45 Satèja dokter kapal djărèja mastè amaèn sapolo kalè saarèna, tatjengnga'na kabbhi sè paḍă nèngghoe . Serrèna Gulliver ella abăk tao ḍă ' otja'na orèng naghără djăḍijă, dhăddhi abă’na ngartè kabbhi dă' apa sè èkatjatja rèng-orèng sè paḍă nèngghoe.
Raksasa tanè sadjăn bănnja' kaontonganna, nangèng Gulliver sadjăn rosak bhădhănna, sabab sabbhăn arè alako malarat băn sossa pèkkèrra.
Atambă arè bhădhănna Gulliver atambă koros, nangèng raksasa tanè ta' endǎ' maamboe sakalè sè ngomèdiaghi. Bhăreng èkèra Gulliver bhǎkal matèa, ladjhoe èdjhoewălă sadjoe-padjoena. Sanaddjhăn taker ètangèsè bi' Geloemdalkelit, ta' èpardoeli.
Kabhenḍerrăn è băkto djărèja kèja băḍă sèttong abdhi karaton dǎteng, aparènta da' raksasa tanè èdhika'aghi Rato aghibă Gulliver dǎ' karaton, amarghǎ Dhin adjoe Rato sarta para pottrè sè ella abit mèjarsa bertana orèng kinit djărèja tjè' terrona ngolatana. Raksasa tanè atoro' parènta djărèja, sarta Gulliver ètanara'è èsèksa'a mon neng-è karaton aba'na ta' ngettokkaghi ghoena tarèkana mabhaghoes maènna .
Dhin adjoe Rato tjè' kasokanna pangghăliănna ngolatè tèngka pola, kadjoenèlan bån kapènterranna Gulliver.
Gulliver adhekkong è mèdjă èadjoenanna Dhin adjoe Rato. Ratjèkanna (¹) sè angradjhoeng doeri èdjhoeloeaghi da' Gulliver; bi' Gulliver ètampanè tanang dăḍoewă ' nangèng ghi' seksek, ètjèjom kalabǎn taʼlèmma . Nja'-bănnja' sè èparèksa Dhin adjoe Rato, kabbhi bi ' Gulliver èdjawab , sè andhăddhiaghi soka bhoengana pangghăliǎnna . Molana Gulliver ladjhoe ètarè, pola ango'an ennengnga è karaton dhăddhi kalètan tjabhoel, ètèmbhăng èkomèḍiaghi dă bără dă' tèmor , èkaghăbăj tatèngghoen. Gulliver mator tjè' kaso'onna, Dhin adjoe Rato sè kasokan ngabdhiaghi abă'na, sokkor èbăghi bi' raksasa tanè ; sarta njo'on sopadjă Geloemdalkelit sè la toman arabădhi abă'na kalaban ongghoe atè băn katarèsna'anna, kaèdhina noro' neng -è karaton kèja .
Dhin adjoe Rato ladjhoe aḍhăboe ḍă' raksasa tanè , djhă ' Gulliver kasokan èponḍhoedhă kalaban arghă larang . Sanjatana raksasa tanètjè' pèrakka , nangèng sa - masossa , ta - kanța ră '- maberră ' sè ngatorraghiă Gulliver. Bhareng Dhin adjoe Rato nabăr saèboe dinar, ladjhoe èatorraghi. Apa polè aba'na asangghoep ngatorraghiă ana' binè'na , sè anjama Geloemdalkelit sè bhakal araksa'a Gulliver neng- è karaton. Raksasa tanè sanjatana bhoengana ella ta ' katjator, marghǎ ana ' binè'na sè èponḍhoet Dhin adjoe Rato èpadhăddhi embhăn ènja djărèja , nangèng tjè ' taona njamar, ta-kanța ghă-mata manggha sẽ apèsa’a băn anana .
Geloemdalkelit ijă tjè bhoengana sè ollè ngabdhi è karaton dhăddhi pangandjhoena Gulliver. Nangèng sè nga bhoenga'an
(¹) bhasa tèngghina ghărighi.
