mao ang mga dinapit sa balay sa Crcso2 nga Pilipinhon.
Didto nakabaton kami ug dakung kalipay sa pagsud-ong, dill
lamang kay sa mga mahal ug maayong pagkapiling dayandayan
sa balay, butang kini nga dill masabug igakita sa mga tumitindog
dinhi, kon dill usab sa bililhon, maanyag uyamut ug bahandianong
dalaga nga manununod ni Don Santiago de los
Santos, kinsa nagpaila nga maoy usa ka maayong tinon-an ni
Santa Cecilia3 diha nga gitugtog niya sa usa ka maanindot
nga piyano ang labing maayong mga sonata nga binuhat sa mga
Alemanyanhon ug mga Italyanhon; ang iyang kabatid sa paggawi
niining tulonggona nakapahinumdom kanakb sa kabatid
sa bantugan nga Galvez. jKaanugon ugaling nga kining hingpit
nga dalaga mapaubsanon uyamut ug wala niya ipakitk ang iyang
mga maayong hiyas sa katilingban nga nagamahal kaniya! Dili
nakb angayan hikalimtan nga sa maong balay gidalitan kami
ug sampan ug uban pang mga malalim ilimnon nga gipatara
lamang sa talad, sumala sa nabatasan sa naila uyamut nga sapian.
Nanambong kami sa talan-awon. Ikaw nakaila na sa atong mga magdudul^ nga si Ratia, Carvajal ug Fernandez; kami day gilaliman sa ilang mga sulti ug mga lihok nga makapahimuot, kay ang mga tawong walay hibangkaagan wala man gayud managpakasabut sa ilang gipanulti. Si Chananay ug si Balbino, mga maavo usab, bisan nalaghaw ug diyutay ang ilang tingog: kining ulahi napagaw, apan silang tanan pulos mga maayo ug mipakitag dakung tinguha sa pagpahimuot sa kadaghanan. Ang mga Indio, labi na ang gobernadorcillo, nanghimuot kaayo sa dula nga tinagalog: kining ulahi nalipay uyamut ug iya kaming giingon nga anugon kaayo nga wala paawaya ang prinsesa sa higante nga mikawat kaniya, kay sa iyang hunahuna kadto makapahibulong unta kaayo, labi pa kon ang higante dili masamad bisan diin dapit sa iyang lawas, gawas sa iyang pusod, sama nianang Ferragiis nga giasoy sa kaagi sa Doce Pare. Si M. R. P. Fray Damaso, tungud sa hiilhan na uyamut nga kalumo sa iyang kasingkasing, miuyon sa hunahuna sa gobernadorcillo, apan mipahayag nga sa ingon nianang kaagiha, ang prinsesa mao day
(2) Katapusang Hari sa Lidia, bantugan tungud aa iyang kasapian — Pahamatngon sa Taghubad.
(3) Patrona sa musika. — Pahamatngon sa Taghubad.
