171
Kag subong masunson pagbutlak sang aga Ginapanas lambong pula yang’ diwata Silak yang’ masilaw subong kasulub-on Kumbong nga madamol guya ya nagtabon.
Iya ayhan ginatan-aw karon yang’ kamingawan Labi nga masubo, mapait sa kahapon Gapalibog dinumdom ang isa ka larawan Larawan nga ginpanas sang hilawng’ kamatayon. Ayhan nagaginhawa nadumduman ya’ng angga Sang iloy ‘nga patay na) hibi ’ya kon madunggan, Ukon malulong’ awit nga sadto sang sia bata Pa iya nabatian sa subang’ gadalagan.
Ayhan ginapaantos painuinong’ pilason Sang damgong’ mabulakon nga sadto iya nahuptan, Di mabulong nga kauhaw sang himayang’ dalayon, Sang kalag ’ya kuntani buot paumpawan.
Sin-o’ng kasayod kon sia sing kataka gabatyag Dugo ya wa’y pulos naula, sa pagpanumdom, Mahisang’ kalibutan sa kapintas nga sagsag Sang malaut nga kuta sia ang pagapaagumon?
Ang dungog ’ya, sa kaakig pagpasipala sa iya Subong maitum nga unos mapakigsumpong ayhan, Kag sa ugat niya gasindot kaisog nga nagabaga Sa dughan ’ya gangurob nga daw pulang’ bolkan.
Ang mabatyagon ayhan nga kubos yang’ bituon Gabaton nga may pailob, sa tunay nga pagtuman, Ang bibig ’ya gakibot sang putli, magayon Kristyanong’ pangamuyo sa iya kasakitan?
Ang iya panulok Sa Langit gatangla Sang isang’ himaya Nagapangita. Kailo nga wani Nga sa pagpaumpaw Sang iya kamingaw Nagatinguha!
