78
Gulliver ijà mètorot. Aba'na ngèding djha' polo sè èèntaranadjarėja tanto nambai pangataoanna ḍa' bhárăng sè nè-anè, sabab tja'na Geloebdoebderib" djárèja artèna: „polona ahli sèhèr.”
È sèttongnga arè bădjă lagghoe, angènna njaman, langngè'na bhersè, Gulliver ban kantjana mantjal ḍări Maldonado. Dări sennengnga sè èdǎlem parao, ta' arassa pa-apa, o-tao ella napa' ḍa’ polo Gelebdoebderib. È lăn-djhălăn Gulliver ella ngèding ḍǎri kantjana djărèja, djhǎ' sè ngennengngè polo djădija tokang sèhér ter-pènter, dhinèng sè ter-pènterran dhaddhi Goepennorra polo djǎrèja. Mongghoe ka Goepennor djărèja maoḍi' orèng matè la bănnè pangghăbăjăn malarat, bărijă kèja madǎteng rèng matè soro alalakon mètorot sakareppa, nangèng ta' ollè lebbi ḍări pa'lèkor eddjhăm, sanaddjhăn sasekkon. Gulliver ghi' abăk ta' partjadjă ḍă' tjarèta djărėja, sabab èḍimma băḍă orèng anḍi' kadhikdhǎdjan mara djărèja; nangèng ahǎ'na anḍi' pangaterro anjata'aghia kabbhi djǎrèja.
Bhǎreng paraona ella napa' ka pèngghir, opsir tasè' sè ngadjhǎk Gulliver ladjhoe dhoeli njabis ḍa' Goepennorra polo djáḍija, njo'on èdhi njabissaghiă orèng mantja kasorang sè terro taoa ka kapènterranna kang-tokang sèhèr è polo djădija. Goepennor ijă kasokan narèma patjabissa Gulliver. Sabhǎrengnga kabbhi pas padă èntar ḍǎ' karatonna ratona tokang sèhèr djărèja.
Ta' saapa djhăoena dări palabbhoeăn, djhálǎnna ladjhoe abhiloek, èpèng-apèngè bhoengkana djhǎtè bălăndhá sé ghoebhet. Edjadijă bădă băoe ro'om asarèdemman dari kangan katjèr, aḍǎ' boeḍi. Bhǎreng Gulliver sakantjana dapa' ka kadhǎton, labǎngnga aboekka' dhibi'; bhǎreng orèng la maso', pas ladjhoe aèntep dhibi' kèja. Gulliver sakantjana lèbăt è eggång sè ata na malengkong, pas napa' ḍa' sèttong kamar. Edjadijă bădă dhǎk-onḍhak marmerra kaattas. È kangan katjèrra èdjăgă pandjoerit doewǎ bhiri, ghaghămanna băn pangangghoejjǎ tjara kona, robăna ananako'è. Gulliver sè lèbát èdjădijă bhădhănna ngoțak, ta' tao apa sabǎbbhǎ.
Dhǎk-ondhǎk djǎrèja lèbăr, alama' ghǎloeddhroe solaman, molana taqa' kasa'na soko èkaèding. Dhăng-addhăngnga èrengghă bi' bhoental kembhăng alè'lè', terros da' lotèng sè nomer sèttong. Neng-è kong-tjelkongnga gheddhoeng padă èpasangè peṭṭètan bhăng kembhăngan sè anè bản ḍari mantja naghără, ghi padă parappa'na ngembhăng. Gulliver sakantjana ladjhoe èghibă lèbat è mar-kamar sè ghoes-bhaghoes, padjăgăna abhiri, angghoejjă băn sandjhătana ḍă-paḍă moso sè laèn. Nor-dhoenor djǎrèja mandjheng abhiri ḍări dhǎk-ondhǎk kangsè napa' ḍa' kamar patjabisan sè tèra' kalaban dhămar. Sè èkamengnga'è Gulliver kamar djǎrèja ma' taḍa' tjanḍilăna. Kabbhi paḍă maso', ètjabissaghi ḍa' Goepennor. Sanapa'na pas ngormat aonggoe' tello kalè.
