—Subo ug walay tingog, ang duha ka magsuon nanuol sa koral ug naminaw nga nanaghukdong. Usa ka tawo miduol ug mihunghong kanila:
—Migó, usa ka gatus kontrág napulo, ari ako sa ugís! Sama sa buang, si Társilo mitan-aw sa tawo. Gisikíl siya ni Bruno ug mingulob.
Ang mga soltador nanagbitbit na sa mga manok dalá ang panlihok nga angayan kaayo, nanagbantay nga dili mangasamad. Mihari ang kahilum: pakaingnon ta nga ang mga tawo nga nanambong didto, gawas sa duha ka soltador, pulos mga tawotawo nga binuhat sa talo nga inumol. Duulon ang duha ka ma nok, kuptan sa ulo ang usa aron tusikan sa usa ug maglagot, ug unya baluson usab pagpatusik ang usa: sa tanang duelo kina- hanglan walay molabaw sa managsangka, bisan mga manok nga taga-Paris kun taga-Pilipinas ang managbugno. Human niini sa- bungon ang ilang masigka-nawong ug sa ingon niana ang tagsa- tagsa ka manok makaila kinsay miibut sa iyang balhibo ug kinsay iyang kabugno. Molingkaag ang ilang tambulok sa liog, magtutokay sila pagtan-aw ug ang ilang tambulok sa liog, magtutokay sila pagtan-aw ug ang ilang magagmay ug malinging mga mata magpangidlap sa kalagot. Dinhi moabut na ang higayon: luwa- tan sila sa yuta apan dili kaayo padutduton, ug unya ang tanan mopadaplin.
Ang duha ka manok magdinutdutay paghinay. Walay usa nga mosulti, ang tanan halos dili moginhawa: hangtud ang linak- tan sa mga manok mabati. Inigharong na nila, managyango- yango sa ilang ulo daw masig-banabana sa ilang kalaki; mongu- lot ang duha ka manok, kaha mahulgaay kun magtamayay ba. Nakita nila ang mahait nga sulab sa bulang nga nanaggilawgi- law; ang katalagman makasibut kanila, ug sa walay panagana usag-usa moduol, apan sa usa na lamang ka lakang ang gilay-on, manghunong, iduko ang ilang ulo, magtutokay pagtan-aw ug mobalik pagpanglingkaag ang tambulok sa ilang liog. Niadtong hi- gayona malipong sila sa kasuko, ug unya, nianang kaisug nga kinaiya sa mga manok, magbangga ug magdam-agay sila pag- kalit; magkupogay, magsangka ang ilang masigka-dughan, manag- bulang ang masigkapako: ang mga bunal maayong pagkasagang ug igo lamang nangataktak ang pipila ka balhibo. Mobalik sila pagbarongay; sa kalit lamang molayog ang ugis; molupad sa itaas
— 394 —
