Page:Mga Binalaybay V.3.pdf/33

25

Kag sa bulig sang gahum sa hitaas
May bugal ka nga nagpakigsug-alaw
Sa buhawi kag unos nga nagwaswas?. . .
----------
   ‘Paano ako makabalik sa duta nga katsila
Nga wala ang akon Santa Maria?
Matarong, maluluy-on nga Bathala
Paano nga akon mahatag sa iya’ng bag-ong’ balita
Tungod sini nga mauya naagaw nga kadutaan,
Kon lamang malunod ka, mahal nga sakayan?. . . ”
----------
   Hambal ni Colon, kag sa sakayan
Dayon nagpalayo
Sa kagha guminhawa,
Hipos nga pagpahayag mapait yang’ kasubo,
Nagikan sa daw batyay nga tuboran ang luha
Sa iya mata nagtagnak nga napuno sing kagha. . .
----------
   Pagkatapos sang malaot nga palad
Ang mga balita tungod sa inaway
Ginsugid nila nga masubo’ng dagway
Sa Guacanagari;
Kag ang iya pagtambong ginpamalakpakan.

   Kag ang Kasike
   Iban nga mga hampang nga makatilingala
   Nga makailima
   Sia nagpahito;
   Kag si Cristobal
   Sang makita niya nga’ng kinagula
   Kag panghimaya
   Karon natapno;

Sa iya mga taliaway sa gilayon nagmando
Nga sa lantaka nila ipakita’ng lupok.
Ang kasike nahadlok pati’ng iya tinawo,
Sang mabatian nila matingil nga tunog.
----------
Kag sila nagpadulong sa malapit nga bukid
Nga wala pa mapuy-i bisan sin-o nga tawo,
Samtang nga sa madamo nga handa makig-away
May tuman nga kabulong nagtulok mga indyo.
----------