Page:Mga Binalaybay V.3.pdf/85

77

Nga kon di ako katulog
      gapulaw, gaampo buylog sa akon
Sa luyo ko, sia man naligwin
      kag nagaunay sa payag nakon,
Kag kon tanan gaduhadoha
      sing paglaum iya ako napuno.
----------
May akon sina, kag mabutlak
      ang adlaw nga akon napaabot
Nga pagalutuson sang Isip
      ang kusog nga sapatsapaton,
Nga sa tapos ang inanay
      nga pagbakho, pagtikasog,
Labing’ matam-is, malipayon
      nga tuhay sangsa akon nga tingog
Magaalam sa ulihe mag-amba
      sang sa padaog nga ambahanon.
----------
Ginatan-aw nakon ang langit
      nga matin-aw kag may kasili
Katulad sadto sang pagtuga
      sang nahauna nakon nga damgo,
Amo man nga huyop gihapon
      gahalok sa laya kong’ dahi,
Amo man nga sa kakunyag ko
      naghatag mainit nga kabuhi
Kag nagpabukal sang dugo
      sang pamatan-on nga dughan ko.
----------
Akon ginaginhawa’ng hangin
      nga ayhan nakalabay sadto
Sa mga patag kag suba
      sang matahum nakon nga banwa;
Ayhan ibalik niya sa akon
      pinatago ko sa iya tuo:
Mga halok kag mga taghoy
      sang isa nga akon ginsimba,
Matam-is nga mga hutik
      sang isa ka lin-ay nga gugma!
----------
Sang makita ko sa gihapon
      ang pilakpilakon nga bulan,
Ang unang’ mga kamingaw
      liwat sa akon nagalabay;