This page has been validated.
----------
Sa Sidlangan nga maanyag — Diin gamuklat ang adlaw,
May dutang’ matahum — Puno sing kalailaan
Talikalang’ mabakod — Sang malupig nagapos.
Ay, yana’ng akon Pungsod, — Pungsod sang akon gugma!
----------
Kasubo sang kabuhi — Malayo sa imo sabak!
Wala’y silak kag gugma — Lwas sa imo kapatagan!
Ang silak wa’y dagangdang — Masubo’ng kalangitan. . .
Kailo akong’ mapatay — Kaanyag mo di makita!
----------
Sa mga ubay sang Pasig, — Gatubo mga kahoy
Nga sing lawas mabakod — Kag bugana sing landong;
Sa lunhawng’ mga dahon — Ang silak nagahampang,
Sa kalag nagabatag — Katam-is nga wa’y tupong.
----------
Sa Sidlangan nga maanyag — Diin gamuklat ang adlaw,
Pungsod kong’ ginasimba, — Puno sing kalailaan,
Sa salsalon gataghoy; — Mapatay nga ulipon.
Bulahan yadto’ng tawo — Nga sa iya makahilway.
________
(1) Ini nga malip-ot nga binalaybay sinulat ni Rizal sa tinagalog kag ang kinatsila iya ni Dn. Epifanio de los Santos Cristobal.
Wala sing balita nahanungod sang pat-od nga tuig sang sulaton ini nga binalaybay.
Suno sa “El Dia Filipino” sang ika-30 sa Disyembre sang 1921, ang tunay nga huwad sini nga sinulatan isa sang mga tinipon ni Gg. Epifanio de los Santos. Ang isa ka huwad sini nga binalaybay sa tinagalog naggwa sa pamihak 15 sang sinambit nga tangkas sang Dia Filipino.
Sa Sidlangan nga maanyag — Diin gamuklat ang adlaw,
May dutang’ matahum — Puno sing kalailaan
Talikalang’ mabakod — Sang malupig nagapos.
Ay, yana’ng akon Pungsod, — Pungsod sang akon gugma!
----------
Kasubo sang kabuhi — Malayo sa imo sabak!
Wala’y silak kag gugma — Lwas sa imo kapatagan!
Ang silak wa’y dagangdang — Masubo’ng kalangitan. . .
Kailo akong’ mapatay — Kaanyag mo di makita!
----------
Sa mga ubay sang Pasig, — Gatubo mga kahoy
Nga sing lawas mabakod — Kag bugana sing landong;
Sa lunhawng’ mga dahon — Ang silak nagahampang,
Sa kalag nagabatag — Katam-is nga wa’y tupong.
----------
Sa Sidlangan nga maanyag — Diin gamuklat ang adlaw,
Pungsod kong’ ginasimba, — Puno sing kalailaan,
Sa salsalon gataghoy; — Mapatay nga ulipon.
Bulahan yadto’ng tawo — Nga sa iya makahilway.
________
(1) Ini nga malip-ot nga binalaybay sinulat ni Rizal sa tinagalog kag ang kinatsila iya ni Dn. Epifanio de los Santos Cristobal.
Wala sing balita nahanungod sang pat-od nga tuig sang sulaton ini nga binalaybay.
Suno sa “El Dia Filipino” sang ika-30 sa Disyembre sang 1921, ang tunay nga huwad sini nga sinulatan isa sang mga tinipon ni Gg. Epifanio de los Santos. Ang isa ka huwad sini nga binalaybay sa tinagalog naggwa sa pamihak 15 sang sinambit nga tangkas sang Dia Filipino.
