likaryo nga bulawan dinayandayanan ug mga brilyantc ug esmeralda
ug may sulod nga diyutayng sinapsap sa sakayan ni San
Pedro diin milingkod ang Atong Ginoo samtang nanagat.
Ang panagkitil ni Kapitan Tiyagb, Maria Clara ug sa iyang umagaron mahinalangpon kaayo; nanaghisgot sila sa tulonghaan, sumalii sa masabut na. Si Kapitan Tiyagb buut nga hinganlan ug tulonghaan ni San Francisco.
—Tuhoi ako—matud niya:—si San Francisco maoy usa ka maayong patron. Kon nganlan mog escuela de Instruction primera, wala ka gayud ing bunga nga makuhà. ¿Kinsa man kana si lntructi6n primera?
Nangabut ang pipila ka mga higala ni Maria Clara ug gidapit siya sa pagsuroysuroy.
—Apan pauli dayon—giingon ni Kapitan Tiyagb ang iyang anak nga nananghid kaniya;—nahibalo ka na nga karong gabii anhi sa atb manihapon si pari Damaso nga karon lamang mpabut.
Gilingi ni Maria Clara si Ibarra nga mihinuktok ug iyang giingon:
—Dinhi lamang usab panihapon; didto sa inyo mag-usara lamang ikaw.
—Mahinangop unta ako kaayo niana, apan kinahanglan nga dili ako maglihok sa amo, takulahaw adunay mangabut nga mga bisita—mitubag ang batan-on nga mipalihaslihas sa tinanawan sa dalaga.
—Dad-a lamang nganhi ang imong mga higala; dinhi sa akong balay kanunay nga adunay daghang pagkaon... Buut usab unta ako nga ikaw ug si pari Damaso managkasabut...
—¡May panahon da ugaling alang niana! —mitubag si Ibarra nga milugos pagpahiyum ug mitindog aron pagkuyog sa mga dalaga.
Nanganaug sila sa hagdanan.
Si Maria Clara gitaliwala ni Victoria ug ni Iday; si iya Isabel nagasunod sa luyo.
Ang mga tawo nang-iway aron paghatag kanilag agianan. Makabibihag kaayo ang kaanyag ni Maria Clara: nawala na kadtong iyang kaluspad, ug kon ang iyang mga mata ingon ug nanagluloy gihapon, ang iyang baba kanunay lamang nagpa-
