Ania kita sa ikapulb ka adlaw sa bulan sa Nobyembre, bisperas sa pangilin.
Lahi sa naandan nang kalaay ug kamingaw, ang mga tawo mining adlawa nanagsando sa kadalanan, walay hunong sa ilang balay, sa simbahan, sa bulangan ug hangtud sa kaumahan: ang mga tamboanan naputos sa mga bandila ug mga panapton nga nagkalainlain ang bulok; maalingisig ang butobuto sa mga luthang ug nagasibag ang honi sa mga tulonggon: sa tanang’dapit ang kalipay maoy naghari.
Tinipon sa mga sudlanang bildo, gihapnig sa dalaga ang nagkalainlaing mga matam-is nga binuhat sa nagkalainlaing mga bunga sa kahoy nga tinungtong sa usa ka gamayng talad nga tinabonan ug mantil nga binuldahan. Sa silinganan sa mga balay namukpotak ang mga sunoy, nangakak ang mga himungaan ug nanag-agmud ang mga baboy, nangalisang sa kabanha sa mga tawo. Ang mga binatonan nanag-utas saka-kanaug nga nanagdala mga pinggan nga masinaw sama sa bulawan ug mga kubyertos nga salapi: dinhi adunay nanag-away tungud sa usa ka pinggan nga napusgay, sa unahan nanagpangatawa. sa lihok sa usa ka babayeng bukidnon: sa bisan diin dapit masamok, mahasol ug malangas. Ug kining tanan nga atong makitli gihikay ug gitagana alang sa mga dumudugok sa pangilin, kaila siya kun dili, alang niadtong mamiyesta nga wala pa hiilhi ug dagway dili na igakita pag-usab hangtud sa hangtud, ardn ang dumuduong, ang langyaw, ang higala, ang kaaway, ang Pilipinhon. ang Katsila, ang kabus, ang datb, ug sa usa ka pulong, aron ang tanan mahimuot ug malipay: [dili ngani sila pangayoan ug diyutay nga balus, ni ang tagbalay magahulat nga tungud sa iyang pag-abiabi sa iyang bisita kini magalikay na pagdagmal kaniya ug sa iyang banay human mahilis ang iyang gidulot! Ang mga datb, kadtong nanghiadto sa Manila ug nanagpakakita
