Page:Mga Binalaybay V.3.pdf/67

59

nga gatago sang mga gugma nakon
isugid ang pagsalig sang gapanglaguyawan
nga iya ginapadabdab sa dutang’ kaugalingonl

  Kadto kamo’g isugid. . . nga sang ang banagbanag
nagpabuskag sa inyo sa nahaunang’ takna
sa luyo sang Neckar nga sa tugnaw nagkigas,
inyo sia nahakit-ansa inyo luyong’ mahipos
nga nagahunahona
sang inyo dalayon nga tigpamuskag.

   Isugid nga kon yana’ng dupoydupoy
nga nagakawat sang inyo kahamot
maghutik nga gahampang sang ambahan sa gugma,
sia man gakilibuton
sang mga amba sa gugma sa hambal yang’ tumandok;
nga kon sang adlaw
ang putokputokan
sang Koenigsthul sa aga
pulugon sing bulawan,
kag sa kasanag niyang’ maalalaab
nagahatag kabuhi sa pisong, kagulangan
kag sa talunan,
gayaob sia sa amo nga adlaw, sa iya pagbanagbanag,
nga sa iya pungsod sa udto nagadabdab!

   Kag iasoy yadto’ng adlaw
sang kamo akon mapuksi sa higad sang alagyan,
sa tunga sang ginub-an sang gamhanang’ kastilyo,
sa higad sang Necktar u sa talon nga mahandong,
isugid yadto’ng sa inyo akon nga ginpamulong,
nga sa dakong’ pag-andam,
sa tunga’ng pamihak sang gingamit nga tulon-an
sinipad n’yong malum-ok didto napit-agan.

   O mga bulak, dal-al
ang gugma sa akon mga kahagugma,
hidait sa akon pungsod kag sa iya mauyang’ duta,
paglaum sa iya kalalakin-an,
kaputli sa iya kababaen-an,
maayo nga lawas sa mga tawo nga but-anan
nga sakop sang amaynon kag balaan nga puloy-an...

   Kon kamo sa baybayon makatumban,
ang halok nga akon sa inyo ginpadapat
ipalulan sa kuyos sang huyuhoy,