76
Ta' abit polè Gulliver ella napa' da' kotta lèbăt è djhălăn radjǎ. Bhǎreng bengkona pardjadji se bhǎkal èatorana sorat ghellǎ' ètemmo, Gulliver ladjhoe maso' ngatorraghiă soratta. Saellana sorat ètampanè sarta èbatja, pardjadji ladjhoe modjhi salamet atas datengnga Gulliver. Dhinèng njamana pardjadji djărėja Moenodi. Paidjadji ladjhoe adhǎboe asadijǎ kamar menangka ponghoeghanna Gulliver saabiddhǎ enneng è Lagado. Edjǎdija Gulliver èormat băn èpasenneng bărămma tjarana tamoj.
Kalagghoeǎnna Moenodi makon makè'è rataha, Gulliver èadjhǎk nompa' rata apalessir ghoe-nèngghoe kabădă'ǎnna kotta. Kaotja'a kotta Lagado djǎrèja seddheng radjana, bengkona nè-anè, lorongnga băr-lèbăr. Kotta djărèja teppa' è kennengngan sè perna, èkolèlèngè bhoen-kebbhoen bån ra-ara sè ngadjoendjoennaghi, èlèbadhi songaj, aèngnga bhennèng ngatjèrnang. Tèmbo'na koṭṭa djǎrèja kowat băn kandhel, sarta èrengghǎ ngangghoej binara. Lorongnga mara sè èpalèstèr sarta bhersè njer-kennjerran. Bhǎngonna bengkona njennengngaghi atèna orèng sè ngabăs.
Ko-bengko oenoemma dj-radjă băn ghoes-bhăghoes, èkaghăbăj ḍări marmer ngala' dări ghoenong sè ta' djhǎoe dări koṭṭa. Rong-lorong sè ngalèbădhi songaj neng-è koṭṭa djărèja padă aghălǎdhǎk kadjoe otabǎ bessè, bădă sè èpasangè tambhǎngan.
Pasarra teppa' ènga'-tengnga'anna kotta èpèngghir songaj, èkolèlèngè bengko sè ghoes-bhaghoes. Saarè bhentèng Gulliver sè ghoe-nèngghoe, mengnga'na nangalè bengko sè ghoes-bhaghoes djǎrèja ta' djhăma'; sè apasèjar molè lem-malem, sanapa'na dă' pondhoeghanna Gulliver lessona ta' kabăbă. Pardjadji sè èponḍhoeghi ngadjhák kalagghoeǎnna apasèjar ka lowar koṭṭa, ma' ta' patè lesso mara sè ella. Gulliver ijă arodjoe'i.
Kalagghoeǎnna sè kadoewă padă nompa' rata, ngalèbădhi ghápora radjă, marmer talèbăt bhaghoes, èghǎ-rengghǎ artjana matjan radjă. Ta' abit saellana ngalèbǎdhi băgiănna kotta sè ressem, ladjhoe napa ka sèttong karang padhisa'an. Karang padhisa'an djǎrèja talèbǎt bhăghoessa. Saeddjhegghǎ odi' ghi' bhoeroe sakalèan djărèja Gulliver tao nangalè. Ekangan katjèrra lorong bădă kebbhoenna padă na-perna. Bhǎreng Gulliver notorraghi kasambhoe'na marghǎ bhaghoessa karang padhisa'an djǎrèja, par- djǎdji ladjhoe ngandhika, djhá' padhisa'an djărèja kaaghoenganna dhibi', padjhăt ètodhoeaghiă dă' Gulliver.
Ratana ladjhoe maso' è paghăr ratja'na kebbhoen, lèbăt è djhălăn lèbăr èpèng apèngè ka-bhoengkaan sè radjă băn aop, ta’abit pas napa' dǎ' sèttong bengko matjem kona akèr-okèr talèbăt bhǎghoessa. Sakolèlèngnga bengko bădă aèng nantjel dări bhoemè ḍa' attas tjak-karatjakan, lăn-djhálán papasèjaran èaope ka' bhoengka'an las-alasan sẻ perna, khăng khăloenbhăngnga pada apek ghăbăjănna sarta talebat kadjoendjoenna, kangsè Gulliver ngèra aba'na bădǎ è karatonna bidhäddhări.
