जायनात जावपाचें कारण मेळना.हाका अकारणीक वांझपण(Idiopathic Infertility)अशें म्हण्टात.अशा पेशंताक एक निमाणो उपाय म्हणून ही पद्दत वापरतात.
ही पद्दत वापरचे आदीं त्या जोडप्याक कांय तपास करुन घेवंचे पडटात,ते अशे-१)धातूचो तपास(sperm analysis).२)क्ष-किरण वापरुन बायलेच्या आंगांतली अंडवाहिनी बंद आसत जाल्यार पळोवप.३)दुर्बिण वापरुन बायलेच्या आंगांतली अवयवांची परिक्षा करप. (Laproscopy).
हो उपाय करचे आदीं ही पद्दत वापरुन भुरगीं जातलींच अशें खात्रीन कोणाकच सांगपाक येना.जे बायलेचेर हो उपाय करपाचो आसता तिका Ultrasonography ह्या तंत्राचो वापर करुन तपासचें पडटा.ह्या यंत्रावरवीं ते बायलेच्या पोटांतले सगळे अवयव दिश्टी पडटात.तातूंत जे अंडकोश (ovary)आसतात तांची पळोवणी करुन तातूंतल्यान जे रजोगोल(follicle)आसता तांचो विकास जावन तांचीं अंडीं(ovum)तयार जातात काय ना हें कळटा.
म्हयन्याची पाळी येवन वतकच सुमार १४ दिसांनी हें अंडें तयार जाता.जर तें सैमीक पद्दतीन तयार जालेंना जाल्यार ते बायलेक clomipheneनांवाचे एक वखद दिवन तांची वाड घडोवन हाडटात.अशीं वखदां जेन्ना दितात तेन्ना एकाच वेळार खूब रजोगोल तयार जातात आनी दरेकांतल्यान एक अंडें तयार जाता.हाचे भायर Human chorionic Gonadotrophin (HCG)Human Menopausal Gonadotrophin(HMG)हीं वखदा दिवन लेगीत खूब अंडीं तायर करपाक येतात.
Ultrsonography ह्या यंत्राचो वापर करुन त्या अंड्याचो आकार मेजपाक येता.जेन्ना एक अंडें १८ ते २० मि मी इतकें व्हड जाता,तेन्ना Laproscopy करुन पोटांत दुर्बीण घालून अंडकोशांतलें उदक अंड्यासकट ओडून भायर काडटात आनी एका टॅस्ट ट्युबांत घालून तातूंत Culture Medicu नांवाचो एक पदार्थ घालतात.ताका लागून त्या अंड्यांचो विकास जाता आनी तीं परिपक्क जातात. सुक्ष्मदर्शक यंत्रान त्या अंड्यांचें निरिक्षण करतात.तेचवांगडा दादल्याकडल्यान रेत(Semen)मेळोवन तो Phosphate buffer ह्या पदार्थांत घलतात आनी केंद्रोत्सरित्र (Centrifuge)करतात.उपरांत ती त्या टॅस्ट ट्युबांत घालतात.
टॅस्ट ट्युबांत अंडें आनी रेत (Semen)आशिल्ल्यान शुक्रजंतूची एकी जाता.२४ वरां उपरांत तें अंडें सुक्ष्मदर्शकान पळयल्यार ताची विभागणी जातना दिसता.त्या अंड्याची एका पेशीपसून दोन,दोनांच्यो चार आनी चारांच्यो आठ पेशी अशी विभागणी जाता.जेन्ना आठ पेशी आशिल्लें अंडे(8 celled stage)तयार जाता तेन्ना तें परत काडून बायलेच्या गर्भाशयांत दवरतात.
इतले त्रास घेवन तयार जाल्ले हें भुरगें गर्भपात जावन फुकट वचचें न्हय देखून जतनाय घेवंची पडटा.ती अशी-१)ते बायलेक न्हिदोवन दवरप २)गर्भाशय सुस्त करपाचीं वखदां दिवप(Uterine relaxants) ३)गर्भाश्यांत भुरगें वाडचें देखून Progesterone हीं वखदां दिवप ४)गर्भ वाडटा काय ना हें ultrasound वापरुन पळोवप,वा मुताची तपासणी करुन HCG ह्या हॉरमोनाची तपासणी करप वा रगतांतल्या हॉरमोनाची तपासणी करप.
ही पद्दत यशस्वी जाली जाल्यार गर्भ वाडून ताचें भुरगें कशें जाता हें ultrasound वापरून पळोवंक मेळटा. -डॉ.विजय तळावलीकार
टांकणखार:(Borax)एक खनीज.ताचें सुत्र(formula)अशें Na B O H O .ताचें नांव 'सोडीयम टॅट्राबोरोट डेकाहायड्रेट (Sodium tetraborate decahydrate).तो कंवचेवरी चकचकीत आसून रंगान धवोफुल्ल आसता आनी ताची रुच गोडसार आसता.टांकणखार हें नांव संस्कृतांतल्या टंकण शब्दावयल्यान घेतलां.इंग्लीश नांव बोरॅक्स हें 'बराक'ह्या अरबी शब्दावयल्यान घेतलां.बराक म्हळ्यार चकचकप.
चार हजार वर्सां आदीं बॅबिलोनियन लोक भांगराच्या कामांत तिबेटांतल्यान हाडिल्लो टांकणखार वापरताले.पुर्विल्ल्या काळांत,इजिप्ती लोक मडीं बाळगून दवरपाखातीर टांकणखार वापरतले.चीनी आनी अरब लोकय टांकणखाराचो ओपेग करताले.सुश्रुतसंहिता ह्या वैजकी पुस्तकांत टांकणखाराचो उल्लेख मेळटा.तेराव्या शतमानांत मार्को पोलो हाणें युरोपांत टांकणखार पावयल्लो.
'टिंकॅल'(Tincal)ह्या खनिजांत ५५%टांकणखार आसता.टिंकॅलाचे साठें तिबेट,श्रीलंका आनी कॅलिफोर्नियाच्या सुकून पडिल्ल्या तळ्यांनी आसतात.इटली,अमेरिका,चिली,पेरू,कॅनडा,चीन,जर्मनी,सिरिया,तुर्कस्तान,रशिया ह्या देशांनी टांकणखार मेळसारके खनिजाचे ल्हान-व्हड सांठे आसात.हे सांठे वापरून थोड्या प्रमाणांत टांकणखाराचें उत्पादन जाल्लें आसा.भारतांतल्या काश्मिरांत टांकणखाराचे सांठे आसात.राजस्थानाच्या सांबर तळ्याच्या उदकांत ०.५ प्रमाणांत टांकणखार आसा.जाल्यार काठेवाडांतल्या लिमडीचे मातयेंत टांकणखार मेळटा.
आदल्या काळांत भारतांत टांकणखार नितळ करुन निर्गत करपाचो उद्देग जातालो.हालीं तेंपार अमेरिका संवसारभर टांकणखार पावयता.कोलमनायट(colemanite),टिकॅल आनी कर्नयट(kernite)ह्या खनिजांपासून टांकणखार तयार करूंक मेळटा.पूण तो चडसो कर्नायट ह्या खनिजापसुनूच तयार करतात.खाणींतल्यान टांकणखाराचें खनिज काडून तचो पिठो करतात.B O बोरॉन ट्रायोक्साईड(Boron Trioxide)चें खरखरीत प्रमाण आशिल्ला खनिजांचे पिठे भरसून B Oचें जाय तितलेंच प्रमाण आशिल्ली भरसण उदकांत घोळयतात.हें उदक तापयतकच टांकणखार आनी हेर रसायनां विरतात.जाल्यार फातर आनी माती तशीच उरता ती गाळून काडटात.टांकणखार आनी हेर रसायनां विरगळिल्लें खदूळ उदक आटयतकच खदूळसाण हाडपी गाळ पोंदाक बसता तो गाळून वेगळो केलो म्हण्टकच टांकणखार घोळिल्लें नितळ उदक मेळटा.हातूंतल्यान उपरांत टांकणखाराचे स्फटीक(crystals)मेळटात आनी ते नितळ करतात.
सर्ल तळयेच्या उदकांत आशिल्लो टांकणखार काडपाच्यो दोन पद्दती आसात त्यो अशो-उदक आटोवपाची पद्दत आनी कार्बोनेशन पद्दत.उदक आटोवपाचे पद्दतींत(crystalization)तळयेचें फावो तितलें टांकणखार आशिल्लें उदक आटयतकच तातूंत आशिल्लें मीठ,सोडियम सल्फेट,सोडियम कार्बोनेट,स्फटीक जावन वेगळें जाता.उपरंत उरिल्लें उदक आनीक थंड करतकच टांकणखाराचे स्फटीक तयार जातात.
कार्बोनेशन पद्दतींत 'कार्बन डायॉक्सायड'हो वायू उदकांत सोडटकच उदकांत आशिल्लें सोडियम कार्बोनेट,सोडियम बायकार्बोनेट
