Gulliver asangghoep alampa'aghiă sapakonna Sang Rato, sarta ngatorraghi kareppa atèna, sè makala'a sakabbhiănna palkapal perrangnga mosona, sopadjă ta' kangsèa kadhăddhiăn, Belépoes koe aperrang moso Lillipoet. Bhǎreng Sang Rato mèjarsa apa sè pangghăliǎnna dhăddhi saddjhăna Gulliver , kasokanna
ella ta' kennèng ètjarèta'aghi, nancèng ghi' kabatèr amè'-amè' Gulliver ta' kellar nekkanè saddjhăna. Nangèng Gulliver ta' mangmang polè, tjoma njo'on da ' Sang Rato sopadjă parkara djărèja èrosèja' aghiǎ bhăi . Panjo'onna djărèja ijă katorotan. È naghără Lillipoet bădă sèttong kaptèn kapal sè tjè' pènterra.
Djărèja sè aberri' katerrangan da' Gulliver, băb lèbăr băn ḍălemma sellat èantarana Lillipoet băn Belépoeskoe, patana papal -kapal perrang labbhoeǎnna moso, ijă arèja kennengnganna sè aloroka ghella', bănnja'na kapal perrang băn ghăghămanna moso. Sarrèna orèng Lillipoet ella tao kabbhi ka kakowatanna mosona, molana sakeddjha ' bhăi Gulliver ella ollè katerrangan saghenna '-ghenna'na bab kabădă'ănna moso.
Saellana djărèja , Gulliver ladjhoe èntar ka pèngghir sèrèng dǎdjăna Lillipoet , ijă arèja sè dhepaḍhebbhăn băn Belépoeskoe, ngètek èboeḍina ghoemo'; ladjhoe ngala' kèkerra, èpasang kamatana, èpangèker da' pal - kapalla mosona. Kèker djărèja è èrrep nalèka kantongnga èsaloksak. Bhåreng ella terrang kabbhi , ladjhoe tampar palabbhoena abăli dǎ' Mildendo, ngala' pan-bărămpan parao sè djăradjă băn bessè londjhoerăn. Tampar sè dja -radjaǎn neng è Lillipoet , djărèja tjoma padă radjăna băn bennang panjama'an , molana băn Gulliver ladjhoe èpèntè polè rampè tello otaba empa . Bessè londjhoerănna èṭok- keṭṭok , èkaghăbăj pantjèng , ladjhoe ètalèaghi ka kontjo'na tampar è kaè'mara ghellǎ'.
Bhǎreng sè aghăbăj pantjèng kèra ollè sèket bigghi', è bǎkto malem ladjhoe èntar da' kennengnganna sè ghella', mongghing pèngghir dadjăna polo. Eddjăs, sapatoe băn kaossa èboekkal, tjoma akalambhi kotang kolè' băn atasmak , mènangka panola’na panana moso . Gulliver ladjhoe atjabbhoer ka tasè'. Ta' abit aèng ella napa' ghăn lè'èrra molana ladjhoe alangngoj. Ta' bărămpa mennèt abiddha Gulliver ella napa' ka pèngghir sèrèngnga moso, terros njemma'è pal-kapalla. Kabhenderrăn nalèka djărèja salom prèt amonjè, tandhăna băktona para mattroes mastè maso' dǎ' kamar tedoengnga. Moso sè pas tao dă' paḍătengnga Gulliver, marghǎ ladjhoe băḍă îmbă' radja', kongsè paraona olèng tjè' sarana.
Saèsşèna kapal kabbhi padă takerdjhăt, bhǎreng nangalè bădă kèbǎn tasè' sè palèng radjă dăteng, njemma'è kapalla. panbărămpan
Bădă sarḍăḍoe Marine sè alontja ' lè '-tapalè ' atjabbhoer, ka tasè' terros alangngoj ka pèngghir . Sè sabănnè berka' è kapal kaaḍă ' kaboeḍi akanţa rèng sasar, băḍă sè ngètek èdǎlem sentong . Pamellangnga băn pangantjamma opsir ella ta '
