पराक्रमी नाविक दल आशिल्लें. ताणें अरब आरमाराक नाका पुरो करून धावडावन घालो. ताच्यो उपरांत विस वर्सानी सुमार इ.स. 776 च्या अदमासाक अरबांनी बरदा प्रांताचेर परतून आरमारी हल्लो केलो. पूण हेय खेपे सैंधव राजान तांका हारायले. अग्गुकानच तांका हारायले.
राणक (पयलो): हो अग्गुकाचो पूत. अग्गुकाफाटल्यान राणाक (पयलो) गादयेर बसलो. ताणें इ.स. च्या णवव्या शेंकड्यांच्या पुर्वर्धांत राज्य केलें. हाचे कारकिर्दींत प्रतिहार वंशातलो राजा दुसरो नागभट्ट हाणें सैराष्ट्राचेर घुरी घालून ताचो पराभव केलो. रणकाक दोन राणयो आसून, तांका कृष्णराज (दुसरो) आनी जैक (पयलो) अशे दोन पूत आशिल्ले.
कृष्णराजा (दुसरो): राणकाफाटल्यान ताचो पूत कृष्णराज हो सैंधवांचे गादयेर बसलो. तो राज्याचेर येतपासून सैंधव आनी वर्धमानपुराच्या चाप घराण्यांतलो राजमुखेली विक्रमार्क हांचें सदांच झूज चालू आशिल्लें. पूण कृष्मराजान ताका योग्यरितीन तोंड दिवन पर्वत प्रातांतल्या लोकांक सुखी केले असो उल्लेख मेळटा. पूण अल्प वयांतच ताक मरण आयलें.
अग्गुक (दुसरो): हो दुसरो कृष्णराजाचो पूत बापायफाटल्यान गादयेर बसलो. पूण पिरायेन ल्हान आशिल्ल्यान ताचो सवती चुलतो जैक (पयलो) हो राप्रतिनिधी म्हूण राज्याकारभार पळोवंक लागलो. पूण फुडें आपल्या पुतणयाक कुशीक काडून ताणें आपल्या नांवाचेर राज्य कारभार चालू केलो.
जैक(पयलो): हाणें वर्धमानपूरच्या चाप घराण्यांतल्या राजाचेर व्हड जैत मेळयलें. हाका चामुंडराजा आनी अग्गुक (तिसरो) अशे दोन चले आशिल्ले चामुंडराय: पयल्या जैकाउपरांत चामुंडराय गादयेर बसलो. पूण ताचें विशीं चडशीं म्हायती मेळना.
अग्गुक (तिसरो): चामुंडरायाउपरांत ताचो भाव अग्गुक (तिसरो) हो गादयेर बसलो. ताका राणक नांवाचो चलो आशिल्लो. अग्गुकान बरोच काळ राज्य करतकच आपल्या पुताक गादयेर बसयलो. हाका लागून राज्याचो खरो वारस ताचो पुतणयो- अग्गुक (चवथो) हाका कुशीक दवरलो.
राणक (दुसरो): इ.स. 874 च्या अदमासाक हो बापायच्या फाटल्यान गादयेर बसलो. ताचो पूत जैक हाका युवराजपदाचो अधिकार दिल्लो. पूण राणका उपरांत चामुंडरायाचो पूत अग्गुक (चवथो) हो गादयेर बसलो.
अग्गुक (चवथो): दुसऱ्या रणकाउपरांत ताचो बापोलभाव चवथो अग्गुक गादयेर बसलो.
जैक (दुसरो): चवथ्या अग्गुकाउपरांत ताचो पूत दुसरो जैक हो गादयेर बसलो.ताणें स्वताक महासामंताधिपती अशी पदवी घेतली. ताची कारकीर्द इ.स. 904 सावन 915 मेरेन जाली. सैंधव राजघराण्यातलो ज्ञात असो हो निमाणचो राजा.
इ.स.च्या धाव्याशेंकड्यांत जैक(दुसरो) हाचे फाटल्यान आयिल्ल्या आभीर घराण्यांतल्या गृहरिपू हाणें सैंधवांचो उच्छेद केलो आसुंये असो उल्लेख मेळटा.
सैल, महाबळेश्वर दत्ताः (जल्मः 4 ऑगस्ट 1943 माजाळी कारवार).
नामनेचो कोंकणी साहित्यीक. ताच्या बापायचें नांव दत्ता आनी आवयचें नांव महालक्ष्मी. ताचें सातवी मेरेन शिक्षण कन्नड
माध्यमातल्यान माजाळच्या सानमुडगेरी शाळेंत जाले पिरायेच्या 17व्या वर्सा म्हळ्यार 31- 9161त तो भारतीय लश्करांत भरती जालो. थंय आसतना गोंय मुक्ती संग्रामानिमतान जाल्लो भारतीय लश्करी कारवायेंत ताणें वांटो घेचलो. 1963-64 वर्सा संयुक्त राष्ट्रसंघाच्या आपत्कालीक सैनीक दळांत शांती सैनीक म्हूण इजीप्त- इज्रायल शिमेचेर तो वावूरलो.1965 वर्सा भारत पाक झुजावेळार पंजाबाच्या हुसेनवाला सेक्टरांत ताणें सक्रिय वांटो घेतलो.
सात वर्सा सैन्यांत काडल्या उपरांत आपखोशयेची निवृत्त स्विकारून 1968 वर्सा तो गोंयांत आयलो. त्या वर्सा वाळपयच्या पोलास ट्रेनींग स्कुलांत ड्रील इन्सपेक्टर म्हूण सेवेंत रूजू जालो. थंय अडेज वर्सा काम केले उपरांत 1970 वर्सा तो पणचे टेलेग्राफिस्ट म्हूण पोस्ट खात्याचे सेवेंत आयलो. उपरांत साश्टी. तिसवाडी, सांगें, काणकोण अशे गोंयांत तशेंच गोंयाभायर पुणें हांगाय ताणें काम केलां. सद्या तो चावडी काणकोण हांगा पोस्ट ऑफिसांत वरिश्ट पोस्ट मास्तर म्हूण हुद्दो सांबाळटा.
1972 वर्सा पुण्यांत बदली जावन गेल्लो. त्या वेळार मराठा पपर्स हे संस्थेच्या ' नवयूग' ह्या आचार्य अत्रे स्मृती दिवाळी अंकांत ताणें आपल्या मराठींतल्यान 'कोंडमार' ही पयली वयली कथा उजवाडायली. ही ताच्या साहित्यीक जीणेची सुरवात थारली. फुडाराक ताणें सातत्यान साहित्य निर्मिती केली. ताचे साहित्य म्हळ्यार कथा झेले ' पलतडचें तारू' (1989) आनी ' तंरंगा ' (1991). कादंबऱ्यो ' काळी गंगा ' (1997) ' अदृश्ट आनी अरण्यकांड ' (1998), ह्यो दोन वेगळ्यो कादंबऱ्यो अक संच. ते भायर ' काळभोंवरो ' ही एक पुराय बरोवन तयार जाल्ली कादंबरी खिस्ती- खिस्तिन, सुनापरान्त, राष्ट्रमत ह्या दिसाळ्यानी उजवाडाक आयल्या.
साहित्यीक जिणेच्या सुरवेच्या काळांत ताणें मराठी बरप केलें. तातूंत हौशी रंगभूयेर चलपासारकीं चार वेगवेगळीं ताचीं
