74
bhădhănna parao, kennèng èkotja'aghi ladjărra bắn ngabăng djareja. Dhǎddhi djhălănna da'attas ḍă' băbăna băn ontong kalèrra polo ngabăng djǎrėja tjoma bădă è bessè bărǎnè bhoeroe. Mètorot katerranganna orèng sè ngater Gulliver, bărijă: bessè bărănè radjă djărèja landjhăngnga ra-kèra doewǎ mèter; dhinèng bhoengkèlla , ijă arèja băgiăn sè djă'-radjă'ăn, ghåris tengngana samèter satengnga. Teppa' è poser pamberrǎ'na èpasangè èntjer enten sè kowat, dhaddhi bessè bărănè ghella' neng-enneng bhăi ta' aghoeliăn, nangèng ghămpang paghoeliǎnna, sanaddjhăn na'-kana ' kènè' ijă kellar.
È kamar ènten kennengnganna bessè bărănè djărèja băḍă lobăngnga, sopadja bessè bărǎnèna kennènga èpaghoeli.
Kamar enten djărèja asambhoeng bân èntjer enten sè ètompangè besse bărănè sarta asambhoeng kèja băn ènten sè dhăddhi dhăsarra polo. Molana orèng ta' kèra ngennèng ngala' bessè bărăne djǎrèja mon ta' èparemmok kamar èntenna ghalloe.
Bessè bărǎnè djărèja sè madjhălăn polo, manjorot, mamadjhoe, makababă băn makaattas, metorot sakareppa orèngnga. Besse bărăne djǎrèja anḍi' koetoep dăḍoewa', sè sèttong nadjhǎ' bhoemè, settongnga nolak, akanța koetoeppa pakakas èlèktris.
Saandhina Sang Rato aḍhăboe maondoeng dă'băbă koetoep sè nadjhǎ' bhoemè, polo ngabăng djărèja ladjhoe toron njemma'è bhoemè on-laonan, sè nompa' ta' arassa pa-apa. Sè èpassraè lalakon djǎrèja rèng alèm èlmo bintang.
Dhinèng mon koetoep sè lakona nolak bhoemè èpaondoeng ḍă' băbă, polona ladjhoe ngolboe' ḍă' băng-abăng ènga' balon. Kala mon paennengnga bessè bărănè djărèja sadjhălăn băn bhoemè, polona pantjet tèngghina dări bhoemè sarta pangabangnga anteng, sabab kakowatan sè nadjha ka bhoemè pada băn kakowatan sè nolak, dhăddhi satèmbhăng.
Sarana ngo-mèngo bessè bărănè ghellă', polo ngabăng djărèja kennèng èpèngo djhălănna sakasokanna Sang Rato.
Sè ngator pannengnga bessè bărǎnè djărèja para alèm sè hoer djămhoer , mètorot saḍhăboena Sang Rato, kakamma polo djǎrèja sè èpadjhălăna.
Kamengnga'anna Gulliver bhareng tao bhab djărèja, la ta' ambhoe dhoergngèngngaghi.
Sopadjă polo djărèja ta ' kangsèa korang pandjăgăna, èseb bhoettaghi èḍălem wèt Naghără, djha' Sang Rato ban pottrana kaḍoewǎ sè po-seppoan ta' ollè mèjos dări polo djăḍijă; bǎn polè è polo djărèja masțè bădă para ahli bintang băn ahli èlmo alam sè djă-radjă, palèng sakonè' saghămè' orèng. Laèn ḍări djărèja èterrangaghi kèja èḍǎlem dhăng-ondhăng djhǎ' polo ngabǎng djǎreja dhaddhi kaaghoenganna. Rato, sè ta' kenneng ngonna akanţa kamoddhina polo èdjhoewal,
