kay sa kalubngan usa ka man ka mananap ang pasudlon...
—Halal— gisinggitan siya ni Hermann Pute;— ikaw gayud molaban pa sa usa ka tawo nga dayag na kaayong gisilotan ni Bathala. Paminawa unya kon dili ba dakpon ka usab. Hala, sulaya ang usa ka balay nga mahugno nal
Ang tigulang mihilum sa pagkadungog sa mga katarungan nga gipahayag sa iyang asawa.
—Oo!— mipadayon ang tigulang babayc;— human niya bunali si pari Damaso, mao na lamay nakulang mga patyon niya si pari Salvi.
—Apan dili ikaw makalimud nga siya buotan sa gamay pa. —Oo, buotan lagi— mitubag ang tigulang;— apan miadto sa Espanya; ang tanang mangadto sa Espanya mangahimong irihis, pulong pa sa mga kura.
—Ohoy!— mitubag ang bana nga nakakitag higayon sa pagpakabalus;— ang kura diay, ang tanang mga kura, ang Arsobispo, ang Papa ug ang Birhen, dili ba taga-Espanya? Aba! mga irihis diay usab sila? Aba!
Salamat ugaling sa pag-abut sa usa ka binatonang babayc nga nagadagan, nahasi ug naluspad, si Hermana Pute naluwas sa kalisud ug ang lantugi naputol.
—Adunay naghikog sa lagwerta sa balay nga silingan!— matud sa binatonan nga gikutasan.
—Naghikog!— nagdungan pagsabat ang tanan puno sa kalisang. Ang mga babaye iyahayg pangurus; walay usa nga nahaglihok sa gilingkoran.
—Oo— mipadayon ang binatonan nga nagakurog;— manguha unta ak6g mga gisantis... milili ak6 sa lagwerta sa among silingan aron pagsusi kon diha ba si... nakita ko ang usa ka tawo nga nagtabyogtabyog; gipakaingon ko kadto nga mao si Teo, ang binatonan nga maghatagan kanako ug... miduol ak6 aron unta pag... pagkuhag mga gisantis, ug nakita ko nga dili diay siya kon dili lain, usa ka minatay; midalagan ak6 ug...
—Tan-awon ta!— miingon ang tigulang lalaki nga mitindog;— tultoli kami.
- 470 -
