This page has been proofread.
31
III. kapit'tâl.
Jǫttem jâ gæč'čâm.
26. §. Jǫt'tesabmĕlâǯǯâi gædnĕgâsvuottâ čuovvot bǫc'cuid.
Jǫt'tesabmĕlâš gi læ ieǯâs dieđetâm, gâl'ga jǫttet boaʒŏguottom-distrik'tii bǫc'cuidisguim ǫk'tânâǥâ jâ bissot dǫbbĕ nuvt gukka gǫ dâk ǫrruk dǫbbĕ, gǫ fâl buoccovuottâ dâhjĕ dārbâšlâš doaimâk æi doalâ sū distrivtâst ērit.
Fǫrman'ne sat'ta dâddĕ ǫvtâ dâhjĕ ǣnĕb jǫt'tesabmĕlâǯǯâidi gæk læk dieđetuvvum, âd'det dilalâšvuođâ oanĕkeb aige ǫrrot boaʒŏguottom-distrivtâ ǫlgubæl'dĕ.
27. §. Jǫttemâk jâ jǫttemgæinok.
| a) | Guowlo čâđâ gǫsâ jǫt'tesabmĕlâǯǯâk æi læk dieđetuvvum, gâl'gik nuvt jǫttet âttĕ darbotâǥâ ī ǫrostuvvu jǫđedēddiin. Dâggar guowlo čâđâ jǫđedēddiin ī oaǯǯŏ dābalâš vuoiŋâstâmsâjiin, gǫ dālok læk lâkkâ, ǫr'rujuvvut bǫc'cuiguim gukkeb gǫ guok'tĕ jan'durâ, ærrĕbgǫ jǫs hætte bag'gi. |
| b) | Jǫt'tujuvvut gâl'ga jǫt'tesabmĕlâǯǯâi boarĕs jǫttemgæinoi miel'dĕ. Gǫst dâggerâk æi læk, sat'ta fylkësman'ne râbâtit dārbâšlâš jǫttemgæinoid. Ǣdnâmâ æigad læ gædnĕgâs biggjât stāttii dâm dâsâ dārbâšlâš ǣdnâmâ mavso vuos'tai stāttâkāssâst. Jǫs ī sǫp'pujuvvu, de mavso stūrrudâk mærreduvvu ārvuštâllâmdoaimâtusâst, mâid lænsman'ne stiw'ri.
Gǫ guottomdilalâšvuođâk, dal'ke, muottâ dâhjĕ sæw'dnjâd dâhjĕ ǣra dilalâšvuođâk dâkkik dārbâšlâǯ'ǯân ærranit jǫttemgæinost, gâl'gik jǫt'tesabmĕlâǯǯâk mânnât dâggŏ gǫggŏ uccemus vâhag mat'ta dâk'kujuvvut. |
| c) | Jǫt'tesabmĕlâǯǯâk æi gâlgâ het'tijuvvut âdnemist jǫttemgæinoidæsĕk. Jǫs dâggar gæi'dno gid'dijuvvu, gâl'ga fylkësman'ne dâm fâst râbâtit. |
| d) | Jǫs ai'de dâhjĕ ruotto læ rākkâduvvum dâhjĕ rākkâduvvu jǫttemgæino bâggjĕl, gâl'ga ǣdnâmâ æigad dâhjĕ âd'ne râppât dâsâ raige dâm gǫwdo gǫ læ dārbâšlâš jǫt'tesabmĕlâǯǯâi jǫttemiidâ. Jǫs dâm âl'dĕ šâd'da rii'do, de dâm čil'gi |
