This page has been validated.
Ang maputing’ balod sang nagaibwal nga dagat
Nga ginadigos nila pangpang nga nagauntayon,
Sang puti nga kasanag nasilakang’ daw pilak
Sa huyop nga mahumok sang dupoy nga may kaamyon:
Kag samtang nga sa landong nga gikan sa pihak
Nagsinaot palibot pakpakan nga hubon,
Mabangis nga tigulang, maligdong, gasibwa
Sa dagat nga madalum katingalahan gumwa.
----------
Sa mabakod nga tuo malig-on ’ya nauyatan
Ang gakilan, mabug-at nga isa ka hinangiban. . .
----------
“Kag makahas mong’ dughan nagahandum maglutos
Sang lakas nga kabaskog sang mabangis nga dagat
Nga kon maghinagunghong ang gatagring nga unos
Nagahabok sing bug-os, maligdong, masagil-um?
O1 sin-o ang sarang makaaninaw sing hipos
Sa mayaming’ salsaion sang parkang’(3) duguon,
Nga’ng ngurob sang gahagong nga mga kahanginan
Gabukas sa kaidalman masubo nga lubnganan?
----------
“Ano’ng kapin dira? Lamang ang kamatayon,
Ang mabangis nga dagat gapahog, masagil-um
Kag gahatag katalaw sa dughang’ tugason,
Diin tagsa ka tion gahayaw nga maitum
Unos, nga di masayran sang isang’ sakayanon
Ang pagdala sang barko sa tuman nga lisod
Kag sang mga tubig sia igalubong sa idalum
Diin linibong’ gadyang’ masigni nalikum.
----------
“Apang, kailo ka man! Espanyang’ masulub-on,
Kon pagsapo maapok ka sa dutang’ malayo!
Akon pabugtawon ang kaakig ni Aquilon (4>
Kag dumot nga mapintas sang sa dagat natago. . .
Kag di pa ikaw sa iban nga danay makadayon,
Sakayan mo hatagan ko’y gamo kag dinugo;
Di ko untatan tubtob makita’ng kalaglagan
Mo, kon di ka Iwason sa bulig nga balaan. ..
----------
‘Paghipos, gadyang’ tikas, sa tingog nga mahagpok
Si Cristobal sa iya nagsabat, ang kapakok. ..
----------
(3) Parca — Diwata sang kamatayon.
(«> Aquilon — Amihan nga hangin.
Nga ginadigos nila pangpang nga nagauntayon,
Sang puti nga kasanag nasilakang’ daw pilak
Sa huyop nga mahumok sang dupoy nga may kaamyon:
Kag samtang nga sa landong nga gikan sa pihak
Nagsinaot palibot pakpakan nga hubon,
Mabangis nga tigulang, maligdong, gasibwa
Sa dagat nga madalum katingalahan gumwa.
----------
Sa mabakod nga tuo malig-on ’ya nauyatan
Ang gakilan, mabug-at nga isa ka hinangiban. . .
----------
“Kag makahas mong’ dughan nagahandum maglutos
Sang lakas nga kabaskog sang mabangis nga dagat
Nga kon maghinagunghong ang gatagring nga unos
Nagahabok sing bug-os, maligdong, masagil-um?
O1 sin-o ang sarang makaaninaw sing hipos
Sa mayaming’ salsaion sang parkang’(3) duguon,
Nga’ng ngurob sang gahagong nga mga kahanginan
Gabukas sa kaidalman masubo nga lubnganan?
----------
“Ano’ng kapin dira? Lamang ang kamatayon,
Ang mabangis nga dagat gapahog, masagil-um
Kag gahatag katalaw sa dughang’ tugason,
Diin tagsa ka tion gahayaw nga maitum
Unos, nga di masayran sang isang’ sakayanon
Ang pagdala sang barko sa tuman nga lisod
Kag sang mga tubig sia igalubong sa idalum
Diin linibong’ gadyang’ masigni nalikum.
----------
“Apang, kailo ka man! Espanyang’ masulub-on,
Kon pagsapo maapok ka sa dutang’ malayo!
Akon pabugtawon ang kaakig ni Aquilon (4>
Kag dumot nga mapintas sang sa dagat natago. . .
Kag di pa ikaw sa iban nga danay makadayon,
Sakayan mo hatagan ko’y gamo kag dinugo;
Di ko untatan tubtob makita’ng kalaglagan
Mo, kon di ka Iwason sa bulig nga balaan. ..
----------
‘Paghipos, gadyang’ tikas, sa tingog nga mahagpok
Si Cristobal sa iya nagsabat, ang kapakok. ..
----------
(3) Parca — Diwata sang kamatayon.
(«> Aquilon — Amihan nga hangin.
