Doewâ arè saellana Gulliver napa' ka koṭṭa, ladjhoè dhikanè njabis ka karaton. Dhinèng sè njabissaghi ijâ arèja adjidânna Sang Rato. Gulliver njemma'è sèngangsana kalongghoeânna Sang Rato, ladjhoc njokem njèjom tana, bărǎmma tjarana oreng ngormatè para rato è tana Azijă.
Sang Rato renna pangghalianna, Gulliver èdhika'aghi mandjheng, sarta èparèksa, bârâmma djhalanna abâ'na sè pas napa' dâ' nagharâ djadija. Gulliver ta' lèng-ngalèng, mator akanța nalèkana èparèksa bhandhâr. Robâna Sang Rato hèran mèjarsa tjarètana Gulliver, sarta kasokan pangghaliănna marghǎ sè èpastè atemmo ban orèng sè ella napa' da saantèrona djhâghât. Sang Rato ladjhoe adhaboe da sottong pardjadji karaton, èdhika'aghi maratènè Gulliver. Gulliver èparèngè pondhoeghăn nèng-è sèttong kamar dalem karaton băn pèssè sakantong, pola mè' bâdâ sè èbellia. Gulliver ètarè èpadha dhiă pardjadji karaton. Nangèng serrèna aba'na tjè' terrona sè molèa, dhâddhi njo'on dâ' Sang Rato, sopadjâ kalèllana terros da' Djeppang. Neng èdjâdijâ ollè dhâddhi bâdâ parao sè aladjăr ka naghǎrǎnǎ.
Sang Rato ijâ ngèdhinè, nangèng Gulliver èpakon boe-amboe ghalloe doewǎ arè agghi'. Sang Rato aparèng asta'an, sopadjâ èparèngngaghia da' Mikadó [1] Djeppang.
Gulliver ijâ mètorot sakarsana Sang Rato. Bhâreng abâ'na njo'on pamètan, ladjhoe èparèngè lè-ollè bliărăng sè apaarghă; sarta epaghibii rèm kèrèm dã Mikadó Djeppang. Dhaboena Sang Rato, sopadjă asta'an bǎn tor ator djârèja ètjaossaghiă dhibi' dâ' Mikado, mènangka dhâddhiâ tandhâ radjana parsobâdhânna. Laèn dări djǎrèja Gulliver èparèngè sango pèssè dinar djǎ-radjă, bănnja'na pa' ratos pa' polo empa' mègghi'. Tjatja sè angkana paḍă djǎrèja padjhǎt dhǎddhi kan-kasokananna Sang Rato.
Mènangka kaormatanna Gulliver, Sang Rato aparèng pangèrèng pandjoeridhăn kangsè da' Gelangoestala, ijâ arèja koṭṭa palab- bhoeân perrang mongghing è temor-dâdjâna polo. Sanapa'na ka palabbhoeân djarèja, Gulliver bhoenga ngèding kabhăr, djhǎ' ennem arè agghi' bhakal bálá'ǎ parao sè aladjârâ dă' Djeppang. Gulliver ladjhoe mènta sadija'an kamar è parao djărèja. Napa' ka arè mangkatta, paraona ladjhoe mantjal abâbbâr ladjăr. Padjhâlânna ollè angèn njaman. Ra-kèra ollè lèmabellăǎs arè abiddhâ ètengnga tasè' ella napa' da' Jócólama, ijâ arèja koṭṭa palabbhoeănna na-ghără Djeppang, sẽ rammè bắn kaalok.
Jócóhama rèja kennenguganna è pèngghirrâ telloe' Jeddó. Neng è potjak dǎdjána telloe' djárèja bădă koṭṭa Tókijó; djǎrèja koṭṭa karadjha'ǎnna naghåră Djeppang.
- ↑ Rato Djeppang èsebbhoet: Mikaó.
