वांकड्यो तिकड्यो बड्यो घेवन एक बारीक वस्तू घेवन खेळटात तें दाखयलां खूब शेंकडे मेरेन ह्या खेळाचेर फकत दादल्यांचोच शेक आसलो उप=रांत १८८९ त ऑल इंग्लंड वुमन्स हॉकी असोसियनाची स्थापणूक केली १९०८त पयली खेप दादल्यांच्या हॉकी खळाचो आस्पाव ऑलिंपीक खेळांत केलो जाल्यार बायलांच्या हॉकी खेळाचो ऑलिंपीक खेळांत १९८०त आस्पाव केलो 'इंटरनॅशनल हॉकी रुल्स बोर्ड' ही संस्था हॉकी खेळाचे सगळे सगळे नेम थारायता
हॉकीचो दर एक खेळगडो एका खाशेल्या आकाराची बडी घेवन खेळटा हे बडयेक हॉकी स्टीक अशें म्हण्टात हे बडयेचें फुडलें तोंक वाटकुळें आसून तें दावे वटेन सपाट जाल्यार उजवे वटेन वाटकुळें आसता बॉल मारपाखातीर बडयेचो फकत सपाट भागूच वापरतात चडशे खेळगडे ८६ ते ९४ सेमी लांबायेची हॉकी स्टीक वापरतात बॉल धव्या रंगचो आसून ताचो परिघ २३ सेमी जाल्यार वज्न १६० ग्रॅम असता ह्या बॉलाचे भितल्ले वटेन रबर वा कॉर्क आसता आनी भायल्यान घट्ट पॉलियुरेथीनचें कवर आसता
हॉकी खेळ दोन भागांनि विभागिल्लो आसून दर एक भाग ३५ मीटरांचो आसता मध्यांतरा वेळार पंगड आपलो बाजू बदलता दर एका पंगडाचे इकरा खेळगडे आसून सादारणपणान तांच्यातले पांच फुडें तीन मदीं दोन फांटी आनी एकलो गोलकिपर आसता ह्या खेळाखातीर दोन पंच आसतात स्ट्रायकींग सर्कलांतल्यान बॉल गोलांत मारल्यारच आनी बॉल गोललायनीक तेंकल्यारच गोल जात जो पंगड चड गोल मारता तो जैतिवंत थारता
हॉकी खेळ पासबॅक करतकच सुरु जाता खेळ सुरु करपाक संद मेळपी पंगडाचो एक खेळगडो मध्यभागाचेर दवररिल्लो बॉल हॉकी स्टिकान आपल्याच पंगडांतल्या दुस-या खेळगड्याकडेन धुकलता बॅकपास करतना बॉल सेंट्रल लायनीफुडें वचपाक जायना तशेंच खेळ सुरु करतना विरोधी पंगडाचे खेळगडे बॉलासावन ४ ५ मीटर पयस रावपाक जाय तशेंच खेळ सुरु करता आसतना दोनूय पंगडाचे खेळगडे आपाआपल्या अर्दांत आसपाक जाय ह्या खेळाच्या नेमाप्रमाण बॉल खेळगड्याच्या खंयच्याच भागाक लागपाक जायना तशेंच धोकादायक पद्दतिनय बॉल मारपाक जायना खेळ्गड्यान आपली हॉकीस्टीक आपल्या भुजावयर उखलपाक जायना गोलकिपर बॉल आपले स्टीकीन पायांनी हातांनी वा हेर खंयच्याय भागान फकत स्ट्राकींग सर्कलांत रावन आडोवपाक शकता भारतांत १८८० त ब्रिटीश कामगारांनी हॉकी खेळ खेळपाक सुरवात केली सुरवेक ते आदले पद्दतिच्योच हॉकीस्टिकी आनी बॉल घेवन खेळटाले १८८५ त कलकत्ता शारांत पयल्या हॉकी क्लबाची स्थापना जालीउपरांत थंयच्यान भारताच्या हेर भागांनीय हो खेळ लोकप्रिय जालो बॅगटॉन कप आनी आगाखान टूर्नामॅंट ह्यो हांगाच्यो मुखेल हॉकी सर्ती १९२५त गॉलीयर शारांत भारतीय हॉकी फॅडरेशनाची स्थापना जाली १९२८त ऍमस्टरडॅम शारांत जाल्ले ऑलिंपीक सर्तींत हॉकी खेळांत भारतान पयलेखेप वांटो घेतलो ते सर्तींतल्यो सगळ्यो मॅची जिकून भारतान भांगरापदक मेळयलें ऑलिंपीक सर्तींत भारतान परतून १९४८ १९५२ १९५६ १९६४ आनी १९८०त भांगरा पदक मेळयलें पूण भारतान १९७५ त संवसारीक वस्तादपण फकत एकदाच मेळयलाम भारताखेरीज हॉकी खेळ पाकीस्तान ब्रिटन आर्जेंटिना ऑस्ट्रेलिया कोरिया न्युझीलंड हॉलंड जर्मनी मलेशींया पोलंड स्पेन चीन ह्या देशांनीय चड लोकप्रिय आसा
-कों वि सं मं
हिंग : ( पळेयात परिशिश्ट)
हिंदी भास आनी साहित्य : उत्तर प्रदेश मध्य प्रदेश बिहार दिल्ली हरियाणा राजस्थान पंजाबाचो थोडो भाग आनी हिमाचल प्रदेश मेळून हिंदी क्षेत्र म्हणटात हांचे वांगडाच पंजाब महाराष्ट्र गुजरात बंगाल आनी गोंयांत तिचो संपर्क भाशेच्या रुपांत प्रयोग जाता
हिंदी भास भारतीय आर्य भास कुळयेची मुखेल भास आसा आनी तिचो विकास धाव्या शेंकड्यांत 'खडी बोली' कडल्यान जालो संस्कृत भाशेकडल्यान ती उदभवल्या हिंदी भाशेच्या उदभव आनी विकासाक सकयल दिल्ल्या काल=खंडांत विभाजित केला १ संस्कृत -ख्रिस्ता आदीं १९०० ते खिस्ता आदीं ५०० मेरेन, २पाली-क्रिस्ता आदीं ९०० ते पयल्या शेंकड्या मेरेन ३ प्रकृत- पयलो शेंकडो ते ९०० मेरेन ४ अपभ्रंश ९०० ते १००० शेंकड्या मेरेन
ख्रिस्ताच्या १००० व्या शेंकड्या मेरेन पावता पावता म्ह्ळ्यार पुराय भारत देशांत अपभ्रंश भाशेचीं खूब रुपां प्रचलित आशिल्लीं शौरसेनी पैशाची महाराष्ट्रीन मागधी ब्राचड अर्धमागधी आदी अपभ्रंश भाशेच्या ह्या रुपांक लागूनच आधुनिक भारतीय भासो विकसीत जाल्यो हिंदी पंजाबी उर्दू काश्मीरी सिंधी गुजराती मराठी बंगाली उडिया आनी असमिया ह्यो भासो अपभ्रंश भाशेंतल्यानच विकसित जाल्यात अपभ्रंश भासप पाली प्राकृत भाशेंतल्यान आयल्यात ह्या सगळ्या भासां भितर संस्कृत भशेचे शब्द खूब प्रमाणांत मेळटात इतलेंच न्हय तर संस्कृत व्याकरणांचे नेम तांकां समान रुपांत लागू जातात
हिंदी भाशेचो उदभव १०व्या शेंकड्यांत अपभ्रंश भाशेंतल्यान शौरसेनी अर्धमागधी आनी मागधी रुपांतल्यान जाला चडकरून मेरढ दिल्लीच्या लागसारची ती 'खडी बोली' आशिल्ली तिचो हजार वर्सांचो इतिहास डॉ भोलानाथ तिवारी तीन भागांनी वांट्टा-
