—Karon, isuka ang tanang mong bunt isulti — miingon sa Kura ang Alferez sa dakung kalinaw sa buot.
Si pari Salvi mitan-aw kaniya ug dugay; unya nangutana nianang tingog pinaagi sa ilong nga lagmit gamiton sa prayle nga magawali:
—Nakakita ba ikaw nga ako nagadagan pagpaingon ko nganhi?
—Bilanggotanan! Gipakaingon ko kadto nga ikaw naghibulos!
—Nan, kon ako milapas sa ingon sa akong katungdanan— mipadayon ang Kura nga wala lamang magkabana sa sinultihang binastus sa Alferez —tungud kay adunay mga hinungdan nga daku uyamut.
—Unya, unsa pa man?... nangutana ang Alferez nga miantak sa salog.
—Ayaw pagdalidalia! —Kon maa kana, nganong nagdali man ikaw pag-anhi? Ang Kura midutdot sa Alferez ug nangutana sa hagawhaw:
—Wala— ka— ba — makadawat— bag-ong balita? Ang Alferez miyam-id ug wala motubag.
—Nagpasabut ka nga wala gayud diay ing alamag.
—Nagahisgot ba ikaw kang Elias nga kagabii gitagoan sa imong sakristan mayor? —nangutana..
—Dili, wala ako maghisgot nianang mga butanga nga pulos lamang sugilanon — mitubag ang pari nga naglagot na; —maoy akong gihisgotan ang usa ka dakung kadaut nga nagaangat kanato.
—Nan, p . . .!, sulti ugod dayon!
—Tan-awa! —miingon ang prayle nga nagpahitad ug sa sinultihan nga matinamayon; —sa makausa pa makita mo karon ang kahinungdanon namong mga prayle. Ang katapusang uldog sa among Kapunongan labing dakug bill kay sa usa ka regimiento nga sundalo; nan, hunahunaa lamang kon unsa ang usa ka kura. . .
Ug unya gihinay ang iyang tingog, ug, sama sa magataho usa ka butang tinago kaayo, mipadayon pagsulti:
—Nasusi nako nga dunay mga tawong nagkasabut sa pagsukol sa Kagamhanan!
— 453 —
