BÂGIÂN I.
Gulliver alolongan ḍă' naghără Lillipoet.
BHÂB I.
Gulliver napa' è naghără Lillipoet
(naghǎrăna orèng nit-kinit).
Ghi' bilǎnna orèng ghi' ta' tao ka pal-kapal apoj, sè satèjana dhăddhi tompa'anna orèng èntar ḍări sèttong naghără ḍă' naghără laènna, sè oe-djhǎoe sè ella' tasè' radjă. Pal-kapal apoj sè santa' padjhǎlánna, sè ngennèng tjar-kantjèr è sè'-tasè' radjǎ kalabăn taḍâ’ kabătèrra, djărèja ghi' ta' lahèr è dhoennja, ghi' ngètek neng-è tjèptana orèng bidjăksana. Sè băḍã tjoma parao băn pal-kapal ladjăr. Molana orèng sè băngal aladjăr lèbăt saghără djărèja rangrang, partjoma orèng sè nèkat bhăi, sè enḍa' nerrak lalakon sè lolodjă djǎrèja.
Katjarèta nalèka tangghål 4 Mei 1699 bădjă ghi' lagghoe neng-è naghără Bristol, tana Inggris, băḍă kapal ladjăr anjama Antilope, sè atèjang tatello', rampèng bhădhănna băn bhaghoes rarengghǎ'ǎnna, sè ngapalaè kaptèn William Pritchard, araboet mangghår, aladjără lèbăt saghără radjă. Neng-è tanggâ', palabbhoeăn Bristol, possa' orèng lakè' binè' mo-sarmoanna panḍhighăna kapal ghellǎ', sè paḍă njangoè salamet ḍă' ka rèng-orèng sè radjă atè djǎrėja.
Nalèka sabǎrijă angènna njaman. Pamantjalla kapal djărèja ḍări palabbhoean atjora' orèng sè anggâ', èèrèng dhoewă salamet ḍări mo-sarmoanna sè paḍă tjèttjèr. Rèng-orèng èḍălem kapal kabbhi paḍă partjadjă ongghoe ḍă' kaptèn, sè padjhăt pènter băn ngartè ongghoe ḍã’kabădjibhănna.
Ta' antara abit Antilope ella napa' ḍa' pèngghir sèrèng lao'na tana Afrika, ngalèbădhi Kaap de Goede Hoop, pas mantjer ḍă' pontja lao'na tana Hinḍoe. Angènna ḍări dhărăt, andhăddhiaghi bhăddjhrăna Antilope. Kaptèn băn rèng-orèng èssèna kapal paḍâ atambă radjă atè; sabăb mon angènna pantjet bărijă bhăi, tanto dhoeli napa' dă'ka sè èsaddjhă. Nangèng ta' abit angènna pas ladjhoe atambă radjă, nandhǎ'aghi djhâ' kabăḍă'ănna hǎwă aobă. Ḍări tèmor-lao' katon tasè' ombă'na radjă ma' masè băḍă❜ă angèn bhărǎt.
Arè sè robăna mèra mara marḍă ladjhoe tjompet, maso' è mèghǎ kandhel. Tasè'na ghăḍhoeng ngadhirâp. Nangèng ghi' bhoeroe bhăi arè njèngla ḍări tjakkrawala(1),mèrana lem - malem
{1}pèngghirrǎ otabǎ kontjo'na langngè'.
