ceannghorma croderga ⁊ tucadar dubgona dluithi daingne dofreastail ar a cheli 130 mar sin doibh no gur ardeirigh imgan ⁊ gur crannbrissedh a craiseacha ⁊ gur scailtsed a sceith ⁊ gur lanscarsed a luireacha ⁊ do nochtadar a lanncloidme lasurcorcra leathanḟaebhracha ⁊ dorinnedar urrlamh a n-aithedha ⁊ ro badar isin comrac sin re treimsi ⁊ re hatha ḟada do lo, conadh ann sin fuair Conncrithir aithfas brathbeime a comrac ar chathbharr ⁊ na caemhluirighi do righ na hEspaine 135 co tobhacht a cheann da colann ⁊ do thogaibh Conncrithir an ceann ⁊ do chom- maidh[1] an gnimh ⁊ is eadh adubert: 'Dar mo breithir amh,' ar se 'ni cuirfiur on ceann sa me muna marbtar me no co ti uathad no sochaighi eigin d' ḟianaibh Eirenn cugam.' Do chuala ri in domhain sin ⁊ is eadh adubert: 'Is mor in bri- athar sa dobheir an laech,' ar se '⁊ eirigh da ḟis, a Ghlais mic Dreamain, an e 140 an t-Osgar ardghlonnach adchuala a fianaibh Eirenn dobeir an briathar sa.'
Tainic immoro Glas a tir ⁊ tainic a comghar do Conncrithir: 'A laich,' ar se 'is [fo. 2 b. I.] mor in briathar sin tucais ⁊ caidhi h'ainm ⁊ do ṡloinnedh?' 'Misi Conncrithir mac Brain mic Feabail o Theamuir Luacra' ar se. 'Masa tu,' ar Glas 'is fagus t' ḟuil ⁊ t' fialus dam fen ⁊ is misi Glas mac Dreamain 145o Teamair Luacra' ar se. 'Dob' eccoraidi duit-si teacht do comrac rim-sa ona allmurachaib sin'[2] ar Conncrithir, 'Truagh sin,' ar Glas 'ar ṡedaibh an beatha uili damadh tairisi dhamh Finn ⁊ fiana Eirenn, ní coimreogainn re neach d' feraibh
