dagkung mga alantuson ug andam gihayon sa pag-antus sa umaabut.
“Ug karon nga panalanginan ang unang bato niining hinungdanon uyamut nga balay, Kami, Alkalde Mayor niining lalawigan, sa ngalan sa Kamahalan sa Hari sa Espanya, nga bantayan unta ni Bathalil, sa ngalan sa Kagamhanang espanyanhon ug sa ubus sa iyang bandilang walay baling ug sa kanunay mananaug, jsubhan namb kining atong gibuhat karon ug sugdan namb ang pagtukoJ niining tulonghaan!
“Mga molupyò sa San Diego, jmabuhi ang Hari! ¡Mabuhi ang Espanya! jMabuhi ang mga pari! jMabuhi ang Religion Catolica!”
—¡Mabuhi, mabuhi!— nanubag ang mga tawo.— ¡Mabuhi ang ginoong Alkalde!
Human niini, ang Alkalde sa dakung kaligdong nanaug sa lungag dungan sa honi sa banda nga misugod dayon pagtugtog; mibutang pipila ka sandok nga litsada sa ibabaw sa bato, ug sa mao gihapong kaligdong sa sinugdan, mibalik siya pagsaka.
Ang mga kagawad mipakpak.
Si Ibarra misandok pag-usab ug litsada ug iyang gitunol sa kura, ug kini, tapus motutok kaniya makadiyot, mihinay pagkanaug. Sa didto na siya sa tunga-tunga sa hagdan, miyahat aron pagtan-aw sa bato nga naggabitay hiniktan ug malig-ong mga pisi, apan kini usa da ka pamilok ug ang pari mipadayon pagkanaug. Sa didto na sa ubus, gisunod niya ang gibuhat sa Alkalde, apan niining higayona ang mga pakpak labi pang masipa kay ang pakpak sa mga kagawad hipun-an man sa pipila ka prayle ug sa kang Kapitan Tiyagb.
Si pari Salvi daw nangita kinsay iyang hatagan sa igsasandok; mitan-aw siya daw nagduhaduha kang Maria Clara, apan nausab ang iyang hunahuna ug ang igsasandok iyang gihatag sa Eskribano. Kini, tinukmod sa maayong pamatasan, miduol kang Maria Clara, apan ang dalaga mibalibad usab nga nagapahiyum. Ang mga prayle, ang mga kagawad ug ang Alferez nagsunod sunod pagpanganaug. Si Kapitan Tiyagb wala hikalimti.
Si Ibarra na lamang maoy nakulang, ug diha nga ang tawong madalag ug panit suguon na unta sa pagpaus-os sa bato,
