Page:Mga Binalaybay V.3.pdf/120

112

Igamando ni Adriano pilian ni Eustaquio:

Wala pa mahanabong’ mabangis nga

tali away

Mabutang sa tagsubong nga pagsanghid,

kay diutay

Nga butang nga lain nga pagtuo ang sundon

Ni Eustaquio.

CORNELIO.Kon diutay ang pulos sa into, ang Roma

Gapangandam magtuhay iyang’

pagtuluohan,

Kay ang siudad gagios nga nian nagahulat

Sang halad kag dapat gid nga pagpiliton sia

Ni Adriano, kag balaan nga mga

pagbulot-an

Ni Trajano dapat man nga pangayuon

sa iya...

Nayon sinang’ higad gapakari si Adriano.

Hipos, kag nian mahambal ako kon

pagpiliton.

----- IKADUHANG’ GWA

Si Adriano kag mga pinanghambal. . .

ADRIANO. Metelo, pangitaa si Tito sa hulot

Himulati nga sia lang ang mag-upod sa imo

(si Metelo mataliwan)

Nahangpan ko sa ulihe kon ngaa si

Eustaquio

Gapangindi maghimo sing halad sa kay Jove

Magpadungog subong man: kay bisan pa ini

Ginakahadlukan ko, ginaduhadohaan,

Ikaw labi kay sa akon kasayod; sugid,

Cornelio,

Anong’ Dios nahangad ’ya, anong’

pagtuluohan?

Matuod gindumili sa isa ka pagbulot-an

Ni Trajano’ng pagpati sining’ bag-ong’

pagtuo?

CORNELIO. Ang amo nga sala wala ko gid masayri

Sa iya. Agud madula mga pangduhadoha

Sarang mo sia mahambal.