(djǎrèja kantongnga Gulliver bån dinar ) . Neng - è sabbhoe'na Gulliver bădă pedḍhăngnga , landjhăngnga lèma kalè tèngghina orèng lamala ollè dhăddhi langkong. Bădă kantongnga sè èbăgi doewǎ', sè sabăgiǎn aèssè tembhoeng dări bhărăng sè tjè ' berrǎ'na, băgiăn sè laèn serbhoek tjelleng , mètorot tja'èpon Gulliver, răng-bhǎrăng éngghǎpanèka
ghǎmpang lèddhoe'na, mèlaèpon kodhoe tèngatè, ponapa polè ta' kèngèng èsemma’è apoj. (djărèja laddhing radjă, obhăt băn băḍḍhăna mèmèssa Gulliver).
Laèn dări panèka Gulliver andi' tjangghǎ [1]landjhăng dăḍoewǎ', èsambhoeng dhăddhi sèttong sareng kadjoe. Mètorot tja'èpon Gulliver dhibi', pakakas èngghǎpanèka saklangkong bhabhădjă. (djărèja pèstolla Gulliver).
Djǎrèja kabbhi monjèna reppotta pardjădji kaḍoewǎ djărèja ḍă' Sang Rato, nangèng èkala' panda' bhăi.
Sang Rato ladjhoe aparènta , sopadjă doewă matjem bhărăng, pèstol băn băḍḍhăna mèmès lekkas èpènta ka Gulliver , ladjhoe èdhika'aghi sèmpen è ghedḍhoengnga karaton; kalaban èdjhăn djhi'i , ètolès neng - è dhăloebăng sègel , paghi ' mon Gulliver molèa ka naghǎrăna èbăliaghịă kabbhi.
Sang Rato kasokan keja monḍhoedhă messin sè tao amonjè dhibi', nangèng ghi' mangmang , sabab messin djărèja èpanggher ka rantaj, molana ladjhoe èpaboeroeng; dhina ma' ètegghoe' Gulliver bhăi. Nangèng Sang Rato addhreng sè ngaghăliă , apa parlona pakakas sè anè djǎrèja . Gulliver sè nerrangngaghi tjè' salèssèna , sakabbhinna băgiǎn ètjarèta'aghi taḍă ' sè kalèbădhăn. Sè èkamengnga'è Sang Rato bhab bhaghoessa ghăbăjănna arlodjina Gulliver , apa polè dă' monjèna băn ghoelina djhăroemma.
Kantongnga mèmès băn pèstol èallè ka gheḍḍhoengnga karaton. Sarrèna ngabătèrè , èghăbăjjaghi kamar dhibi ', kontjina Sang Rato sè ngastanè .
Gulliver matoman narèma dă ' kabăḍă'ănna è naghără Lillipoet djăḍijă kalabǎn senneng , orèng Lillipoet bitabit ijă sadjăn partjadjă băn ngangghep, ella ta' tako ' polè, sarta enḍă ' lăng - saghoeloeng mara kantjana dhibi'. La-mala terros ka răn djhărăn katompa’anna ghed sardadoe, opsir băn katètèanna Sang Rato ella ta’ghellem dhǎbhen polè, băngal semma ' ka sokona Gulliver.
Kaotja'a nalèka djărèja ghǎsèk bădă bhăris radjă èseddhi'na koṭṭa. Sabbhăn arè Gulliver ghǎsèk nangalè pandjhoeridhăn ḍhărǎt, oesar băn satabellan padă lèbăt. Sabbhăn arè Sang Rato nètè'è djhărăn marèksa dhibi' bhălăna sè adjhăr abhăris.
È sèttong arè nalèka Sang Rato nètè'è djhărăn ḍă ' pabhărisăn, mondhoet sokana Gulliver , sopadjă nèkkanga è lorong akanța ghǎpora, ma' ollè èlèbădhi pandjhoeridhăn èbăbă'ănna, nalèkana mole dâri pabhărisăn, Gulliver ijă norotè sapakonn bhăb kaso-
- ↑ pangpang tjara Madhoeră bără’na.
