Page:Mga Binalaybay V.3.pdf/24

16

  Kag gintan-aw nilang' sa malayo
 Ang kristuhanon nga binugtaan
 Nagpahayag silang' may kalipayan
 Sang makita'ng langitnon nga Krus nila
 Nga didto sa Alhambra gapamaladpad
 Sang ang siudad tapos na makaampo;
 Kag iya sang kalahi nga ginsumpo
 Nga amo'ng tiliman-an nga nahauna.

  Kag nadunggan sang masubo nga Hari
 Ang singgit nga "Mabuhay ang Castilla!"
 Kag ang pagluhod nahakit-an niya
 Sang mga katsila nga hangaway;
 Kag nadunggan 'ya sa mga trompeta
 Ang sa pagdaog nga mga inambahan
 Nakita ya'ng kalong' nagkilankilan
 Sa silak sang adlawng' gasagahay.

  Hanti ang iya tikang nagpadulong
 Diin makita si hari Fernando
 Nga nagapanguna nga amo'ng tagmando
 Nga makagagahum sa iyang' guban;
 Kag sang pagpalapit niya sa hari
 Sang moros ang yabi sa iya ginhatag
 Nga amo lamang ang pasalig kag manggad
 Sang mahometanhon nga kagamhanan.

  "Tan-awa ini, --- si Boabdil nagsiling
 Sa inyo ang sarang nga madulot nakon
 Sang arabyahanon nga kagamhanan:
 Mga tore, hardin, kahimayaan,
 Tanan, tanan, sa imo ko ginatugyan."

  Amo'ng kay Boabdil mga tinaga;
 Kag nahatag ya'ng pangatahuran
 Sa amo nga duog sia na'ng nagtaliwan
 Nga sa libong' kalautan sia'ng nagsaksi;
 Nagsunod sa paglakat yang' mahinay,
 Nagpaalam ang mga hangaway niya
 Sa linibo nga nguloynguyon nila
 Bumiya sa Genila --- maanyag nga labi.

  Sa karon, ang maisugon nga huni
 Sang pagsulod ni Fernando nagpaaman
 Sa Granadang' may kaanyag, katahuman,
 Kristyanos na kag wa'y lambong ni Boabdil;