LIV
Quidquid latet, adparebit, Nil inultum remanebit.
Mibagting ang orasyon; sa pagkadungog sa tingog sa lingganay, ang tanan nanghunong, namiya sa ilang mga buhat ug mitukas sa kalo ang mga lalaki: giputol ang awit sa magdadaro nga gikan sa kaumahan, gipahunong ang kalabaw nga iyang gikabay-an ug unya nangadye siya; ang mga babaye iyahayg pang urus taliwala sa dalan ug gipakutab ang ilang mga ngabil aron gayud walay magduhaduha sa ilang pagkahingadye; ang sugarol mihunong paghapoyhapoy sa iyang manok ug nangadye sa Angelus aron kaloy-an sa maayong palad; sa kabalayan ang pangadye ginabimo sa hataas nga tingog... mahilum ang tanang gahub ug mao day madungog ang Avemaria.
Bisan pa niini, ang Kura nga wala magkuha sa kalo, mitadlas sa dalan nga naglagsik ug nakapahingangha sa daghang mga tigulang biyata, labi na gayud sa pagtan-aw nila nga mipadulong sa balay sa Alferez. Ang mga babaye nga nangadye sa dalan nanagtuo nga maayo nang undangon ang kutabkutab sa ilang bababa aron mohalok sa kamot sa Kura, apan si pari Salvi wala motagad kanila; niadtong hapona daw wala siya layhi nga mipadaitol sa iyang kamot nga bukugon sa usa ka ilong kristiyanos aron unya, ingon sa dili lamang tuyuon, iyang ipadailos (suma la sa napaniid ni Donya Consolacion) ngadto sa dughan sa usa ka maanindot dalagita nga motikubo aron panalanginan sa pari. Dag way hinungdanon uyamut ang butang nakalingaw sa iyang hunahuna kay nalimot man lamang sa mga butang kaugalingon niya ug sa mga butang kaugalingon sa Simbahan!
Tuod man, misaka siya sa hagdan nga naglagsik pag-ayo ug mituktok pagsubsob sa ganghaan sa Alferez kinsa migula nga nagadiyong, sinunod sa iyang asawa nga nagpahiyum sama sa usa ka kondenada.
—451—
