rennap. Sakèng dâri bânnja'na kennèng èopama'aghi tasè' ata' bân binara nè kènè' se èpasangè emmas, salaka ban mamatan. Emmas bân mamatan djârèja etjapo' panassa arè, tjahjana kanţa tjahjâ papoddjhân.
È kalențèng djarėja possa' băn manḍirâ aghămbhăr arè ngombar, lap-olappa ana-bârna. Rèng-orèng apangangghoej ghoes-bhâghoes onggha toron, bâdâ se tjar-kantjèr è dhǎk-ondhǎk. Sakolèlèng nga kalenteng bânnja' artjana bân-kèbân sè njembhoerraghi aèng, bhângonna nè-anè. Bâdâ artja şi abhangon amamarèngèsè, saparo kèbân saparo orèng. Dhinèng tja-artjana para dhibâ èkaghâbâj dâri emmas ban salaka, dari dhimbhaghâ bân kadjoe. Neng è ta'-ata' ban ra-binara bâda lontjengnga radja kènè' ta' kabilangan, monjèna akanța karosona tasè'. Saeddjhegghá odi' Gulliver ghi' ta' tao. nangalè tjahjâ bân radjhâ bhrăna mara djârèja. Pamolèna dâ’ karaton Gulliver ghi' nga'-ènga'en da' kabada'ânna kalențèng djârėja bhâi.
Kalagghoeânna Gulliver mangkata. Sang Mikadó aparènta, so padjă Gulliver aterraghia da' kotta palabbhoeăn è Nagasaki mongghing pasèsèr lao'na naghârâ Djeppang. Dâri djâdijă mastè bâdâ kapal dâ' Erropa. Serrèna Gulliver terro lèbâdha tasè', dhaddhi bân Sang Mikadó èparèngè kapal katètèanna dhibi', sè madjhâlân sèttong kaptèn sè ella pènter.
Padjhâlanna Gulliver salamet napa' da' Nagasaki; èdjâdijâ mondhoek da'ka bhandhâr, sarta ngèding kabâr djhǎ' sabătara arè agghi' bhakal báda'â kapal ladjâr, radjana pa' ratos sèket etton, anjama Amboina, aladjâra da' Amsterdam.
È sèttong arè Gulliver èater bhândhâr èntar da' kapal djârėja èpasarmo bi' kaptènna, sè anjama Teodoor van Grult. Serrèna bilanna Gulliver abit è Nederland, la-mala asakola neng è Leiden, pangotja'na tjara Bâlândhâ lantjar bân fasè akanţa bhâsana dhibi'.
Gulliver ètanjaè bi' kaptèn bhab sè alalana bân lalakonna. Gulliver ijâ njarèta'aghi nangèng ta' djhăng-landjhâng sarta sè ta' patè hal-mohal ongghoe, sè ta' èkandhǎ'aghi ijâ bânnja'.
Saabiddhǎ atjatja djârèja Gulliver sambi atanja, apa kerana kaptèn alèllanè abâ'na nompang kapalla ḍă' Nederland. Kaptèn ijâ legghá. Nangèng bhareng tao, djhǎ' Gulliver djǎrèja dokter, ladjhoe èsoro nompang partjoma, artèna Gulliver ta' ambhoe madjar tambhangan sarta ollè èngon, angsal Gulliver endǎ'an dokterrò bhai, sabab dokterra sè ada' sè èghibâ dâri Nederland bilan, matè tatjabbhoer ka tasè' è saghǎră Indija nalèka ghi' paèntarra, margha ètjapo' bhârât radjă.
Gulliver ijâ norotè sapamèntana kaptèn van Grult. Aba'na ladjhoe èberri sèttong sentong dhibi'. Gulliver ètanjaè, apa ghi' andi' bhála è Nederland. Ontongnga Gulliver bănnja' mosarmoanna bhangsa Bâlândha; ladjhoe èsebbhoettaghi njamana, sarta èako
