VIII. kapit'tâl.
Sierrâ mærradusâk.
68. §. Raŧ'kem.
Sāmefal'de, pulitii-vir'gĕǫl'bma, bag'gŏ-ǫllâšut'temâ doaimâtæg'gje dâhjĕ distrivtâ fǫrman'ne gai'badusâ miel'dĕ læ juokkĕ boaʒŏæigad gædnĕgâs suovvât raŧ'ket bǫc'cuid jâ dâm vāras čǫk'kit jâ divvot ǣlos nuvt âttĕ vuoǥâs læ raŧ'kâgâ doaimâtit.
Jǫs dâggar biw'dem læ big'gjujuvvum boaʒŏæigadâ dat'tomâ miel'dĕ, læ sǫn gædnĕgâs væk'ken čǫk'kit jâ divvot ǣlo.
Raŧ'kâgâ ī sattĕ dâddĕ gai'bedit dǫl'lujuvvut dâm aigest mi al'ga māi māno 1. bēiviin jâ nǫkka jūnii māno 15. bēiviin, īge dâm aigest mi al'ga septæm'bër māno 15. bēiviin jâ nǫkka ǫktǭbër māno 15. bēiviin.
Gǫnâgâs dâhjĕ dât gæsâ sǫn âd'da dâggar vuoi'gâdvuođâ sat'ta, jǫs dārbâšlâš læ, mærredit visub njuolgâdusâid raŧ'kemâ birrâ jâ sat'ta vela fylkâ dâhjĕ fyl'kâ-oase harrai nubbastut'tet dām pārâgrāffâ goalmad oasest čuoǯ'ǯo mærradusâ dâm aige birrâ goas raŧ'kâgâ ī sattĕ gai'bedit dǫl'lujuvvut.
69. §. Mǫvt vierrŏbǫc'cuiguim mænnoduvvut gâl'ga.
Boaʒŏæigad gæn bǫc'cui sisâ læk ittam vierrŏbǫc'cuk, gâl'ga nuvt fâr'gâ gǫ vējulâš dieđetit dâm birrâ distrivtâ fǫrman'nai jâ bǫc'cui æigadii dâhjĕ dâsâ gi æigad bǣlest læ doaimâtæmĕn, dâhjĕ, jǫs soai æbă dit'tujuvvu, de dâm distrivtâ fǫrman'nai gǫst bǫc'cuk ar'vâluvvujik læt boattam. Bǫc'cui æigad dâhjĕ dât gi su bǣlest læ doaimâtæmĕn, læ gædnĕgâs nuvt fâr'gâ gǫ vējulaš dâstmâŋŋel vieǯǯâtit bǫc'cuid. Dâs'sagǫ viǯ'ǯujuvvujik, gâl'gik vierrŏbǫc'cuk rivtĕs gæččost dǫl'ujuvvut, æi'ge dâk oaǯǯŏ æigad dâhjĕ dâm ǫl'bmu lǫbetâǥâ gi æigad bǣlest læ doaimâtæmĕn, dâhjĕ âlma stāttâbal'vâlæg'gje gai'badusâtâǥâ raŧ'kujuvvut ērit ǫw'dâlgǫ 12 vâkko læk vassam, æi-ge dâm aigest mi al'ga māi māno 1. bēiviin jâ nǫkka jūnii māno 15. bēiviin, æi-ge dâm aigest mi al'ga septæm'bër māno 15. bēiviin jâ nǫkka ǫktǭbër māno 15. bēiviin, æi-ge dâm aigest mi læǯ'ǯa mærreduvvum 68. §st, 4. oase miel'dĕ.
