dili mahigula sa atong lungsod ug dill usik-usikan sa pagpamalit
mga polbora, kon dili idapat ta hinoon sa bisan unsang butang
may kapuslanang makuha ang tanan.
—¡Mao kana, mao kanay among gipaninguha! —matud sa mga batan-on.
—¡Maayo kaayo!— midason ang mga tigulang.
—¿Unsa may makuha ta nianang usa ka semanang dula nga gipangayo sa teniente mayor? <!Unsa may hikat-onan ta sa mga hari sa Bohemia ug Granada nga magsugb maglunggo sa ulo sa ilang mga anak babaye kun ipapansal kini sa kanyon ug unya ang kanyon mahimong trono sa hari? Dili kita mga hari, dili kita mga luog nga mapintas ug wala usab kitay mga kanyon, ug kon ugaling buut gayud kita mosunod sa mga hari sa dula, pamitayon hinoon kita sa Bagumbayan. i'Unsa man kanang mga prinsesa nga mosalmot sa mga away, ug unsa man kanang mga prinsipe nga manag-usara pagsuroysuroy sa kabukiran ug kapatagan daw gilumay sa usa ka tagibanwa? Pinasubay sa atong kabatasanan, kita mahagugma sa katam-is ug kalumo sa babaye ug ngilngigan kitang mokupot sa kamot sa usa ka dalaga nga magkabulingit sa dugo, bisan dugo sa usa ka moros kun higante; dinhi kanato tamayon ug ilhon tang tampalasan ang tawo nga modapat sa iyang kamot batok sa usa ka babaye, bisan siya prinsipe, punoan sa mga sundalo kun magbabaul.
Dili ba labi unta hinoong maayo nga dad-on ug ipakita ta sa dulaan ang atong kaugalingong mga batasan aron sawayon ang atong mga kahilayan ug mga apan ug dalayegon ang atong mga maayong hiyas?
—¡Mao kana, mao kana!—nanabat ang iyang mga kadapig.
—¡Oo, may katarungan!—matud pa sa ubang mga tigulang nga naghinuktok.
—¡Wala gayud ako makahunahuna nian^!—matud ni Kapitan Basilio.
—¿Apan unsaon man nimo paghimo niana?—nangutana kadtong tigulang gahiag ulo.
—¡Masayon da kaayo!—mitubag ang batan-on.—Aniay gidala kong duha ka dul& nga sa walay duhaduha uyonan ug kahimut-an gayud sa mga mabuot ug talahuron uyamot nga mga tigulang, tungud kay makalingaw man. Ang una ginganlan
“Ang pagpili sa Gobernadorcillxr kini maoy usa ka dula nga
