꦏꦸꦮꦶ​ꦲꦥ​ꦏꦒꦮ​ꦱꦧꦧ꧀ꦮꦺꦴꦁ​ꦮꦺꦴꦁ​ꦲꦶꦁ​ꦏꦺꦴꦤꦺꦴ​ꦕꦼꦝꦏ꧀ꦭꦤ꧀ꦫꦠꦸꦤꦺ꧉​ꦢꦺꦤꦺ​ꦮꦺꦴꦁ​ꦮꦺꦴꦁ​ꦲꦶꦁ​ꦔꦪꦺꦴꦓꦾ​ꦱꦗꦏꦺ​ꦔꦼꦁ​ꦒꦺꦴꦤ꧀ꦤꦶ​ꦱꦺꦴꦭꦃ​ꦠꦤ꧀ꦢꦁ​ꦔꦺ​ꦏꦸꦛ​ꦏꦫꦺꦴ​ꦥꦶꦱꦤ꧀ꦩꦲꦸ꧈​ꦪꦲꦶꦏꦸ꧇​ꦪ​ꦲꦭꦸꦱ꧀꧈​ꦲꦤ꧀ꦝꦥ꧀ꦲꦱꦺꦴꦂ꧈​ꦤꦔꦶꦁ​ꦠꦤ꧀ꦢꦁ​ꦱꦲ​ꦠꦽꦁ​ꦒꦶꦤꦱ꧀꧈​ꦏꦁ​ꦩꦁ​ꦏꦺꦴꦤꦺꦴ​ꦩꦲꦸ​ꦧꦺꦴꦏ꧀ꦩꦤꦮ​ꦏꦒꦮ​ꦱꦏ​ꦕꦼꦝꦏ꧀ꦲꦶꦁ​ꦫꦠꦸ꧈​ꦭꦤ꧀ꦏꦗꦧ​ꦲꦔꦏꦺꦴꦤ꧀ꦤꦶ​ꦠꦸꦫꦸꦤ꧀ꦤꦶꦁ​ꦥꦿꦗꦸꦫꦶꦠ꧀꧈​ꦧꦺꦴꦏ꧀ꦩꦤꦮ​ꦲꦸꦒ​ꦱꦏ​ꦭꦸꦮꦶꦃ​ꦏꦸꦭꦶꦤ​ꦱꦱꦿꦮꦸꦁ​ꦔꦤ꧀ꦤꦺ​ꦏꦫꦺꦴ​ꦧꦺꦴꦁ​ꦱ​ꦮꦭꦺꦴꦤ꧀ꦢ꧈​ꦱꦶꦁ​ꦱꦺꦗꦺ​ꦝꦺꦮꦺ​ꦔꦺꦴꦤꦺꦴ​ꦱꦺꦴꦭꦃ​ꦠꦤ꧀ꦢꦁ​ꦔꦺ​ꦮꦺꦴꦁ​ꦩꦓꦼꦭꦁ​꧈​ꦏꦸꦮꦶ​ꦱꦗꦏ꧀ꦏꦺ​ꦏꦛꦶꦏ꧀꧇​ꦥꦿꦱꦗ꧈​ꦧꦫꦺꦱ꧀ꦠꦸꦂ​ꦔꦪꦁ​ꦧꦠꦶꦤ꧀꧉​

꧋ꦓꦫꦺꦁ​꧇​ꦏꦛꦶꦏ꧀ꦧꦚ꧀ꦗꦸꦂ​ꦔꦊꦩ꧀ꦝꦁ​ꦏꦤꦺ​ꦝꦺꦮꦺ꧉​