Page:Mga Binalaybay V.3.pdf/12

4

—VII—

KAG kami, sa pulong nga may kalulo

Sa imo bisan diin gayaob nga nalipay

Singgit sang mabuhay, nga gikan sa dughan,

Imo nga batunon.

————

HANDUMANAN SA AKON BANWA⁽¹⁾

(Kalamba - La Laguna)

KON madumdoman ko’ng mga inadlaw

Sadto nga’ng panuigon ko lamharon

Sa luyo’ng pangpang nga malunhawon

Sang linaw nga nagadagaas;

Kon madumdoman ko’ng dupoydupoy

Sang Kanaway nga sa akon agtang

Nga may katam-is naghulohampang

Sa matuyomtuyom nga kalab-as;

KON makita ko’ng puti nga liryo

Sang huyop sang hangin ginaluso

Kag ang hangin nga nagadaguso

Mag-anta, matulog sa balas;

Kon mahaklo ko sa kabulakan

Gapanalupsop nga kaamyon nila

Nga ila ginapausbong kon ang aga

Magsugod sa aton sa pagnasnas;

MADUMDOMAN ko, nga may kamingaw

Ang pagkabata kong’ malahalon

Nga sang Iloyng’ mapinalanggaon

Ay! ginhimo nga magmatahum;
————

⁽¹⁾ Ini nga binalaybay gintanyag sang tagsulat sa isa sang mga sinapol sang “Academia de Literature del Ateneo Municipal de Manila.” Sa sini nga sinulatan nagsiling si Gg. Vicente Elio: “Gikan sa nahauna nga mga huwad kinuha ang isa nga ini karon, kay ako dire man sa amo nga Akademya. Ang adlawan nga La Patria, sa Manila, nagbantala sini nga sinulatan sa iya gwa sang ika-30 sa Disyembre sang 1899. Si Gg. Ponce nagasiling nga ini nga binalaybay sinulat sang 1876, (nga wala nakon ginabais), apang ginapasalig nga tubtob sang 1879 wala ini pag-ipakilala ni Rizal sa sinambit nga Akademya. Ginbantala man ini sa La Democracia, sa Manila, sa iya gwa sang ika-19 sa Hunyo sang 1901.”.. .“Ginbantala sa El Pueblo, sa Cebu, sang ika-19 sa Hunyo sang 1900.” — R. R. Guerrero, (Retana, Vida y Escritos del Dr. Rizal, p. 457).

Ang tunay nga huwad ginatipigan sang Bibliyotekang’ Pungsudnon. Ang mga huwad naggwa man sa:

1. “Philippines Herald,” ika-30 sa Dis. 1928 kag ika-6 sa Hunyo sang

1929.

2. Veyra, Jayme C. de: “Poesias de Rizal,” pp. 4-5.