didto pagatipigan ug itagana alang sa umaabut ang mga
handumanan sa kanhiay. Si pilosopo Tasyo nga nagasuroy-suroy
didto ug nagahinuktok, nagkanayon:
—Dagway may ndlaw da, kon kining buhat nga gisugdan karon madaan na uny5 human molabay ang daghang mga katalagman ug matumpag na tungud sa mga linog kun tuyuon ba gayud pagguba sa tawo, ug sa ibabaw sa mga ginuba manubb ang mga tanum nga gagmay ug mangaput ang mga bagon; unya kon mahanaw na ang mga tanum, mga bagon ug mga ginubâ ug ang ilang mga alikabo ipadpad na sa kahanginan, ug sa mga panid sa Kaagi mapapas na ang handumanan sa tulonghaan nga tukuron ug sa tawo nga nagabuhat kaniya, handumanan nga sa usa ka bahin dugay na nga napalm sa panumduman sa katawhan; kaha, kon ang mga kaliwatan nga hingtabunan na sa yuth kun mangahanaw na, takulahaw lamang nga ang budlong sa tawong magabugwal sa yutang lokhan, dungan sa bits nga mokalit pagliksi inigkabangga sa bato ug sa budlong, kaha makubkob niadtong tawo gikan sa kahiladman sa mga pangpang ang daghang mga tigmo ug mga katingalahan. Kaha ang mga makinaadmanon sa usa ka nasud nga mopuyo unya dinhi managbudlay pagkalot, ingon nga nanagbudlay karon ang mga makinaadmanon sa pagkubkob sa yuta sa Ehipto aron pagpangit^ sa mga salin sa mga kaliwatan nga maalam ug mauswagon nga nangahanaw na ug wala magadahum nga motikyop kanila ang usa ka gabii nga hataas uyamut. Kaha ang usa ka maalam nga magtutudlb moingon sa iyang mga tinon-an nga may lima kun pito pa lamang ka tuig ang ilang kagulangon, sa usa ka pinulongan nga hisabtan sa tanan: “¡Mga ginoo! Human tun-i ug susiha pag-ayo ang mga butang hipalgan sa kahiladman niining yuta nga atong gitumban, human matukib ang kahulogan sa pipila ka mga badlis nga nakita, ug human hubara ang pipila ka pulong, mabanabana ta sa walay diyutayng kahadlok nga masayop nga ang maong mga butang kaugalingon niadtong mangitngit mga panahon nga ang tawo luog pa. Tuod man, mga ginoo, aron gayud kamo makabanabana sa kaburong kun kaiwit sa atong mga katigulangan, igb lamang asuyan ko kamo nga ang nanagpuyo dinhi dili lamang kay ming-ila ug usa ka hari, kon dill usab aron paghusay sa mga butang sa ilang kaugalingong pamunoan kinahanglan pa
