Dinan-agan sa maluspad nga kahayag sa bulan nga nagasuotsuot sa masiut nga kasangahan sa mga kahoy, usa ka tawo nagahinay paglakaw taliwala sa lasang. Aron siya makatultol ug dili mahisalaag, usahay managhoy usa ka honi nga tubagon usab dayon didto sa layo sa usa usab ka taghoy nga sama. Ang tawo mahisalaag, usahay managhoy usa ka honi nga tubagon usab dapit nga gigikanan sa taghoy nga tubag sa iyaha.
Sa katapusan, human sa mga kalisdanan nga igahibalag sulod sa kagabhion taliwala sa usa ka lasang wala pa masuot ug tawo, nahiabut siya sa usa ka diyutayng hawan nga dinan-agan sa bulan nga wala pa malingin. Mga hatag-as pangpang nga sa tumoy gitugkan ug mga kahoy nanaglibut niadtong diyutayng hawan sama sa mga paril sa usa ka dakung balay nga naguba na; mga kahoy nga bag-ong tinaga, mga batang nangapaig, nanagtipun-bg sa taliwala tipon sa mga dagkung pangpang pinutos sa mga tanum nga nakahatag kalunhaw kanila.
Igo lamang nahiabut ang tawo, usa ka anino miguho dayon sa luyo sa usa ka dakung pangpang, miduol ug, human moibutsa usa ka rebolber.
—Kinsa ka? —nangutana sa tinagalog ug gibingat dayon ang gatillo sa iyang hinagiban.
—Ania ba karon tipon kaninyo ang tigulang si Pablo? — nangutana ang nahiuna sa tingog malinawon, wala lamang motubag sa gipangutana kaniya ug wala usab maluba.
—Ang kapitan ba maoy imong tuyo? Oo, ani.
Sa ingon niana, sultihi siyh nga ania si Elias nangita kaniya —miingon ang tawo nga dili lain kon dili ang katingad-ang piloto.
—Ikaw ba si Elias? —nangutana ang misugat sa sinultihan nga may diyutay nang pagtahud, ug miduol apan. gition gihapon ang iyang rebolber; —kon mao kana . . . nunot kanako.
