64
neng-è eḍdèk. Troes-mattroes ghi' padă bhoeroe napang, apojja marèjemma moso mantjorong neng è tjongappa, mèmèssa lèbăt èattassa edḍèk kasa'na ngatjoweng, nangèng ta' marosak pa-apa.
Gulliver ta' ghellem sè wang-mowanga obhăt partjoma, molana terros aladjăr manjaman bhăi, ta' endă' males nèngghăr da' mosona, apa polè panèngghårră mosona djărèja lopot. Pantjerra paraona Gulliver ta' èobă sakalè, sopadjă eddjong djărèja sadjǎna semma', ma' ghămpang tèngghårănna, dhăddhi eddjong bhoeroe èkennèng pantjèng. Djhărăghănna eddjong djărèja tabhǎtjong. Abă'na ngèra rèng-orèngnga tjonèja djărèja ta' ngèbă sandjhăta, molana èsemma'è kangsè sapanèngghårån. Lă, satèja ella seddheng Gulliver djhǎ ' alabăna ngantjan mosona. Tjèna mosona djărèja èpadjherrǎ'ǎ ongghoe, ma' ta' ngal-băngal polè amoso abă❜na.
Dă'-adă❜na Gulliver aparènta masang dă' mattroes-mattroes sè padă mandjheng tèjang aghoeng, sarta èpangètek è senḍhina neng è boeḍina lè-tomalè. Mèmèssa ngennèng dă ' serrangnga eddjong băn rèng orèng sabătara sè adjăgă marèjem.
Sabelloenna djhăk - bhădjhăk djărèja marè sè takerdjhăt marghă dări pamalessa Gulliver, bi' Gulliver ladjhoe èotjolè polè marèjem dăḍoewǎ' èmèmèsè kartèt (1). Pangennèngnga mèmès djǎrèja amamarèngèsè. Rèng-orèng sè matè băn sè padă loka atompo ason-soson neng è eḍdèkka eddjong . Sè ghi' oḍi' posang asalebboengan.
Tjonèja ladjhoe dhoeli èpèngo , marèjem sè laèn sè èèssè'è pèlor ladjhoe èotjol, ngennèng ka eddjong kangsè bhoetjoer.
Maso sè kala rèja ella ta' parlo èkatako'è; sè ngabǎtèrè tjoma moso sè neng è eddjong laènna. Saabiddhă Gulliver atjarok ghellǎ ', djong-eddjong bhoeroe sadjăn semma', sarta asaddjhă nolongana eddjong sè para' tasèllemma, ijă arèja ngarobhoedhǎ tjonèjana Gulliver.
Gulliver ta' kobher sè ngèssèana marèjemma polè, sabab tèng ghǎrrǎ bhǎdjhak ella amonjè salang padjhendhår. Troes-mattroes sè èator neng è senḍhina tèjang aghoeng ijă males nèngghår kèja kalabǎn tjeppet, nangèng kala bănnja', Gulliver pas apèkkèr: arèja mon ètèrrossaghiă alabăn, mara djhăddjhălăng alebbhoe ka apoj.
Antara pan-bărămpan mennèt bhădjhägghǎ ella semma', tjonèjana ladjhoe èbhănțol èparapet da ' eddjongnga. Dări saratta boewǎdhănna, tjonėja djărèja ta' ngennèng boeroe njènglaè bhădjhǎk.
Bhǎdjhǎgghǎ ladjhoe alontja ' ka tjonèjana Gulliver kalaban seḍdhi. Gulliver ella angrasa, djhă' ta' kèra mennang maskè alabăna, molana ladjhoe aparènta dă ' mattroessa, èsoro atellok bhăi, bheḍ
(1) Kartèk rèja pattromma marèjem sè èèssè'è la'-bella'ănna bessè ghellas, tèma băn pèlor. Asalla dări otja ' Bălăndhă: kartets.
