—Apan dili dagway aron pagpangompisal ni paghatag ug pamisal Nanugok ang mga silingan ug ubay-ubay ang mga tawo nga miliyong sa minatay nga nagtabyogtabyog gihapon. Tapus molabay ang tunga sa takna miabut ang usa ka algwasil, ang directorcillo ug d―uha ka kuwadrilyero; ang minatay gihugos niining nanghiulahi ug gipahamutang sa usa ka langkapan.
—Ang mga tawo nanagdali sa kamatayon— matud sa directorcillo nga nagkatawa samtang mikuha sa dagang nga iyang gisang-at ibabaw sa dalunggan.
Gilikwadlikwad niya pagpangutana ang pipila ka tawo, gipaasoy ang binatonang babaye nga buut niya bikton ug sulti aron masugapot pagtubag, usahay iyang sigaan sa mata, usahay hulgaon, usahay pasanginlan ug mga pulong wala isulti sa alaut, ug diha nga gipakaingon niini nga mahibalhog na gayud siya sa bilanggoan, mihilak ug sa nadugay sa mitug-an nga dili diay gisantis ang iyang giadto didto kon dili... ug gigawi niyang saksi si Teo.
Samtang ang binatonang babaye gisukotsukot sa directorcillo, usa ka magbabaul nga nagkalo ug halapad nga takukong ug may dakung patsi sa liog, naghilinghiling sa minatay ug sa pisi.
Ang kalagum sa nawong sa minatay sama da sa kalagum sa ubang bahin sa iyang lawas; sa ibabaw sa gihiktan sa pisi may mga garas ug duha ka labud nga gagmay; ang mga lukot sa pisi maputi ug walay dugo. Ang madukidukiori nga magbabaul mihiling pag-ayo sa sinina ug sa kalsonis ug nakamatngon nga napulos ab6g ug bag-ong nagisian; apan ang labi gayud nga nakapahibulong kaniya mao ang mga bunga sa amorsiko nga nanaput hangtud sa asintos sa sinina.
—Unsay imong gihuing? —gipangutana siya sa directorcillo.
—Gitan-aw ko, senyor, kon hiilhan ko ba siya— mitubag nga mitukas ug diyutay sa kalo, kun sa laing pagkasulti, gipayungyong niya pag-ayo ang iyang takukong.
—Apan wala ka ba makadungog nga kanang tawhana ginganlan si Lucas? Natulog ba ugod ikaw?
Ang tanan nangatawa. Ang magbabaul, nga naulawan, mi-
