-Matinuod kaha kana? -nangutana si Kapitán Basilio.
-Paabuton ko -miingón si don Filipo nga mikilô kang Kapitán Basilio-nga ang lungsod dili motalikód kaniya. Kinahanglan hunahunàon ta ang gibuhat kanhi sa iyang banay ug ang iyang gibuhat karón. Ug kon sa kapulihay ang lungsod mahadlok ug dili lamang motingog, ang iyang mga higala...
-Apan, mga ginoo, -misagbat ang "gobernadorcillo"- unsa may mahimo nato? Unsa may mahimo sa lungsod? Bi- san unsay mahitabo, ang mga prayle kanunay gayúd nga may katarungan.
-Oo, kanunay gayud silá nga may katarungan kay kanunay man ugód silá natong hatagan mitubág si don Filipo nga naglagot ug gidaku pagbanganga ang iyang baba sa pagbungat sa pulong kanunay; sulayán ta da ugód makausá sa paghatag ug katarungan sa atong mga buhat kon dili ba malain ang atong kahimtang.
Ang "gobernadorcillo" nangalot sa iyang ulo, ug, humán mo hangád sa atóp, mitubág sa tingog mainggit:
Pastilán ang kainit sa dugo! Daw ingón ug wala kamó masayud kon haing dapita kitá magapuyo; wala kamó makailá sa atong mga katagilungsod. Ang mga prayle dato ug nanag- hiusa, ug kitá mga kabús ug nagkabahin. Oo, sulaye ninyo paglaban si ginoo Ibarra kon dili ba kamó unya pasagdan nga mag-usara sa inyong kalisúd.
-Oo, -matud ni don Filipo sa dakung kasubo -kaná ma- hitabó gayúd samtang kitá maghunahuna sa ingón, samtang a- tong tuhoan nga ang kahadlok ug kabugnaw sa buót magsama dag kahulogan. Labing tagdon nato ang usa ka kadaut nga wa- la pa hibaloi kay sa kaayohan nga kinahanglan; dihadiha mo- turók dayon sa atong buót ang kahadlok ug dili hinuon ang pagsalig; ang tagsatagsa iyahay lamág hunahuna sa iyang kauga- lingong kaayohan, dili maghunahuna sa kaayohan sa ubán, busa kitáng tanán mga mahuyang!
-Nan, sulayé pag-atiman ang kaayohan sa ubán una ang imoha kon dili dili ba biyaan ka lamang unya! Wala ka ba ma- sayud niadtong sanglitanang kinatsila nga nagaingón: ang kaluoy nga maayo maó kadtong magasugod sa iyang kaugalingon?
-lngna hinuon -mitubág ang "teniente mayor" nga naga- lagot nga ang katalaw magasugod sa paghigugma nga walay
