31
nga kapal, ijă arèja mandirăna naghără paḍoempa'anna dărăna. Bhareng paraona Gulliver èkèra kennèng èpasemma', ladjhoe èparapet sakalè, Gulliver pas terros ongghǎ ka kapal kalabăn bhărằng bănghibănna kabbhi tada’tjèttjèr.
Satèja Gulliver ella băḍă neng è kapalla djhărăghăn bhăngsa Inggris sè aladjăr dări naghără Tjèna abăliă dă' Inggris, lèbăt è pèngghir dădjăna tasè' Tjeddhoe Lao'. Kapal djărèja bhǎghoes bhăngonna băn santa’ padjhălănna, èkapalaè sèttong kaptèn sè pènter, anjama Riddel. Kaptèn djărèja tjè' mengnga'na nangalè orèng neng è sampan bi'-dhibi'ăn, băng-gălimbăngan neng ètengnga tasè' sè rangrang èlèbădhi parao.
Bhǎreng Gulliver ella abak bárăs, ladjhoe molaè atjarèta apa. Da'-aḍă'na kaptèn ta' partjadjă dă' kanḍhăna Gulliver, èkèra Gulliver sakèng ghilă, marghă dări talèbăt sossa băn sang sarana. Nangèng bhareng Gulliver makalowar sèttong pettè aèssè sapè lake' binè', embi' beddoes, embi' katjang, kabbhi paḍă nit-kinit sarta padă oḍi', padă ngakan rebbhǎ kerrèng sè èsabă' èseddhi'ǎnna, kaptèn kapal ladjhoe partjadjă.
Gulliver ijă nodhoeaghi kèja pèssè dinarna da ' kaptèn, sè èparèngè Rato Belépoeskoe, bărijă kèja ghămbhăr pottrétta Sang Rato. Saellana kaptèn nangalè tè-bhoektè bhoeroe, pas ta' wǎs-wǎs polè dǎ' njatana tjarètana Gulliver ghellǎ'.
Paladjărăn dă' Inggris djărèja salamet ta' korang sèttong apa; angènna bhǎghoes , kapal aladjăr pèt-marèpèt polo Madagascar, ta' abit Kaap de Goede Hoop katon. È ekkap amboe ngala' aèng ènom, ladjhoe terros aladjăr polè.
Nalèka tangghål 2 boelăn April 1702 palabbhoeăn Bristol ella katon, ta' antara abit Gulliver sè ella tello taon maèlang, sarta sè ella èkèra matè, napa' ka bengkona, aneng-sennengngan moso ana' binèna.
Dhinèng băn -kèbăn dări Belépoeskoe djărèja èlombhăr è kebbhoenna, èkaghăbăj ghoen-tèngghoen da' orèng bănnja', kangsè abǎ'na ollè pèssè sadjhăghăddhă. Sarrèna ella soghi, Gulliver tjè' djha' sakenga neng-enneng è naghără Inggris ka ngennèngnga labăn senneng.
Nangèng sarrena Gulliver ella tjè ' bijăsana alalana, ta' njaman neng-enneng è bengkona. Molana ladjhoe noro' aladjăr polè, dhăddhi dokter neng è kapalla kaptèn Nikolaas sè aladjără ngolèlèngana bhoemè.
