Page:Konkani Viswakosh Vol2.pdf/919

चंद्रशेखर प्रसाद (बंगाल; १९७१); मगन सिंग रीझव्ही (राजस्थान, १९७३); गुरुदेवसींग (पंजाब, १९७८); म्रंस्तुम बॅनर्जी (बंगाल, १९७९); महम्मद हबीब (बंगाल, १९८८); सुधीर कर्मस्कर (बंगाल, १९८१) आनी सुब्रटो बॅनर्जी (बंगाल, १९८९).

भारताचो वस्ताद क्लब थारोवपाखातीर १९७६ ह्या वर्सापसून फॅडरेशन करंड सर्त जाता. पयले खेपे मोहन बगानाक एका गोलान हरोवन बेंगळूरच्या आय टी आय पंगडान फॅडरेशन करंड जिखपाचो मान मेळयलो. मोहन बगानान ही सर्त सगळ्यांत चड फावटीं म्हळ्यार स खेपे जिखिल्ली आसा. दोन खेपे ताका संयुक्त वस्तादपण मेळ्ळां. जाल्यार चार खेपे उपवस्तादपण मेळ्ळां. गोंयचो साळगांवकार स्पोर्टस क्लब पांच फावटीं हे सर्तीच्या निंमाण्या भोंवड्यांत (फायनल) पाविल्लो आसा. १९८८ त, १९८९ त आनी १९९७ त ताका हे सर्तींत वस्तादपण फावो जालां. १९८९ त सुरू जाल्ली रोव्हर्स करंड सर्त गोंयच्या धेंपो स्पोर्टस क्लबान १९६७ आनी १९७२ ह्या वर्सा रोव्हर्स सर्तीचे उपवस्तादपण मेळयल्लें आसा.

अख्ख्या संवसारांत फूटबॉल हो लोकांरुचीचो आसा. कितलेशेच देश ह्या खेळांत ह्या खेळांत वांटो घेतात. १९०४ वर्सा अस्तित्वांत आयिल्ली फिफा ही संघटना संवसारांतल्या फूटबॉलाचो कारभार पळयता. १९९६ च्या ऑलिंपिक खेळांत फूटबॉलाचो आस्पाव आशिल्लो. १९९१ सावन दिल्लीक आशियाई (Asian) गेम्स सुरू जाल्ली आनी तातूंतूय फूटबॉलाचो आस्पाव आशिल्लो. तातूंत पयलेच खेप भांगरा पदक मेळोवपाचो मानूय भारताक मेळ्ळो. भारतांतल्या फूटबॉलाचो कारभार अखिल भारतीय फूटबॉल संघटना पळयता.

संवसारीक (वर्ल्ड कप) सर्तींत जैत मेळिल्ले संघ:

वर्स	जैतिवंत संघ	उपजैतिवंत संघ	थळ
१९३०	युरुग्वाय	आर्जेंटिना	माँतविडियो युरुग्वाय
१९३४	इटली	झॅकोस्लोव्हाकिया	रोम, इटली
१९३८	इटली	हंगेरी	पॅरीस, फ्रांस
दुसर्‍या म्हाझुजाक लागून १९४२ आनी १९४६ तल्यो सर्ती जावंक शकल्योनात.
१९५०	युरुग्वाय	ब्राझील	रियु द जानैरु, ब्राझील
१९५४	अस्तंत जर्मनी	हंगेरी	बर्न, स्वित्झर्लंड
१९५८	ब्राझील	स्विडन	स्टॉकहोम, स्विडन
१९६२	ब्राझील	झॅकोस्लोव्हाकिया	सांतियागो, चिली
१९६६	इंग्लंड	अस्तंत जर्मनी	लंडन, इंग्लंड
१९७०	ब्राझील	इटली	मेक्झिको
१९७४	अ. जर्मनी	हॉलंड	म्यूनिक, अ. जर्मनी
१९७८	आर्जेंटिना	हॉलंड	बुएनोस, आयरिस, आर्जेंटिना
१९८२	इटली	अ. जर्मनी	माद्रीद, स्पेन
१९८६	आर्जेंटिना	अ. जर्मनी	मेस्झिको
१९९०	अ. जर्मनी	आर्जेंटिना	रोम, इटली

ऑलिंपीक सर्तींत जैत मेळिल्ले पंगड

वर्स	जैतिवंत पंगड	उप जैतिवंत पंगड
१९००	इंग्लंड	अमेरिका
१९०४	गाल्ट एफ. सी.	ख्रिश्र्चन ब्रदर्स
१९०६	डॅनमार्क	स्मिर्ना
१९०८	ग्रेट ब्रिटन	डॅनमार्क
१९१२	ग्रेट ब्रिटन	डॅनमार्क
१९२०	बेल्जियम	झॅकोस्लोव्हाकिया
१९२४	युरुग्वाय	स्वित्झर्लंड
१९२८	युरुग्वाय	आर्जेंटिना
१९३६	इटली	ऑस्ट्रिया
१९४८	स्विडन	युगोस्लाव्हिया
१९५२	हंगेरी	युगोस्लाव्हिया
१९५६	रशिया	युगोस्लाव्हिया
१९६०	युगोस्लाव्हिया	डॅनमार्क
१९६४	हंगेरी	झॅकोस्लोवाकिया
१९६८	हंगेरी	बुल्गेरिया
१९७२	पोलंड	हंगेरी
१९७६	उ. जर्मनी	पोलंड
१९८०	झॅकोस्लोव्हाकिया	उ. जर्मनी
१९८४	फ्रांस	ब्राझील
१९८८	रशिया	ब्राझील
१९९२	स्पेन	पोलंड

- अजीत मोये

फूल:

अँजिओस्पर्मी (Angiospermae) विभागांतल्या खंयच्याय झाडांमदीं मेळपी एक खाशेली प्रजोत्पादक रचणूक. फूल हें मुखेलपणान प्रजननाखातीर रचिल्लें एक खांदयेचें रूप.

सादारणपणान सगळ्या फुलांचीं वेगवेगळीं आंगां सारकींच आसतात. फूल हें देंठाच्या आदारान खांदयेक जोडिल्लें आसता. खंयचेय खांदयेवरीच फुलाक मदलो कणो आसता. जाका बसका (Thalamus) अशें म्हण्टात. हाचो आकार मातसो फुगीर गुळ्यावरी वा लांबसो आसून ताचेर फुलाचे वेगवेगळे भाग वाटकुळे रचिल्ले (चांफ्यांवरी) वा परत्या शंकूवरी (कमळावरी) रचिल्ले आसतात. चडशा फुलांचे मदल्या कण्याचे कांडे (Internode) चेपटे आसतात. पूण कांय जातींभितर ते लांबोडेय आसूंक शकतात. फुलाची भायली वाटी आनी फुलाचो गोंडो हांच्या मदल्या कांड्याक खूर (Anthophore) म्ह्ण्टात. फुलांगोंडो आनी केंसर (Androcium) हांच्या मदल्या कांड्याक ‘केंसरधारण’ (Androphore) म्ह्ण्टात. तशेंच केंसर आनी किजमंडळ (Gynoecium) हांचेमदल्या कांड्याक किंजधारण (Gynophore) म्हण्टात. फुलाचे हेर भाग कण्याचेर कुंडलींत वा आवर्ती रूपांत वाटकुळे रचिल्ले आसतात.

फुलाचो सगळ्यांत भायलो भाग म्हळ्यार फुलाची वाटी, जी दळांची (Sepals) जाल्ली आसून ती चड करून पाचव्या कोराची आसता. हीं दळां मेकळीं वा जोडिल्लीं आसूं येतात. जोडिल्लीं दळां आसतात तेन्ना तांकां वाटयेचो आकार येता. हे रचणुकेक एकवटीत दळां (Gamosepalous)