gan sa iyang pamanhonon, ug mikalagiw kami sa among lungsod
kuyog sa among amahan padulong sa bisan asang dapit
mahisangkb. Ang pagpalandong kanunay nga siya maoy usa
sa tagsala niadtong makaloluoy namong kahimtang nakapamubo
sa kinabuhi sa tigulang, ug sa iyang baba akong hisayran
ang tibuok masulub-on namong kaagi. Ang akong igsuon ug
ako nanag-usara pagpuyo.
“Siya mihilak pag-ayo, apan taliwala niadtong mga kaguol nga hapit na motabon kanamo, wala mahikalimot sa iyang gugma. Walay tingog, walay mulo nakita niya nga ang iyang hinigugma kanhi naminyo sa laing babaye, ug napaminaw ko nga ang akong alaut nga igsuon nagkahigos lamang sa hinayhinay ug wala gayud ako makahimo pag-alam-alam kaniya. Usa ka adlaw niana nawala siya; kawang lamang ang akong pagpangita kaniya sa tanang kasuokan ug ang akong pagsusi bisan diin dapit, hangtud nga tapus mangagi ang unorn ka bulan nasayud ako nga niadtong panahona, tapus ang usa ka baha sa lanaw, sa baybayon sa Kalamba ug taliwala sa usa ka pilapilan, hingkaplagan ang lawas nga patay sa usa ka dalaga nga nalumus kun gibuno; sumala sa gisugilon sa mga tawo, may kutsilyo nga mitaroy sa dughan sa minatay. Ang hitabb gipasangyaw sa mga punoan sa Kalamb'a ngadto sa mga lungsod nga silingan; walay usa nga miadto aron pagbawi sa minatay, walay dalaga nga hitagiwad-an. Sa mga tilimad-on nga gihatag kanako sa human ilubong ang minatay, tungud sa mga saput nga iyang gisul-ob, sa iyang mga alahas, sa katahum sa iyang nawong ug sa iyang mga buhok nga malabong uyamut, akong naila nga kadtong minatay mao ang alaut kong igsuon. Sukad niadtong panahona hangtud karon, naglaroylaroy ako sa mga lalawigan; ang akong kabantug ug kaagi ginasultihan sa mga tawo, adunay mga buhat nga gipasangil kanako, usahay butangbutangan ako, apan dili ko lamang tagdon ang mga tawo ug mopadayon ako sa dalan nga akong ginalaktan. Sa daklit nga pagkasulti, anaa gisugilon ko ang akong kaagi ug ang kaagi sa usa sa mga hukom sa katawhan.”
Si Elias mihilum ug mipadayon pagbugsay. —Nag-anam na akog tuo nga ikaw adunay katarungan— matud ni Crisostomo sa tingog mahinay— sa pag-ingon m6 nga ang katarungan kinahanglan mangita sa kaayohan aron ibalus
