Page:Kajawen 52 1927-12-29.pdf/9

꧋ꦒꦗꦃ​ꦭꦤ꧀ꦔꦏꦭ꧀ꦧꦸꦢꦶ꧉​

꧄ꦩꦼꦩꦺꦔꦼꦠ꧀ꦩꦿꦶꦁ​ꦥꦿ​ꦠꦫꦸꦤ​꧈​ꦩꦿꦶꦃ​ꦲꦸꦤꦶꦁ​ꦫꦶꦁ​ꦔꦏꦭ꧀ꦧꦸꦢꦶ​꧈​ꦩꦼꦁ​ꦒꦃ​ꦲꦶꦁ​ꦏꦪꦼꦏ꧀ꦠꦺꦤ꧀ꦤꦶꦫ​꧈​ꦗꦤ꧀ꦩ​ꦏꦁ​ꦱꦶꦥꦠ꧀ꦭꦶꦤꦸꦮꦶꦃ​꧈​ꦤꦢꦾꦤ꧀ꦩꦸꦁ​ꦱꦂꦮ​ꦫꦶꦁ​ꦏꦶꦃ​꧈​ꦏꦠꦺꦴꦤ꧀ꦲꦶꦁ​ꦏꦲꦤꦤ꧀ꦤꦶꦥꦸꦤ꧀꧈​ꦤꦔꦶꦁ​ꦢꦂꦧꦺ​ꦏꦮꦱ​꧈​ꦔ꧀ꦭꦸꦮꦶꦃꦲꦶ​ꦱꦩꦺꦁ​ꦢꦸꦩꦢꦶ​꧈​ꦏꦁ​ꦮꦶꦢꦒ꧀ꦢ​ꦔ꧀ꦭꦸꦭꦸꦃ​ꦲꦶꦱꦶꦤꦶꦁ​ꦧꦮꦤ​꧉​

꧄ꦏꦢꦾ​ꦏꦁ​ꦲꦫꦤ꧀ꦏꦮꦱ​꧈​ꦱꦠꦺꦴ​ꦱꦠꦺꦴ​ꦲꦶꦁ​ꦮꦤꦢꦿꦶ​꧈​ꦏꦁ​ꦩꦶꦱꦺꦱ​ꦥꦶꦤ꧀ꦝ​ꦫꦗ​꧈​ꦔꦿꦠꦺꦴꦤ꧀ꦤꦶ​ꦱꦠꦺꦴ​ꦱꦏꦭꦶꦂ​꧈​ꦪꦺꦤ꧀ꦒꦭꦏ꧀ꦱꦶꦩ​ꦪꦼꦏ꧀ꦠꦶ​꧈​ꦏꦶꦤꦼꦏꦼꦱ꧀ꦱꦤ꧀ꦱꦠꦿꦸ​ꦩꦸꦁ​ꦱꦸꦃ​꧈​ꦪꦺꦤ꧀ꦏꦁ​ꦒꦒꦃ​ꦥꦿꦏꦺꦴꦱ​꧈​ꦭꦶꦩꦤ꧀ꦠꦤ꧀ꦲꦤ​ꦩꦝꦤ꧀ꦤꦶ​꧈​ꦥꦫꦤ꧀ꦢꦺꦤꦺ​ꦩꦏ꧀ꦱ​ꦏꦮꦶꦱꦺꦱꦺꦁ​ꦗꦤ꧀ꦩ​꧉​

꧄ꦏꦮꦱꦤꦶꦁ​ꦧꦸꦢꦶꦢꦪ​꧈​ꦏꦁ​ꦏꦶꦤꦤ꧀ꦛꦺꦤ꧀ꦔꦏꦭ꧀ꦧꦸꦢꦶ​꧈​ꦠꦤ꧀ꦭꦾꦤ꧀ꦩꦸꦁ​ꦲꦤꦺꦁ​ꦩꦤꦸꦁ​ꦱ​꧈​ꦮꦼꦤꦁ​ꦩꦶꦱꦺꦱ​ꦱꦱꦩꦶ​꧈​ꦧꦁ​ꦱꦤꦶꦁ​ꦏꦁ​ꦏꦸꦩꦼꦭꦶꦥ꧀꧈​ꦪꦼꦏ꧀ꦠꦶ​ꦏꦱꦺꦴꦂ​ꦢꦪꦤꦶꦥꦸꦤ꧀꧈​ꦪꦺꦏꦸ​ꦲꦸꦥꦩ​ꦒꦗꦃ​꧈​ꦏꦁ​ꦮꦸꦱ꧀ꦏꦭꦺꦴꦏ​ꦔꦗꦿꦶꦃꦲꦶ​꧈​ꦩꦸꦁ​ꦭꦶꦤꦸꦭꦸꦃ​ꦏꦢꦶ​ꦔꦼꦭꦸꦏ꧀ꦭꦸꦁ​ꦏꦠꦺꦭ​꧉​

꧄ꦤꦢꦾꦤ꧀ꦲꦸꦕꦥ꧀ꦥꦺ​ꦲꦶꦁ​ꦏꦶꦤ​꧈​ꦠꦸꦩꦿꦥ꧀ꦥꦺ​ꦲꦶꦁ​ꦧꦺꦴꦁ​ꦱ​ꦗꦮꦶ​꧈​ꦮꦸꦱ꧀ꦮꦶꦮꦶꦠ꧀ꦢꦸꦏ꧀ꦗꦩꦤ꧀ꦥꦸꦂꦮ​꧈​ꦏꦺꦴꦁ​ꦱꦶ​ꦠꦸꦩꦼꦏꦺꦁ​ꦱꦩꦁ​ꦏꦶꦤ꧀꧈​ꦢꦶꦥꦺꦴꦁ​ꦒ​ꦲꦶꦏꦸ​ꦪꦼꦏ꧀ꦠꦶ​꧈​ꦏꦱꦺꦴꦂ​ꦢꦺꦤꦶꦁ​ꦱꦿꦠꦶꦤꦶꦥꦸꦤ꧀꧈​ꦩꦭꦃ​ꦠꦸꦩꦿꦥ꧀ꦥꦶꦁ​ꦱꦧꦿꦁ​꧈​ꦭꦶꦩꦤ꧀ꦩꦸꦁ​ꦲꦶꦔꦁ​ꦒꦼꦥ꧀ꦩꦸꦤ꧀ꦝꦶꦁ​꧈​ꦥꦤ꧀ꦥꦶꦤꦂꦢꦶ​ꦢꦢꦾ​ꦫꦺꦴꦁ​ꦮꦁ​ꦤꦩ꧀ꦧꦸꦠ꧀ꦏꦂꦪ​꧉​

꧄ꦲꦤꦔꦶꦁ​ꦏꦁ​ꦢꦺꦫꦺꦁ​ꦮꦶꦏꦤ꧀꧈​ꦒꦸꦩꦸꦤ꧀ꦤꦺ​ꦏꦥꦠꦶ​ꦥꦠꦶ​꧈​ꦲꦮꦶꦠ꧀ꦔꦠꦱꦶꦁ​ꦩꦤꦸꦱ​꧈​ꦲꦶꦁ​ꦏꦁ​ꦲꦩꦸꦁ​ꦕꦶꦭꦶꦏ꧀ꦩꦼꦤ꧀ꦛꦶꦏ꧀꧈​ꦏꦮꦱ​ꦲꦔꦼꦫꦺꦃꦲꦶ​꧈​ꦩꦿꦶꦁ​ꦏꦺꦮꦤ꧀ꦏꦁ​ꦲꦒꦸꦁ​ꦭꦸꦲꦸꦂ​꧈​ꦢꦺꦤꦺ​ꦠ​ꦚꦠꦤꦶꦫ​꧈​ꦠꦤ꧀ꦭꦾꦤ꧀ꦩꦸꦁ​ꦱꦶꦁ​ꦔꦏꦭ꧀ꦧꦸꦢꦶ​꧈​ꦲꦶꦁ​ꦏꦁ​ꦔꦿꦶꦁ​ꦏꦼꦱ꧀ꦏꦫꦺꦴꦱꦤ꧀ꦤꦺ​ꦏꦁ​ꦏꦮꦱ​꧉​

꧄ꦱꦪ​ꦢꦲꦠ꧀ꦩꦮꦺꦃ​ꦲꦺꦧꦠ꧀꧈​ꦠꦸꦩꦿꦥ꧀ꦥꦶꦁ​ꦒꦗꦃ​ꦏꦸꦩꦶꦝꦶ​꧈​ꦢꦺꦤꦺ​ꦧꦁ​ꦏꦶꦠ꧀ꦲꦩꦼꦩꦝ​꧈​ꦱꦠꦶꦤ꧀ꦢꦏ꧀ꦠꦤ꧀ꦢꦸꦏ꧀ꦏꦶꦁ​ꦗꦤ꧀ꦩꦶ​꧈​ꦲꦶꦁ​ꦏꦁ​ꦩꦁ​ꦏꦺꦴꦤꦺꦴ​ꦪꦼꦏ꧀ꦠꦶ​꧈​ꦩꦸꦁ​ꦠꦤ꧀ꦱꦃ​ꦩꦮꦺꦃ​ꦥꦔꦸꦁ​ꦔꦸꦤ꧀꧈​ꦭꦤ꧀ꦲꦶꦏꦸ​ꦢꦠꦤ꧀ꦭꦺꦴꦁ​ꦏ​꧈​ꦥꦤ꧀ꦠꦼꦱ꧀ꦲꦶꦔꦫꦤ꧀ꦭꦶꦤꦸꦮꦶꦃ​꧈​ꦩꦸꦩꦸꦚ꧀ꦗꦸꦭ꧀ꦭꦶ​ꦲꦶꦁ​ꦭꦾꦤ꧀ꦲꦶꦁ​ꦥꦔꦼꦫꦺꦃꦲꦶꦫ​꧉​

꧄ꦏꦢꦶ​ꦠ​ꦲꦶꦁ​ꦏꦁ​ꦏꦕꦼꦛ​꧈​ꦲꦤꦺꦁ​ꦒꦩ꧀ꦧꦂ​ꦏꦁ​ꦱꦸꦩꦤ꧀ꦝꦶꦁ​꧈​ꦢꦶꦥꦺꦴꦁ​ꦒ​ꦲꦶꦔꦗꦂ​ꦊꦁ​ꦒꦃ​꧈​ꦏꦁ​ꦥꦶꦤꦿꦶꦃ​ꦱꦶꦤꦲꦸ​ꦤꦸꦭꦶ​꧈​ꦤꦧꦸꦃ​ꦥꦶꦪꦤꦺꦴ​ꦲꦩꦿꦶꦃ​꧈​ꦩꦮꦺꦃ​ꦱꦸꦏꦤꦶꦫꦺꦁ​ꦏꦭ꧀ꦧꦸ​꧈​ꦥꦠꦿꦥ꧀ꦲꦶꦁ​ꦏꦁ​ꦩꦁ​ꦏꦤ​꧈​ꦠꦸꦩꦿꦥ꧀ꦒꦗꦃ​ꦏꦁ​ꦔ꧀ꦭꦏꦺꦴꦤ꧀ꦤꦶ​꧈​ꦲꦫꦤ꧀ꦠꦼꦠꦼꦥ꧀ꦏꦱꦺꦴꦂꦫꦤ꧀ꦢꦪ​ꦥꦿꦧꦮ​꧉​

꧄ꦩꦺꦴꦁ​ꦏ​ꦏꦭꦩꦸꦤ꧀ꦱꦶꦤꦮꦁ​꧈​ꦲꦒꦸꦁ​ꦭꦸꦲꦸꦂꦫꦺ​ꦠꦶꦤꦤ꧀ꦝꦶꦁ​꧈​ꦭꦤ꧀ꦗꦤ꧀ꦩ​ꦲꦶꦁ​ꦱꦤ꧀ꦝꦶꦁ​ꦔꦶꦫ​꧈​ꦠꦤ꧀ꦥꦶꦱꦤ꧀ꦗꦤ꧀ꦩ​ꦩꦝꦤ꧀ꦤꦶ​꧈​ꦩꦸꦁ​ꦩꦶꦫꦶꦧ꧀ꦱꦶꦏꦶꦭ꧀ꦱꦶꦗꦶ​꧈​ꦥꦶꦤꦶꦢꦏ꧀ꦏ​ꦧꦲꦺ​ꦉꦩꦸꦏ꧀꧈​ꦤꦔꦶꦁ​ꦮꦤ꧀ꦠꦸꦤꦶꦁ​ꦗꦤ꧀ꦩ​꧈​ꦱꦶꦤꦸꦁ​ꦲꦏꦭ꧀ꦧꦸꦢꦶ​ꦩꦶꦤ꧀ꦠꦶꦂ​꧈​ꦏꦫꦺꦴꦱꦤ꧀ꦤꦶꦁ​ꦢꦶꦥꦺꦴꦁ​ꦒ